Nombres 33 - Ma Zhiklè

Sam man ndohi Israel ta zlatsahi a pa

¹ Nasa civèɗ man ndohi Israel ta sawalka te pa, a verzi Moise a Aaron, te deɓ man ta shkè auda te kokwar Egypte ma, ara ndohi var ta, ara ndohi var ta.

² Moise a mwindo nzlembaɗ kokwar a pats man ta herda va ta a ma, ara man Ndo nzi pèc pècèk a godo. Na haha civèɗ man ta sawalka te pa, sam man ta zlatsa a pa.

³ Ta jèkeda Ramses, te ki nshèlèku-raʼa, mʼmèn 15 a ki nshèlèkuraʼa. Te mangoslèm Pâque, ndohi Israel ta shkè auda te kokwar Egypte, ri Zhiklè a zhè, a ɓer ta, a sam di ndohi Egypte tèlèba,

⁴ a ndohi Egypte ta re ta tsuvomhi man Ndo nzi pèc pècèk a mbazl ta, a vèvèɗ. A zhiklèhi tengaʼa ba Ndo nzi pèc pècèk a nʼnga ta kita.

⁵ A ndohi Israel ta jèkeda Ramses, a ta nza a Succoth.

⁶ A ta jèkeda Succoth, a ta nza a Etham, a ma hèshèkèɗ.

⁷ A ta jèkeda Etham, a ta shkè a deɓa a Pi-Hahiroth, zuraʼa a Baal-Tsephon, a ta nza a ma Migdol.

⁸ A ta jèkeda Pi-Hahiroth, a ta tawaɗa woyam mbiaʼa, a civèɗ ndè hèshèkèd. Ta sawala tʼhèshèkèɗ Etham mʼmèn makar, a ta nza a Mara.

⁹ A ta jèkeɗa Mara a ta ndikè Elim, a sam man thal 12 a wof gangar 70 a pa. A ta nza a pa.

¹⁰ Ta jèkeda Elim, a ta nza a ma woyam mbiaʼa nduzoa.

¹¹ Ta jèkeda woyam mbiaʼa nduzoa, a ta nza a hèshèkèɗ Sin.

¹² Ta jèkeda hèshèkèɗ Sin, a ta nza a Dophka.

¹³ Ta jèkeda Dophka, a ta nza a Alush.

¹⁴ Ta jèkeda Alush, a ta nza te Rephidim, a sam man ndohi ta ngatsa iyam nsi ɓai.

¹⁵ A ta jèkeda Rephidim, a ta nza a hèshèkèɗ Sinai.

¹⁶ A ta jèkeda hèshèkèɗ Sinai, a ta nza a Kibroth-Hattaava.

¹⁷ A ta jèkeda Kibroth-Hattaava, a ta nza a Hatséroth.

¹⁸ A ta jèkeda Hatséroth a ta nza a Rithma.

¹⁹ A ta jèkeda Rithma, a ta nza a Rimmon-Pérets.

²⁰ A ta jèkeda Rimmon-Pérets, a ta nza a Libna.

²¹ A ta jèkeda Libna, a ta nza a Rissa.

²² A ta jèkeɗa Rissa, a ta nza a Kehelatha.

²³ A ta jèkeda Kehelatha, a ta nza a der za Shapher.

²⁴ A ta jèkeda Shapher, a ta nza a Harada.

²⁵ A ta jèkeda Harada, a ta nza a Makhéloth.

²⁶ A ta jèkeda Makhéloth, a ta nza a Tahath.

²⁷ A ta jèkeda Tahath, a ta nza a Tarach.

²⁸ A ta jèkeda Tarach, a ta nza a Mithka.

²⁹ A ta jèkeda Mithka, a ta nza a Haschmona.

³⁰ A ta jèkeda Haschmona, a ta nza a Moséroth.

³¹ A ta jèkeda Moséroth, a ta nza a Bené-Jaakan.

³² A ta jèkeda Bené-Jaakan, a ta nza a Hor-Guidgad.

³³ A ta jèkeda Hor-Guidgad, a ta nza a Jothbatha.

³⁴ A ta jèkeda Jothbatha, a ta nza a Abrona.

³⁵ A ta jèkeɗa Abrona, a ta nza a Etsjon-Guéber.

³⁶ A ta jèkeda Etsjon-Guéber, a ta nza a hèshèkèɗ Tsin, te Kades.

³⁷ A ta jèkeda Kades, a ta nza a Hor, a der za, a ma kuma Edom.

³⁸ A Aaron, ndo mvi skwi a Zhiklè, a ndo a géɗ za Hor, ara man Ndo nzi pèc pècèk a gada na, a mʼmets na a pa, te mvi 40 te deɓ man ndohi Israel ta shkè auda te kokwar Egypte ma, te ki mazlamaʼa, a pats nshèlèkuraʼa.

³⁹ Mvi Aaron 123, aman a mʼmets na te za Hor.

⁴⁰ Te debaʼa bi Arad, ndo Canaan, man a nza te Négeb, te kokwar Canaan, a ntsenaʼa, ndohi Israel ta shkè.

⁴¹ Ta jèkeda za Hor, a ta nza te Tsalmona.

⁴² A ta jèkeda Tsalmona, a ta nza a Punon.

⁴³ A ta jèkeda Punon, a ta nza a Oboth.

⁴⁴ A ta jèkeda Oboth, a ta nza a Ijje-Abarim, a ma kokwar Moab.

⁴⁵ A ta jèkeda Abarim, a ta nza a Dibon te Gad.

⁴⁶ A ta jèkeda Dibon te Gad, a ta nza a Almon-Diblathaim.

⁴⁷ A ta jèkeda Almon-Diblathaim, a ta nza te za Abarim, zuraʼa a Nebo.

⁴⁸ A ta jèkeda za Abarim, a ta nza a dal Moab, a ma woyam Jourdain, zuraʼa a Jericho.

⁴⁹ A ta nza a ma woyam Jourdain, a hinè te Beth-Jeshimoth, ha ndè Abel; Sittim, a dal Moab.

⁵⁰ A Ndo nzi pèc pècèk a ngaɗa na Moise, a dal Moab, a ma woyam Jourdain, zuraʼa a Jericho; ar haha:

⁵¹ Gaɗa ta ndohi Israel: Aman kin da tawaɗa woyam Jourdain ma, a kin ndika a kokwar Canaan,

⁵² kin da dzam ta ndohi kokwar auda a ma kinè tèlèba, kin da kalda mblomhi tengaʼa a hai, kin batsa skwi mbèh skwai a zolom civèɗ, a kin da gedassa sam mʼmbèh skwai a géɗ za tèlèba.

⁵³ Kin da ce kokwar, a kin da nza a pa, te man i va kinè kokwar a va kinè.

⁵⁴ Va-kezla kokwar a va ndohi gi kinè, a jimèr. Ndohi man verzi ta a vata, kin va ta skwi nʼndi gi a vata; a ndohi man verzi ta az a vata bai, skwi nʼndi gi az a vata bai. Staɗ staɗ a ngècèʼa, ara man jimèr a kala na gèɗ. Va-kezla kokwar a va kinè, ara ndohi gi te verzi kinè.

⁵⁵ Aman kin da dzam ta ndohi kokwar auda a ma kinè azbai, tengaʼa man kin da jèkaha ta, ta da ndi ta ara vatak, a ta cèma kinè dai, a ta gi a skwi ntezama kinè zlazlar, a ta ga kinè matakwan pèc pècèk, te kokwar man kin da nzi te pa.

⁵⁶ A skwi man i gada i da ga ta tengaʼa, i da ga kinè.