Proverbes 26 - Ma Zhiklè

¹ Lèmèlèmè ara vandzal a ngwar, a iyam a zovaɗ, ndo nrzlaʼa ta humdè a nʼnjèlè azɓai.

² Ma man ta phomda ka ambali a vna, a ga ka azɓai; lèmèlèmè ara ngalawi man a hi na, ara bèkbèkau man a hi na.

³ Dzala a plèsh, gada a kɗèh, mènèwèɗ a deɓ ndo nrzlaʼa.

⁴ Ka mbeɗa na ma a ndo nrzlaʼa ara ngèɗ nengaʼa ɓai, man ɓai ka da gi lèmèlèmè ara nengaʼa.

⁵ Mbeda na ma a ndo nrzlaʼa ara nrzlè nengaʼa, man ɓai a huro: i ndo maya.

⁶ Ndo man a fi ndo nrzla a ndo sak na, a nʼngela sak na a ri na, mizlinè na a gedas na.

⁷ Ngèlègèɗ ma te ma ndo nrzlaʼa nara ndo vedal man a nzevai.

⁸ Ka nzala ndo nrzlaʼa, ara man ka feda kwa a vangava a nʼngwoda ka va a gèɗ.

⁹ Ma maya te ma ndo nrzlaʼa, nara vatak man a dza na ri ndo zom.

¹⁰ Nengaʼa man a va na mizlinè a ndo nrzlaʼa, lèmèlèmè ara ndo lèkèɗ man a ɓèr ndohi tèlè.

¹¹ Ara kda a minè a deɓa a sam skwi man a vnehèda, ndo nrzlaʼa a mena na gèɗ a nrzlè nengaʼa.

¹² Ndo man a hur a gada: i ndo maya – dara ndo nrzlaʼa.

¹³ Ndo wudar a gada: Kokoya a civèɗ, marizhèlè tʼuda.

¹⁴ Ndo man a ndérɗè va a sam mʼmènè na, ara ntamagi man a ngwèɗè va a pa.

¹⁵ Ndo wudar a tèr ri a gandaf, aman wudar a dza na a nfi a ma.

¹⁶ Ndo wudar a nhur a fena ndohi tsaraɗ man ta mbedi a ma zuraʼa.

¹⁷ Ndo man a kèlè va a ma man ta gi ndzoan, man ma nengaʼa a te va ɓai, lèmèlèmè ara man a bèd kda a va.

¹⁸ Lèmèlèmè ara ndo man gèɗ na za, a kalda skwi ntiv vogwa genè, a ɓara sulom genè, a kalda zhèngèzhè genè;

¹⁹ nasa ndo man a ngwoda nslamagi na, te deɓaʼa a gada: i mbahwali genè!

²⁰ Aman shègwa klèng, vogwa a mbèc na; aman ndo ngre ndo azɓai, ndzoan a ndev na.

²¹ Vavar a gi a ndazli vogwa; shègwa a vogwa; a ndo mwoy-ma a gi a mbèzl va.

²² Ma ndo ngre ndo a jèn, a dè a ndav.

²³ Ma man a tizhè ndav ndo, – ndav ambaɓai, – nara rɓasl mʼmbè te pa a ver-zhègenè man zi a mwoslkoɗauda te pa ɓai.

²⁴ Ndo shèwa a ngwode ka a ma nengaʼa, ncèkèlma a zhè te ndav nengaʼa.

²⁵ Aman a gada ka ma nhènèkèʼa, ka fu gèɗ a ma nengaʼa ɓai! Aman te ndav nengaʼa, skwi man ambaɓi tsaraɗ te pa.

²⁶ Ko shèwa nengaʼa nʼngheda, aman a sam kita a ngrédè auda.

²⁷ Ndo man a ri vèvèɗ a hi a ndo ngiɗè, a kèlè a pa; a ndo man az a gudumbel kwa a géɗ ndo ngiɗè, a da ngwodko na va a gèɗ.

²⁸ Ndo mbezlatsa ndohi a ma ambalai, a gi shèwa a ndohi man a mbezlats ta; ma ncèkèlma nara vongwom, a gédèshè ndo.