Proverbes 18 - Ma Zhiklè

¹ Ndo man a nzi a géɗ na, a hesh skwi man ndav na a woyaʼa, a gi ndav a géɗ ndo nʼngra na maya.

² Ndo nrzlaʼa, wudar nhér skwi a dza na. Nrzlè nengaʼa a gidè auda, a wuffè a géɗèʼa.

³ Ndo ambaɓiaʼa ta pèrè a pa. Ndo shèwa, ta dérɗèʼa.

⁴ Ma man a shkè auda te ma ndo, ka sun verziaʼa ɓai, nara drav iyam; ma maya nara nlèlè iyam man iyam a hi te pa kulo-kulo-kuloʼa.

⁵ Ambaɓai aman ka jèkeda ndo malai a ka terɗa na kita a gèɗ a ndo man nʼnga mali ɓai.

⁶ Ndo nrzlaʼa, ma nengaʼa a kèlè a ndav, ma nengaʼa a ngwèdè na a mbèzl va.

⁷ Ndo nrzlaʼa a gedassa va na a ma na, ma nengaʼa a ga na gadda a hi a nshèffè na.

⁸ Ma ndo ngre ndo ara gogom, a dè a ndav jinèslèa.

⁹ Ndo man a fa na gèɗ a mizlinè azɓai, nengaʼa kramam ndo ngedassa skwai.

¹⁰ Nzlembaɗ Ndo nzi pèc pècèk nara gi ndakmaʼa. Ndo nzuraʼa a hi a pa, a ngècè sam nlèaʼa.

¹¹ A ndo mèshèlè, skwi mèshèlè ngaʼa nara gi nengaʼa ndakmaʼa, a hur a gaɗa i tʼhwaɗ zlazlar mbiaʼa.

¹² Ndo a fi va na di ba, ga a kèlèhai; aman ndo a manda gèɗ a hai, a ngècè nʼnjèlè.

¹³ Fu zlembaɗ dai, ga ka mbedi a pa, man ɓai ka rzla a ka dzakaɓa skwai.

¹⁴ Ndo man a shfa dai, a cè matakwan a va, a ndo mán wuɗi a te ndav na ɓai, nda slambaɗda wa?

¹⁵ Ndav ndo maya a woya a nshindè skwai, zlembaɗ ndohi maya a woya a nci-nè verziaʼa zuraʼa.

¹⁶ Ndo man a vrè, civèd a winè a sam na, a ngècè civèd ko a sam ndohi mbibihiaʼa.

¹⁷ Ndo ndè kita nshèlèkuraʼa, ta cè ma nengaʼa a ndav dai. Ndo ndè te deɓaʼa, sèi ta jénjèrè ma nengaʼa.

¹⁸ Gèjau a ndev na a jimèr, a kezla ta gèɗ a ndohi mbèzl va.

¹⁹ Aman ka ngwoda kramam ngaya, a Sala ka va a dai a fena zlazlar mbiaʼa. Shè-wa nengaʼa a ɓara ka sak a civèɗ.

²⁰ Ndo a ngeza hwaɗ na a ma nengaʼa, a nzi a di a ma nengaʼa.

²¹ Ndo man a pizlè ma na, a ngècè mʼmetsi a géɗ pats na.

²² Ndo man a ngots ngwoz, a nʼngots manam, a nʼngots pombi a sam Ndo nzi pèc pècèk.

²³ Ndo ntawassaʼa a jhèɗè skwi a ntsi rai, ndo mèshèlè a mbeɗa na ma a wuɗai.

²⁴ Ndo a gédèsh na te ri ndohi kumba man a shèwèlè a nda ta; aman mandal ngaya man a woy ka a fena kramam hwaɗ ngaya.