Nombres 36 - Ma Zhiklè

Dalahi man ta ndi gai, man ta dè ngwoz

¹ Te deɓaʼa tsuvom ndohi gi te verzi Galaad, kra Makir, te verzi Manassé, te va ndohi te verzi Joseph, ta shkè a ta gada na Moise a tsuvomhi a bihi a géɗ ndohi Israel:

² Ndo nzi pèc pècèk a ngaɗa na bi nga, aman a kezli kokwar a skwi nʼndi gai a ndohi Israel. A bi nga a nʼngots ma a sam Ndo nzi pèc pècèk, aman a va ta skwi nʼndi gi Tselophad, kramam nga, adalahi nengaʼa.

³ Aman ta dè ngwoz a gi ndo man te verzi Israel ngiɗè, rèta skwi nʼndi gi nga a zi na te ri babhi nga, askwi nʼndi gi ndohi man ado ngwoz a gi ta, a gi a vaʼa. A ta helaha man a nga nga.

⁴ Mvi mwuffè ndohi Israel a shkè, ndohi te verzi ngiɗè man ta co dem nga a ngwoz, ta ngècè skwi nʼndi gi a mèdèp. A skwi nʼndi gi a zi na te ri babhi nga.

⁵ A Moise a njè ta ma a gèɗ a ndohi Israel, ara man Ndo nzi pèc pèck a gada na. Ndohi te verzi Joseph ta goɗ amba.

⁶ Na haha skwi man Ndo nzi pèc pècèk a goɗ a géɗ dalahi Tselophad, a gaɗa: Aman ta dè ngwoz, sèi ta woy baki ta ara man ndav ta a woyaʼa; aman sèi ndo te verzi bab ta.

⁷ Da da nʼndi gi ta a verzi ngiɗè bai, a nzi a sam verzi ta. Verzi staɗ staɗ teleba da ɓer skwi nʼndi gi bab ta te gi ta.

⁸ Dem staɗ staɗ tèlèba man a ngots skwi nʼndi gai te verzi Israel, do do ngwoz a gi ndo te verzi bab na, a skwi nʼndi gi ndohi Israel a nzi a sam verzi na, a sam verzi na.

⁹ Da da nʼndi gi ta a verzi ngiɗè bai, a nzi a sam verzi ta.

¹⁰ A dalahi Tselophad ta gau ara man Ndo nzi pèc pècèk a njè na a gèɗ a Moise:

¹¹ Machla, Thirtsa, Hogla, Milca a Noa, dalahi Tselophad, to do ngwoz a sam ndohi te verzi babhi ta.

¹² To do ngwoz a sam ndohi te verzi Manassé, kra Joseph, a skwi nʼndi gi tengaʼa a nʼnza te ri ndohi te verzi bab ta.

¹³ Nasa ma nkwèr a ma kita man Ndo nzi pèc pècèk a mva ta ndohi Israel, te ma Moise, a dal Moab, a ma woyam Jourdain, zuraʼa a Jericho.