Osée 14 - Ma Zhiklè

Zhiklè a til Israel

¹ Israel, men ngaya a deɓa a sam Ndo nzi pèc pècèk, Zhiklè ngaya! Aman ka kalahi a gèɗ mali ngaya!

² Va-nju ma mali kinè, va-menkaɗa a deɓa a sam Ndo nzi pèc pècèk, va-gaɗa na: Pra mali nga tèlèba, a nga ngècè pombai, a nga slébèrde ka a ma, te di man a marai.

³ Assyrie da takaha nga ɓai, nga da nzi a deɓ plèsh azɓai, a nga da baha na skwi man ri nga a ngau: Zhiklè nga, azɓai. Ka man kra dikai a se ka te va.

⁴ Aman ta jèkyè sa, i da mbel ta. I da woy ta, i woy ta a ndav ga. I gi ndav a géɗ tengaʼa te deɓaʼa asaɓai.

⁵ I woy a i gi a minmèn a sam Israel, da winè ma na ara nwurzhè, da tsu zluzlor ara wof te Liban.

⁶ Ri wof nengaʼa a grè a gi a mbiaʼa ara tsna, a zhkè ara wof te Liban.

⁷ Tengaʼa man ta nza a mèzhèɓ nengaʼa ta da menkada deɓa, a ta gi aman dau a grè, a ta wurzhè ara wof te gi lak, a ta wuffè a géɗèʼa ara iyam nyi wof te Liban.

⁸ Ephraim, a da gi a skwi mbèh skwi te deɓaʼa mè? Iyè i mbeɗa na a ma, a i ɓirèʼa, iyè man i ara wof hawan man a dai a yi wuda, ar nyi ngaya.

⁹ Ndo man maya na zhè, da tsena ma haha; ndo man a sun skwai, da sun skwi haha! Aman civèɗ Ndo nzi pèc pècèk, civèɗ nzuraʼa; ndohi nzuraʼa ta dè a pa; aman ndohi malihai ta kèlèhi a pa.