Osée 6 - Ma Zhiklè

Vo-ngwoda ndav kinè!

¹ Vo-washkè, ngo-munokoy a deɓa a sam Ndo nzi pèc pècèk! Nengaʼa a ncizl nga, a da mbel nga. A tse nga, a da mana nga mblèʼa.

² Te deɓ mʼmèn cèw, a mendko nga nshèffe a pa. Te mʼmèn mamakaraʼa a da slambaɗda nga a nga nzi a nshèffe a sam nengaʼa.

³ Nga fa na gèɗ a pa a nga shin Ndo nzi pèc pècèk! Nga ngècèʼa a vava ara mvangkaɗ pats. A da shkè a sam nga ara iyam man a shkè, ara iyam nshèlèkuraʼa man a ruɓa herkeda.

Nlèɓèslè, a fena nʼnder skwi a Zhiklè

⁴ I da gi a ka mè, Ephraim? I da gi a ka mè, Juda? Mwoy-ndo man kin woy iyè a vna, nara vani malama, nara minmèn a prèk man a wush na.

⁵ A géɗ nengaʼa i kerzh ta a ri ndohi nhadka ma, i bazl ta a ma te ma ga. A kita ga a gi ara skwi nhel sam man a si dai.

⁶ Aman mwoy-Zhiklè ambahayè a fena nzli skwi a Zhiklè. Nshin Zhiklè ambahayè a fena nʼndèr skwi a Zhiklè.

Ephraim ngedas na

⁷ Aman tengaʼa nte Adma ta tawaɗaha nderzlè-ma. Te pa ta hüno a ta jèkyè.

⁸ Galaad, kokwar ndohi malihai, Pombaz nguca a pa.

⁹ Nhèyè-va ndohi mvi skwi a Zhiklè lèmèlèmè ara nhèyè-va metsarhai, man ta pi va a ndohai. Ta keɗa ndo a civèɗ ndè Sichem a ta gi skwi horai.

¹⁰ I rka skwi hori holholaʼa te Béthel. Ephraim, ka gu mphömè te pa.

¹¹ Israel a lizhè va na te pa. Juda, ka ha ka ngècè di man a ngaya a pats man i da helka ta ndohi Israel a deɓa te ɓèl tengaʼa.