Psaumes 101 - Ma Zhiklè

¹ Psaume David. I woy a i sli dimèsh a géɗ pombai, a gèɗ ngi-zuraʼa. I woy a i tsa ka ganzavar, Ndo nzi pèc pècèk!

² I woy a i slebi ndè a civèɗ njèlèlèʼa. Ka shkè a sam ga a ngèmè? I da nzi a ndav jèlalaʼa tʼhwaɗ gi ga.

³ I pi di ga a skwi ambaɓia azɓai. Maya nshèffè ndohi man tabez tazlawa, ambahay ɓai, nʼngay ɓai.

⁴ Ndav ndo nʼngwè-dè ndo, i woya ɓai. Ndo ambaɓiaʼa i woy a i sun ɓai.

⁵ Ndo man a ngre nslamagi na, i pizlèma na ma. Ndo nfi va, ndo ngrè gèɗ, nga mba a va ɓai.

⁶ I pi dai a ndohi nlèɓèslè tʼherkeda, a ta da nzi a sam ga. Ndo man a dè a civèɗ njèlalaʼa, i da vi a ndo mizlinè ga.

⁷ Ndo man a ngwèdè ndo, a da nzi a gi ga azɓai. Ndo man a cè-kèlma, a slaha a nzlècè a sam di ga azɓai.

⁸ A nciɗ sam a nciɗ sam i da ndev ta ndohi ambaɓihiaʼa te kokwar ga, a i da gedas ta ndohi malihai aussa te kokwar Ndo nzi pèc pècèk.