Nombres 10 - Ma Zhiklè

Tolom gurso

¹ Ndo nzi pèc pècèk a ngaɗa na Moise aranta:

² Gau tolom gurso cèw. Vüdo, a ka baha ta mpi ndohai asam mɓicè-va a vna. Tsu tolom aman ndohi ta jèkeda samaʼa a ta dè a ma ma.

³ Aman ndohi cèw ta tsi tolom, mpi ndohai sèi ta bicè va a sam ngaya a ntamagi mɓicè-va.

⁴ Aman ndo stadgenè a tsi tolom, sèi bihai, tsuvomhi Israel, ta bicè va a sam ngaya.

⁵ Aman ta tsu ara tolom var, ndohi man ta nzi te civèɗ mvèng pats ta slèmbèdè, a ta dè.

⁶ Aman ta tsu sak macecèwaʼa, ndohi man ta nza te civèɗ te man a dukwad ta slèmbèdè a ta dè.

⁷ Sèi man ta tsi ara tolom var, ndohi Israel ta slèmbèdè a ta dè. Aman ara tolom var ka bai, ka ɓic ta ndohai.

⁸ Ndohi man ta tsi tolom: wudahi Aaron, ndohi mvi skwi a Zhiklè. Da gu ara tsuf kinè a mèdèp, a ndè a ma ma te verzi wud wuda.

⁹ Aman ndo mayam a gi var a kinè, a ga kinè matakwan, va-tsu tolom var, a Ndo nzi pèc pècèk, Zhiklè kinè, a hér kinè, a da mbél kinè te ri mayamhi kinè.

¹⁰ A pats mwuffè, a pats ngolala kinè, a mvèng kia, va-tsu tolom a sam man kin ndara na skwi a Zhiklè, a kin va na skwi a Zhiklè te nshid gèɗ. A Zhiklè kinè a da hér kinè te pa. Iyè Ndo nzi pèc pècèk, Zhiklè kinè!

Ndohi Israel ta jèkeda Sinai

¹¹ Te mvi macecèwaʼa, te ki macecèwaʼa, mʼmèn 20, vanai a nslambaɗa auda a géɗ gi Zhiklè, man ma kita te pa.

¹² A ndohi Israel, ngiɗè asam man ta nza a pa, ngiɗè a sam man ta nza a pa, ta slambaɗa tʼhèshèkèɗ Sinai, a vanai a nzahai tʼhèshèkèɗ Paran.

¹³ Aranta ta jèkeda sam nʼnzi ta nshèlèkuraʼa, ara man Ndo nzi pèc pècèk a njè ta a gèɗ te ma Moise.

¹⁴ Nshèlèkuraʼa, ndohi Juda ta slambaɗa a verzi lamba ta, ndohi var ngiɗè, a ngiɗè. Nachshon, kra Amminadab, ndo ncè ta ma.

¹⁵ Nethaneel, kra Tsuar, ndo ncè ta ma ndohi var te verzi Issacar.

¹⁶ Eliab, kra Hélon, ndo ncè ta ma ndohi var te verzi Zabulon.

¹⁷ Aman ta pra na gi auda ma, ndohi Guershon a ndohi Merari ta slambaɗa a ta zhübèʼa.

¹⁸ Te debaʼa ndohi Ruben ta slambaɗa, a verzi lamba ta, ndohi var ngiɗè a ngiɗè. Elitsur, kra Shedéur, ndo ncè ta ma.

¹⁹ Shelumiel, kra Tsurishaddai, ndo ncè ta ma ndohi var te verzi Siméon.

²⁰ Eliasaph, kra Déeul, ndo ncè ta ma ndohi var te verzi Gad.

²¹ Te deɓaʼa ndohi Kehath, man ta zuɓ kolongwi nkezlaʼa, to do; a tengahi ngiɗè ta geda gi a pa, ga ta ndikè a pa.

²² Te debaʼa ndohi Ephraim ta slambaɗa a verzi lamba ta, ndohi var ngiɗè a ngiɗè. Elishama, kra Ammihud, ndo ncè ta ma.

²³ Gamliel, kra Pedahtsur, ndo ncè ta ma ndohi var te verzi Manassé.

²⁴ Abidan, kra Guideoni, ndo ncè ta ma ndohi var te verzi Benjamin.

²⁵ Te debaʼa ndohi Dan ta slambaɗa a verzi lamba ta. Tengaʼa ndikè-ma ndohai. Ahiézer kra Ammishaddai, ndo ncè ta ma ndohi var te verzi Dan.

²⁶ Paguiel, kra Ocran, ndo ncè ta ma ndohi var te verzi Aser.

²⁷ Ahira, kra Enan, ndo ncè ta ma ndohi var te verzi Nephthali.

²⁸ A ndohi Israel ta slambaɗa, a to do a ma ma, ntila aranta, ndohi var ngiɗè a ngiɗè.

²⁹ A Moise a ngaɗa na Hobab, kra Réuel, ndo Madian, mèsh Moise: Nga dè a sam man Ndo nzi pèc pècèk a ngoɗa a ngaɗa i da va kinè. Washkè a verzi nga, nga woy a nga ga ka skwi man amba. Ndo nzi pèc pècèk a mpasla ta ri a ndohi Israel, a da va ta skwi man amba.

³⁰ Aman nengaʼa a ngaɗa: I dè a verzi kinè azbai. Sèi i min ga a deba a kokwar ga, a va gwoli ga.

³¹ Moise a ngaɗa na: Ka kwol nga bai, kam kam! ka sun hèshèkèɗ, ka sun sam man nga slaha nga nzi a pa. Ka ngél di a ma, ka ara di nga.

³² Aman ka da shkè a verzi nga, a nga da ngècè skwi man amba a sam Zhiklè, nga ba nga va ka.

³³ A ta jèkeda za Ndo nzi pèc pècèk, a to do, a ta mana a civèɗ makar, a verzi koti ma kita. Ndo nzi pèc pècèk a mdo a ma tengaʼa, ta a civèɗ mʼmèn makar, a nwoya ta sam man ta shèk va a pa.

³⁴ A pats, aman ta slèmbèɗè, vani Ndo nzi pèc pècèk a zhè a gèɗ tengaʼa.

³⁵ Aman koti a ndo a ma ma, Moise a ngaɗa: Ndo nzi pèc pècèk, slambaɗa, mayamhi ngaya da venda gèɗ ta, a ndohi man ta ga ka shè-wa, da hu ta auda a sam ngaya!

³⁶ Aman a nzahai, a ngaɗa: Ndo nzi pèc pècèk, washkè a ka nzi a sam ndohi Israel man ta gozhèm gozhèm kumba.