Nombres 7 - Ma Zhiklè

Mvi sam mvi skwi a Zhiklè a mizlinè

¹ A pats man Moise a nʼnga gi Zhiklè tèlèba ma, a mbada mbar a pa a kolongwi nengaʼa tèlèba ma, a nkezlaʼa a sam Ndo nzi pèc pècèk, a sam mvi skwi a Zhiklè ba a mbada mbar a pa, a kolongwi nengaʼa tèlèba, a nkezlaʼa a sam Ndo nzi pèc pècèk,

² tsuvomhi Israel, tsuvomhi ndohi gi ta, tsuvomhi ndohi nte verzi ta, tengaʼa man ta pe ta a ndohi mɓer ndohai, ta va na skwi a Zhiklè.

³ Skwi man ta hulkoɗa a sam Ndo nzi pèc pècèk: kiki 6, géɗèʼa mbèʼa, zlèhi 12, tsuvomhi cèw ta vau kiki staɗ, a tsuvomaʼa staɗ staɗ zlè staɗ a vaʼa. A ta hulkoɗa a sam gi Zhiklè, a ta va na Zhiklè.

⁴ Te deɓaʼa Ndo nzi pèc pècèk a ngaɗa na Moise:

⁵ Hul skwi te ri tengaʼa, a ka gu mizlinè a vna a sam gi nkezlaʼa, a ka pa ta ndohi Lévi, ndo staɗ staɗ ara mizlinè na.

⁶ A Moise a nhul kiki a zlèhai, a mpa ta a ri ndohi Lévi

⁷ Kiki cèw, a zlèhi faɗ, a mpa ta a ri ndohi Guershon, ara mizlinè ta.

⁸ Kiki faɗ a zlèhi tsamakaɗ, a mpa ta a ndohi Merari, ara mizlinè ta, a mpa ta a ri Ithamar, kra Aaron, ndo mvi skwi a Zhiklè.

⁹ A ndohi Kehath a mva ta skwi bai, a géɗ man ta gu mizlinè a sam kolongwi nkezlaʼa, a ta zhüɓeʼa.

¹⁰ Tsuvomhi ta hulkoɗi skwi a pats man ta bada na mbar a gèɗ a sam mvi skwi a Zhiklè, a ta kezlaʼa a sam Ndo nzi pèc pècèk; a ta va na skwi tengaʼa a Zhiklè, a sam mvi skwi a Zhiklè.

¹¹ A Ndo nzi pèc pècèk a ngaɗa na Moise: A pèc pècèk sèi tsuvom ndo staɗ da hulko skwi na aman a va na Zhiklè, a ta kezla sam mvi skwi a Zhiklè, a Ndo nzi pèc pècèk.

¹² Nachshon, kra kra Amminadab, te verzi Juda, a mvau te pats nshèlèkuraʼa.

¹³ Skwi man a vau: kokwi gurso te di Suli gurso 130, kokwi ngiɗè te di suli gurso 70, ara skwi nlivè nkezlaʼa; cèw cèw ba nʼndha a gufa dau, mbsoma a mbar, a nda va na Zhiklè a movar.

¹⁴ Ndèlèk guro, te di suli gurso 10, nʼndha a ɓurdi man ta ndara na Zhiklè.

¹⁵ Matsaraɗ marai, drok staɗ, kra tambak mvi staɗ, man ta ndara na Zhiklè.

¹⁶ Mazawal staɗ a géɗ malai,

¹⁷ zlèhi cèw, droki zlam, mazawalhi zlam, wud tambakihi zlam, mvi staɗ, te nshid gèɗ. Nasa skwi man Nachshon, kra Amminadab, a va na Zhiklè.

¹⁸ A pats macecèwaʼa, Nethaneel, kra Tsuar, tsuvom Issacar, a mva na skwi a Zhiklè.

¹⁹ Skwi nengaʼa man a mva na Zhiklè: kokwi gurso te di suli gurso 130, kokwi ngiɗè te di suli gurso 70, ara skwi nlivè nkezlaʼa; cèw cèw ba nʼndha a gufa dau, mbsomaʼa a mbar, a nda va na Zhiklè a movar.

²⁰ Ndèlèk guro te di suli gurso 10, nʼndha a ɓurdi.

²¹ Matsaraɗ marai, drok staɗ, kra tambak mvi staɗ, man ta ndara na Zhiklè.

²² Mazawal a géɗ malai,

²³ zlèhi cèw, droki zlam, mazawalhi zlam, wud tambakihi zlam mvi staɗ, te nshid gèɗ. Nasa skwi man Nethaneel, kra Tsuar, a va na Zhiklè.

²⁴ A pats marnakaraʼa, Eliab, kra Hélon, tsuvom Zabulon, a mva na skwi a Zhiklè.

²⁵ Skwi man a mva na: kokwi gurso te di suli gurso 130, kokwi ngiɗè te di suli gurso 70, ara skwi nlivè nkezlaʼa; cèw cèw ba nʼndha a gufa dau, mbsoma a mbar, a nda va na Zhiklè a movar.

²⁶ Ndèlèk guro, te di suli gurso 10, nʼndha a ɓurdi man ta ndara na Zhiklè.

²⁷ Matsaraɗ marai, drok staɗ, kra tambak, mvi staɗ, man ta ndara na Zhiklè.

²⁸ Mazawal a géɗ malai,

²⁹ zlèhi cèw, droki zlam, mazawalhi zlam, wud tambaki zlam, te nshid gèɗ. Nasa skwi man Eliab, kra Hélon, a va na Zhiklè.

³⁰ A pats mafaɗaʼa, Elitsur, kra Shedéur, tsuvom Ruben, a mva na skwi a Zhiklè.

³¹ Skwi man a mva na: kokwi gurso te di suli gurso 130, kokwi ngiɗè te di suli gurso 70, ara skwi nlivè nkezlaʼa; cèw cèw ba nʼndha a gufa dau, mbsoma a mbar, a nda va na Zhiklè a movar.

³² Ndèlèk guro, te di suli gurso 10, nʼndha a ɓurdi man ta ndara na Zhiklè.

³³ Matsaraɗ marai, drok staɗ, kra tambak mvi staɗ, man ta ndara na Zhiklè.

³⁴ Mazawal a géɗ malai,

³⁵ zlèhi cèw, droki zlam, mazawalhi zlam, wud tambaki zlam, te nshid gèɗ. Nasa skwi man Elitsur, kra Shedéur, a va na Zhiklè.

³⁶ A pats mazlamáʼa, Shelumiel, kra Tsurishaddai, tsuvom Siméon, a mva na skwi a Zhiklè.

³⁷ Skwi man a mva na: kokwi gurso te di suli gurso 130, kokwi ngiɗè te di suli gurso 70, ara skwi nlivè nkezlaʼa; cèw cèw ba nʼndha a gufa dau, mbsoma a mbar, a nda va na Zhiklè a movar.

³⁸ Ndèlèk guro, te di suli gurso 10, nʼndha a ɓurdi man ta ndara na Zhiklè.

³⁹ Matsaraɗ marai, drok staɗ, kra tambak mvi staɗ, man ta ndara na Zhiklè.

⁴⁰ Mazawal a géɗ malai,

⁴¹ zlèhi cèw, droki zlam, mazawalhi zlam, wud tambaki zlam, te nshid gèɗ. Nasa skwi man Shelumiel, kra Tsurishaddai, a va na Zhiklè.

⁴² A pats mamokwaʼa, Eliasaph, kra Deuel, tsuvom Gad, a mva na skwi a Zhiklè.

⁴³ Skwi man a mva na: kokwi gurso te di suli gurso 130, kokwi ngiɗè te di suli gurso 70, ara skwi nlivè nkezlaʼa: cèw cèw ba nʼndha a gufa dau, mbsoma a mbar, a nda va na Zhiklè a movar.

⁴⁴ Ndèlèk guro, te di suli gurso 10, nʼndha a ɓurdi man ta ndara na Zhiklè.

⁴⁵ Matsaraɗ marai, drok staɗ, kra tambak mvi staɗ, man ta ndara na Zhiklè.

⁴⁶ Mazawal a géɗ malai,

⁴⁷ zlèhi cèw, droki zlam, mazawalhi zlam, wud tambaki zlam, te nshid gèɗ. Nasa skwi man Eliasaph, kra Deuel, a va na Zhiklè.

⁴⁸ A pats matsaraɗaʼa, Elishama, kra Ammihud, tsuvom Ephraim, a mva na skwi a Zhiklè.

⁴⁹ Skwi man a mva na: kokwi gurso te di suli gurso 130, kokwi ngiɗè te di suli gurso 70, ara skwi nlivè nkezlaʼa; cèw cèw ba nʼndha a gufa dau, mbsoma a mbar, a nda va na Zhiklè a movar.

⁵⁰ Ndèlèk guro, te di suli gurso 10, nʼndha a ɓurdi man ta ndara na Zhiklè.

⁵¹ Matsaraɗ marai, drok staɗ, kra tambak, mvi staɗ, man ta ndara na Zhiklè.

⁵² Mazawal staɗ a géɗ malai,

⁵³ zlèhi cèw, droki zlam, mazawalhi zlam, wud tambaki mvi staɗ, te nshid gèɗ. Nasa skwi man Elishama, kra Ammihud, a va na Zhiklè.

⁵⁴ A pats matsamakaɗaʼa, Gamliel, kra Pedahtsur, tsuvom Manassé, a mva na skwi a Zhiklè.

⁵⁵ Skwi man a mva na: kokwi gurso te di suli gurso 130, kokwi ngiɗè te di suli gurso 70, ara skwi nlivè nkezlaʼa; cèw cèw ba nʼndha a gufa dau, mbsoma a mbar, a nda va na Zhiklè a movar.

⁵⁶ Ndèlèk guro, te di suli gurso 10, nʼndha a ɓurdi man ta ndara na Zhi-klè.

⁵⁷ Matsaraɗ marai, drok staɗ, kra tambak mvi staɗ, man ta ndara na Zhiklè.

⁵⁸ Mazawal a géɗ malai,

⁵⁹ zlèhi cèw, droki zlam, mazawalhi zlam, wud tambaki mvi staɗ, te nshid gèɗ. Nasa skwi man Gamliel, kra Pedahtsur, a va na Zhiklè.

⁶⁰ A pats macüɗaʼa, Abidan, kra Guideoni, tsuvom Benjamin, a mva na skwi a Zhiklè.

⁶¹ Skwi man a mva na: kokwi gurso te di suli gurso 130, kokwi ngiɗè te di suli gurso 70, ara skwi nlivè nkezlaʼa; cèw cèw ba nʼndha a gufa dau, mbsoma a mbar, a nda va na Zhiklè a movar.

⁶² Ndèlèk guro, te di suli gurso 10, nʼndha a Burdi man ta ndara na Zhiklè.

⁶³ Matsaraɗ marai, drok staɗ, kra tambak mvi staɗ, man ta ndara na Zhiklè.

⁶⁴ Mazawal a géɗ malai,

⁶⁵ zlèhi cèw, droki zlam, mazawalhi zlam, wud tambaki mvi staɗ, te nshid gèɗ. Nasa skwi man Abidan, kra Guideoni, a va na Zhiklè.

⁶⁶ A pats makulaʼa, Ahiézer, kra Ammishaddai, tusvom Dan, a mva na skwi a Zhiklè.

⁶⁷ Skwi man a mva na: kokwi gurso te di suli gurso 130, kokwi ngiɗè te di suli gurso 70, ara skwi nlivè nkezlaʼa: cèw cèw ba nʼndha a gufa dau, mbsoma a mbar, a nda va na Zhiklè a movar.

⁶⁸ Ndèlèk guro, te di suli gurso 10, nʼndha a ɓurdi man ta ndara na Zhiklè.

⁶⁹ Matsaraɗ marai, drok staɗ, kra tambak mvi staɗ, man ta ndara na Zhiklè.

⁷⁰ Mazawal a géɗ malai,

⁷¹ zlèhi cèw, droki zlam, mazawalhi zlam, wud tambaki mvi staɗ, te nshid gèɗ. Nasa skwi man Ahiézer, kra Ammishaddai, a va na Zhiklè.

⁷² A pats makula-a-géɗè-staɗaʼa, Paguiel, kra Ocran, tsuvom Aser, a mva na skwi a Zhiklè.

⁷³ Skwi man a va na: kokwi gurso te di suli gurso 130, kokwi ngiɗè te di suli gurso 70, ara skwi nlivè nkezlaʼa; cèw cèw ba nʼndha a gufa dau, mbsoma a mbar, a nda va na Zhiklè a movar.

⁷⁴ Ndèlèk guro, te di suli gurso 10, nʼndha a ɓurdi man ta ndara na Zhiklè.

⁷⁵ Matsaraɗ marai, drok staɗ, kra tambak mvi staɗ, man ta ndara na Zhiklè.

⁷⁶ Mazawal a géɗ malai,

⁷⁷ zlehi cew, droki zlam, mazawalhi zlam, wud tambaki mvi staɗ, te nshid gèɗ. Nasa skwi man Paguiel, kra Ocran, a va na Zhiklè.

⁷⁸ A pats makula-a-géɗè-cèwaʼa, Ahira, kra Enan, tsuvom Nephthali, a mva na skwi a Zhiklè.

⁷⁹ Skwi man a mva na: kokwi gurso te di suli gurso 130, kokwi ngiɗè te di suli gurso 70, ara skwi nlivè nkezlaʼa; cèw cèw ba nʼndha a gufa dau, mbsoma a mbar, a nda va na Zhiklè a movar.

⁸⁰ Ndèlèk guro, te di suli gurso 10, nʼndha a ɓurdi man ta ndara na Zhiklè.

⁸¹ Matsaraɗ marai, drok staɗ, kra tambak mvi staɗ, man ta ndara na Zhiklè.

⁸² Mazawal a géɗ malai,

⁸³ zlèhi cèw, droki zlam, mazawalhi zlam, wud tambaki mvi staɗ, te nshid géɗ. Nasa skwi man Ahira, kra Enan, a va na Zhiklè.

⁸⁴ Aranta ta kezla sam mvi skwi a Zhiklè a Ndo nzi pèc pècèk, a pats man tsuvomhi Israel ta hulkoɗi skwi ta, a ta bada na mbar a gèɗ a sam mvi skwi a Zhiklè. Kokwi gurso 12; kokwi ngiɗè 12; ndèlèk guro 12;

⁸⁵ kokwi gurso staɗ staɗ, tèlèba te di suli gurso 130, kokwi ngiɗè te di suli gurso 70. Skwi tèlèba gurso te di 2.400, ara skwi nlivè nkezlaʼa.

⁸⁶ Ndèlèk guro 12, nʼndha a ɓurdi, man ta ndara na Zhiklè, staɗ staɗ te di suli gurso 10, ara skwi nlivè nkezlaʼa. Guro skwi tèlèba te di suli gurso 120.

⁸⁷ Skwi tèlèba man ta ndara na Zhiklè: Matsaraɗ marai 12; droki 12; wud tambaki mvi staɗ, 12; a movar man ta va na Zhiklè a vaʼa. Mazawalhi 12 a géɗ malai.

⁸⁸ Skwi tèlèba man ta vau te nshid gèɗ: Matsaraɗ marihai 24; droki 60; wud tambaki mvi staɗ, 60. Nasa ara man ta kezla sam mvi skwi a Zhiklè a Ndo nzi pèc pècèk, te deɓ man ta bada na mbar a gèɗ ma.

⁸⁹ Aman Moise a ndo a gi mɓicè-va, aman ta gèdè a Ndo nzi pèc pècèk, a ntsena ngèɗè man a gaɗka na a géɗ skwi mpizlè ma koti man ma kita te pa, te ndev chérubimhi cèw. Ndo nzi pèc pècèk a ngaɗa na.