Nombres 9 - Ma Zhiklè

Ngolalala Pâque

¹ Ndo nzi pèc pècèk a ngaɗa na Moise, tʼhèshèkèɗ Sinai, te mvi macecèwaʼa, te deɓ man ta shkè auda te kokwar Egypte ma, a ki nshèlèkuraʼa.

² Ndohi Israel sèi ta gi ngolala Pâque, a pats man i ngra ta:

³ Ta hinèʼa, a ta giaʼa, a ki anta, mʼmèn 14, a dakwaɗ, ara man i njè ta a gèɗ, ara man i ngra ta, tèlèba ta giaʼa.

⁴ A Moise a ngaɗa ta ndohi Israel, aman ta gi ngolala Pâque.

⁵ A ta gu ngolala Pâque lèmèlèmè ara man Ndo nzi pèc pècèk a njè na a gèɗ a Moise: a ki nshèlèkuraʼa, mʼmèn 14, a dakwaɗ, te hèshèkèɗ Sinai. Ndohi Israel ta gu arsa.

⁶ Ndohi ngiɗè ta zhè, man ta lizhè va ta a sam ndo mʼmetsaʼa, a ta slaha ta gi ngolala Pâque a pats nasa ɓai. A ta shkè a sam Moise a Aaron a pats sa.

⁷ Ndohi haha ta gada ta: Nga lizhè va nga a sam ndo mʼmetsaʼa. Kos nga nzi a deɓa, a nga slaha nga vi skwi a Zhiklè te ndev ndohi Israel a patsna azɓi ɗè?

⁸ A Moise a ngaɗa ta: Va-zhèryè dai! I jhèɗè a sam Ndo nzi pèc pècèk a géɗ kinè dai!

⁹ A Ndo nzi pèc pècèk a ngaɗa na Moise:

¹⁰ Gaɗa ta ndohi Israel aranta: Ko wawa man a lizhè va na a sam ndo mʼmetsaʼa, man ɓai man a mdo nshèwèlè dra, ko te ndev kine, ko te va wudahi kinè, aman ta woy a ta gi ngolala Pâque a sam Ndo nzi pèc pècèk,

¹¹ da gau ngolala Pâque; aman sèi te ki macecèwaʼa, mʼmèn 14, a dakwaɗ. Ta da ndi movar man skwi nshégèrè a te dia bai, a lak duzlekzlekaʼa.

¹² Da ndedama tèlèba, da jèkahi aman a prèk ɓai, da pasla vatasl te pa bai! Ta giaʼa ara man i njè kinè a gèɗ a géɗ ngolala Pâque tèlèba.

¹³ Ndo man va nengaʼa nlizhɓai, nʼnda nshèwèlè dra bai, aman a pats ngolala Pâque a gi ngolala Pâque azɓai, sèi ta keɗaʼa te va gwoli na, te man nengaʼa a mva na skwi a Zhiklè a pats man a dzhoɗ ɓai. Ndo aranta a feda mali a gèɗ na.

¹⁴ Aman ndo mbrok a zhè te gi kinè, a da gi ngolala Pâque a sam Ndo nzi pèc pècèk, ara man i njè kinè a gèɗ a géɗ Pâque, ara man i ngra kinè, da gu arsa. Ma nkwèr ga a géɗ ngolala Pâque, na staɗgenè, a sam kinè; a sam ndo mbrok, a sam kra ngwai.

Vanai a géɗ gi nkezlaʼa

¹⁵ A pats man ta gau gi Zhiklè, vanai a mpizleda gi a pa, man ma kita te pa. A vaɗ vani a nʼnde na nduzoa ara vogwa, ha sam ncidè.

¹⁶ A ngu arsa pèc pècèk: a pats vani a mpizleda pa, a vaɗ a nʼnde na nduzoa ara vogwa.

¹⁷ Pèc pècèk man vani a slèmbèdè auda a géɗ gai, ndohi Israel ta jèkeda samaʼa; a sam man vani a nzi a pa, ndohi Israel ta nzi a pa.

¹⁸ Aman Ndo nzi pèc pècèk a njè ta a gèɗ, aman ta jèkeda sam ngiɗè. Aman Ndo nzi pèc pècèk a njè ta a gèɗ, aman ta nzahi a sam ngiɗè. A ta nza a samaʼa, man vanai a nʼnza a géɗ gai.

¹⁹ Ko vanai a nʼnza a géɗ gai mʼmèn kumba, ndohi Israel ba ta nza a pa genè, ta jèkeda samaʼa bai, ara man Ndo nzi pèc pècèk a tilaʼa.

²⁰ A sam ngiɗè, vani a nʼnza a géɗ gai mʼmèn kètè genè. Ta nza a pa, ara man Ndo nzi pèc pècèk a gada ta. Ta slambaɗa, ara man Ndo nzi pèc pècèk a gada ta.

²¹ A sam ngiɗè vanai a nʼnza a géɗ gai a dakwaɗ, ha sam nciɗa genè. A prèk a nslambaɗa auda a pa langa, a ndohi ta slambaɗa. A sam ngiɗè vanai a nʼnza a pa pats staɗ, vaɗ staɗ. Aman vanai a shkè auda a géɗ gai, a nasa nasa ndohi ta jèkeda samaʼa.

²² A sam ngiɗè mʼmèn cèw, man bai ki staɗ, man bai mvi staɗ, ko a fena ma ba; ara man vanai a nza a géɗ gai, a shkè auda a pa azbai, ndohi Israel ta nza a samaʼa, ta jèkeda samaʼa bai; aman a shkè auda a pa, ta dzodzora.

²³ Ara man Ndo nzi pèc pècèk a njè ta ma a gèɗ, ta nza a pa. Ara man Ndo nzi pèc pècèk a njè ta ma a gèɗ, to do a ma ma. Ta dzodzor ma man Ndo nzi pèc pècèk a njè ta a gèɗ te ma Moise.