Nombres 29 - Ma Zhiklè

¹ Te ki matsaraɗaʼa, a pats nshèlèkuraʼa, kin ɓica a sam ngolala nkezlaʼa! A pats nasa kin gu mizlinè bai! Nengaʼa pats ntsi tolom kinè.

² A kin ndara na skwi a Ndo nzi pèc pècèk, aman ambaha: matsaraɗ marai staɗ, drok staɗ, wud tambaki 7, nsuɗekɗekaʼa;

³ a nda movar a vaʼa, gufa dau, mbsoma a mbar; agoda 6 a géɗ marai, agoda

⁴ a géɗ drok, 4 agoda cèw a géɗ kra tambak staɗ staɗ tèlèba.

⁵ A vaʼa mazawal staɗ a géɗ malai, a skwi mpil gèɗ kinè.

⁶ A vaʼa skwi man kin va na te mvèng kia, a movar nengaʼa, a skwi man kin ndara na a pèc pècèk, a movar nengaʼa, a skwi nsi nengaʼa – skwi man kin va na Ndo nzi pèc pècèk te vogwa, aman ambaha.

⁷ Te ki matsaraɗaʼa, te mʼmèn kula, va-ɓica va a sam ngolala nkezlaʼa, a kin jèkeda skwi nʼndai. A pats nasa kin gu mizlinè bai!

⁸ A kin ndara na skwi a Ndo nzi pèc pècèk, aman ambaha; matsaraɗ marai staɗ, drok staɗ, a wud tambakai, mvi staɗ, 7 — nsuɗekɗekaʼa,

⁹ a movar a vaʼa, gufa dau, mbsoma a mbar; agoda 6 a géɗ marai, agoda faɗ a géɗ drok,

¹⁰ a goɗa cèw a géɗ wud tambaki staɗ staɗ tèlèba,

¹¹ A mazawal a vaʼa staɗ a géɗ malai, a va skwi man kin va na a géɗ malai a skwi mpil gèɗ, a va skwi man kin ndara na a pèc pècèk, a nda movar a nda skwi nsai.

¹² Te ki matsareɗaʼa, te mʼmèn 15, kin ɓicè va a sam ngolala nkezlaʼa. A pats nasa kin gu mizlinè bai, sèi kin gi ngolala Ndo nzi pèc pècèk, mʼmèn tsaraɗ.

¹³ A kin ndara na skwi a Ndo nzi pèc pècèk, skwi te vogwa, aman ambaha: matsaraɗ marai 13, droki cèw, wud tambaki 14, mvi staɗ, nsuɗekɗekaʼa –

¹⁴ a movar a vaʼa a gufa dau, mbsoma a mbar: agoda 6 a géɗ marihi 13 staɗ staɗ tèlèba, agoda 4 a géɗ droki staɗ staɗ tèlèba,

¹⁵ agoda cèw a géɗ wud tambaki 14 staɗ staɗ tèlèba.

¹⁶ A mazawal staɗ a vaʼa a géɗ malai, a va skwi man ta ndara na, a movar a skwi nsai man ta va na, a pèc pècèk.

¹⁷ Mʼmèn macecèwaʼa, marihi 12, droki cèw, wud tambaki mvi staɗ nsuɗekɗekaʼa 14,

¹⁸ a movar a skwi nsi a va marihai, drokhai, wud tambakhai, ara nʼngér ta, ara nʼngér ta, ara man Zhiklè a jhèɗèʼa;

¹⁹ a vaʼa mazawal staɗ a géɗ malai, a va skwi man ta ndara na Zhi-klè a pèc pècèk, a movar a skwi nsi man ta va na.

²⁰ Mʼmèn mamakraʼa, marihi 11, droki cèw, tambaki 14, mvi staɗ, nsuɗekɗekaʼa,

²¹ a va movar a skwi nsai a géɗ marihai, drokhai, wud tambakhai, ara nʼngér ta, ara Zhiklè a jhèɗèʼa;

²² a vaʼa mazawal staɗ a géɗ malai, a va skwi man ta ndara na Zhiklè a pèc pècèk, a movar a skwi nsi man ta va na.

²³ Mʼmèn mafaɗaʼa, marihi 10, droki cèw, wud tambaki 14, mvi staɗ, nsuɗekɗekaʼa,

²⁴ a va movar a skwi nsai a géɗ marihai, drokhai, a wud tambakhai, ara Zhiklè a jhèɗèʼa;

²⁵ a vaʼa mazawal staɗ a géɗ malai, a va skwi man ta ndara na a pèc pècèk, a movar a skwi nsi man ta va na.

²⁶ Mʼmèn mazlamaʼa; marihi 9, droki cèw, wud tambaki 14, mvi staɗ nsuɗekɗekaʼa,

²⁷ a va movar a skwi nsai a géɗ marihai, a drokhai, a wud tambakhai, ara nʼngér ta, ara Zhiklè a jhèɗèʼa;

²⁸ a vaʼa mazawal staɗ a géɗ malai, a va skwi man ta ndara na a pèc pècèk, a movar a skwi nsi man ta va na.

²⁹ Mʼmèn mamokwaʼa, marihi 8, droki cèw, wud tambaki 14, mvi staɗ, nsuɗekɗekaʼa,

³⁰ a va movar a skwi nsai a géɗ marihai, a drokhai a wud tambakhai, ara nʼngér ta, ara Zhiklè a jhèɗèʼa;

³¹ a vaʼa mazawal staɗ a géɗ malai, a va skwi man ta ndara na Zhiklè a pèc pècèk, a va movar a skwi nsai man ta va na.

³² Mʼmèn matsaraɗaʼa, marihi 7, droki cèw, wud tambaki 14, mvi staɗ, nsuɗekɗekaʼa,

³³ a va movar a skwi nsai a géɗ marihai, drokhai, a wud tambakhai, ara nʼngér ta, ara Zhiklè a jhèɗèʼa;

³⁴ a vaʼa mazawal staɗ a géɗ malai, a va skwi man ta ndara na Zhiklè a pèc pècèk, a va movar a skwi nsi man ta va na.

³⁵ Mʼmèn matsamakaɗaʼa, va-ɓica va a sam ngolala nkezlaʼa. A pats nasa kin gu mizlinè bai!

³⁶ A kin ndara na skwi a Ndo nzi pèc pècèk, skwi te vogwa, aman ambaha: mari staɗ, drok staɗ, wud tambaki mvi staɗ, suɗekɗekaʼa, 7,

³⁷ a va movar a skwi nsai a géɗ marai, a géɗ drok, a géɗ wud tambakihai, ara nʼngèr ta, ara Zhiklè a jhèɗèʼa.

³⁸ A vaʼa mazawal a géɗ malai, a va skwi man kin ndara na a pèc pècèk, a va movar a skwi nsai man kin va na.

³⁹ Skwi haha va-va na Ndo nzi pèc pècèk a pats ngolala kinè, a va skwi man kin ndara na, a nda movar a skwi nsai a skwi man kin va na te nshid gèɗ, a géɗ ma man kin gadda hai, man bai kin va na a géɗ man kin hur te ndav kinè.