Nombres 1 - Ma Zhiklè

Nʼngér ndohi nshèlèkuraʼa

¹ Ndo nzi pèc pècèk a ngaɗa na Moise, tʼhèshèkèɗ Sinai, te gi mɓicè-va, a pats nshèlèkuraʼa, te ki macecèwaʼa, te mvi macecèwaʼa, te deɓ man ta shkè auda te kokwar Egypte ma:

² Va-nger ta mpi ndohi Israel tèlèba, ara gwoli ta, ara gwoli ta, ara ndohi gi ta, ara ndohi gi ta; va-ngur nzlembaɗ ngurhi ngurhi staɗ staɗ tèlèba!

³ A hinè te mvi 20 a ndè a ma ma, ndohi man ta slaha ta gi var te Israel tèlèba. Kin cèw a Aaron, va-por ndohi var te vaʼa.

⁴ Te verzi ndohi staɗ staɗ tèlèba, ndo staɗ da takaha kinè, tsuvomaʼa, tsuvomaʼa.

⁵ Nzlembaɗ ndohi man i woy a ta takaha kinè, ta a haha: Te va ndohi te verzi Ruben: Elitsur, kra Shedéur.

⁶ Te va ndohi te verzi Siméon: Shelumiel, kra Tsurishaddai.

⁷ Te va ndohi te verzi Juda: Nashon, kra Amminadab.

⁸ Te va ndohi te verzi Issacar: Nethanel, kra Tsuar.

⁹ Te va ndohi te verzi Zabulon: Eliab, kra Hélon.

¹⁰ Te va wudahi Joseph: Te verzi Ephraim: Elishama, kra Ammihud. Te verzi Manassé: Gamliel, kra Pedatsur.

¹¹ Te va ndohi te verzi Benjamin: Abidan, kra Guideoni.

¹² Te va ndohi te verzi Dan: Ahiézer, kra Ammishaddai.

¹³ Te va ndohi te verzi Aser: Paguiel, kra Ocran.

¹⁴ Te va ndohi te verzi Gad: Eliasaph, kra Deuel.

¹⁵ Te va ndohi te verzi Nephthali: Ahira, kra Enan.

¹⁶ Tengaʼa haha, ndohi mparaʼa te va mpi ndohai, tsuvomhi te verzi bab ta, mbibihiaʼa a géɗ gwoli Israel gozhèm gozhèm.

¹⁷ A Moise a Aaron a ndohi haha man ta baha ta a nzlembaɗ ta,

¹⁸ ta ɓic ta mpi ndohi tèlèba, a pats nshèlèkuraʼa, te ki macecèwaʼa, a ta windeda ndohi a ɗèlèwèr mvèh ta, ara gwoli ta, ara gwoli ta, ara ndohi gi ta, ara ndohi gi ta, a hinè te mvi 20 a ndè a ma ma, ara nzlembaɗ ta, ara nzlembaɗ ta, staɗ staɗ tèlèba,

¹⁹ ara man Ndo nzi pèc pècèk a njè na ma a gèɗ a Moise. Ta nger ta tʼhèshèkèɗ Sinai.

²⁰ Wudahi Ruben, tsuvom Israel, ndohi te verzi nengaʼa ara gwoli ta, ara gwoli ta, ara ndohi gi ta, ara ndohi gi ta, ara nzlembaɗ ta, staɗ staɗ tèlèba, ngurhi ngurhi tèlèba, a hinè te mvi 20 a ndè a ma ma, ta tèlèba man ta slaha ta gi var,

²¹ ndohi te verzi Ruben man ta nger ta, 46.500.

²² Wudahi Siméon, ndohi te verzi nengaʼa, ara gwoli ta, ara gwoli ta, ara ndohi gi ta, ara ndohi gi ta, ara nzlembaɗ ta staɗ staɗ tèlèba, ngurhi ngurhi tèlèba, a hinè te mvi 20 a ndè a ma ma, ta tèlèba man ta slaha ta gi var,

²³ ndohi te verzi Siméon man ta nger ta, 59.300.

²⁴ Wudahi Gad, ndohi te verzi nengaʼa, ara gwoli ta, ara gwoli ta, ara ndohi gi ta, ara ndohi gi ta, ara nzlembaɗ ta, a hinè te mvi 20 a ndè a ma ma, ta tèlèba man ta slaha ta gi var,

²⁵ ndohi te verzi Gad man ta nger ta, 45.650.

²⁶ Wudahi Juda, ndohi te verzi nengaʼa, ara gwoli ta, ara gwoli ta, ara ndohi gi ta, ara ndohi gi ta, ara nzlembaɗ ta, a hinè te mvi 20 a ndè a ma ma, ta tèlèba man ta slaha ta gi var,

²⁷ ndohi te verzi Juda man ta nger ta, 74.600.

²⁸ Wudahi Issacar, ndohi te verzi nengaʼa, ara gwoli ta, ara gwoli ta, ara ndohi gi ta, ara ndohi gi ta, ara nzlembaɗ ta, a hinè te mvi 20 a ndè a ma ma, ta tèlèba man ta slaha ta gi var,

²⁹ ndohi te verzi Issacar man ta nger ta, 54.400.

³⁰ Wudahi Zabulon, ndohi te verzi nengaʼa, ara gwoli ta, ara gwoli ta, ara ndohi gi ta, ara ndohi gi ta, ara nzlembaɗ ta, a hinè te mvi 20 a nde a ma ma, ta tè-lèba man ta slaha ta gi var,

³¹ ndohi te verzi Zabulon man ta nger ta, 57.400.

³² Wudahi Joseph: Wudahi Ephraim, ndohi te verzi nengaʼa, ara gwoli ta, ara gwoli ta, ara ndohi gi ta, ara ndohi gi ta, ara nzlembaɗ ta, a hinè te mvi 20 a ndè a ma ma, ta tèlèba man ta slaha ta gi var,

³³ ndohi te verzi Ephraim man ta nger ta, 40.500.

³⁴ Wudahi Manassé, ndohi te verzi nengaʼa, ara gwoli ta, ara gwoli ta, ara ndohi gi ta, ara ndohi gi ta, ara nzlembaɗ ta, a hinè te mvi 20 a ndè a ma ma, ta tèlèba man ta slaha ta gi var,

³⁵ ndohi te verzi Manassé man ta nger ta, 32.200.

³⁶ Wudahi Benjamin, ndohi te verzi nengaʼa, ara gwoli ta, ara gwoli ta, ara ndohi gi ta, ara ndohi gi ta, ara nzlembaɗ ta, a hinè te mvi 20 a ndè a ma ma, ta tèlèba man ta slaha ta gi var,

³⁷ ndohi te verzi Benjamin man ta nger ta, 35.400.

³⁸ Wudahi Dan, ndohi te verzi nengaʼa, ara gwoli ta, ara gwoli ta, ara ndohi gi ta, ara ndohi gi ta, ara nzlembaɗ ta, a hinè te mvi 20 a ndè a ma ma, ta tèlèba man ta slaha ta gi var,

³⁹ ndohi te verzi Dan man ta nger ta, 627.002.

⁴⁰ Wudahi Aser, ndohi te verzi nengaʼa, ara gwoli ta, ara gwoli ta, ara ndohi gi ta, ara ndohi gi ta, ara nzlembaɗ ta, a hinè te mvi 20 a ndè a ma ma, tèlèba man ta slaha ta gi var,

⁴¹ ndohi te verzi Aser man ta nger ta, 41.500.

⁴² Wudahi Nephthali, ndohi te verzi nengaʼa, ara gwoli ta, ara gwoli ta, ara ndohi gi ta, ara ndohi gi ta, ara nzlembaɗ ta, a hinè te mvi 20 a ndè a ma ma, ta tèlèba man ta slaha ta gi var,

⁴³ ndohi te verzi Nephthali man ta nger ta, 53.400.

⁴⁴ Nasa ndohi man Moise a Aaron a tsuvomhi Israel, ndohi 12, staɗ staɗ te va verzi staɗ, ta nger ta.

⁴⁵ Ndohi Israel tèlèba, man ta nger ta, ara ndohi gi ta, a hinè te mvi 20 a ndè a ma ma, ta tèlèba te Israel man ta slaha ta gi var,

⁴⁶ ndohi man ta nger ta tèlèba, 603.550.

⁴⁷ Ndohi Lévi, te verzi bab ta, ta nger ta ɓai.

Ndohi Lévi ta gi mizlinè le gi nkezlaʼa

⁴⁸ A Ndo nzi pèc pècèk a ngaɗa na Moise:

⁴⁹ Ndohi te verzi Lévi, ka nger ta ɓai, ka nger ta a va ndohi Israel bai!

⁵⁰ Sèi ka pe ta ndohi Lévi a mizlinè te gi nkezlaʼa, a ta gi mizlinè te pa, a kolongwi nengaʼa tèlèba. Sèi ta zhüɓ gi nkezlaʼa, a kolongwi nengaʼa tèlèba, a ta tilèʼa, a ta mana na a tsagai.

⁵¹ Aman ta da gi nkezlaʼa a ma ma, sèi ndohi Lévi ta pra na auda a sam man ta nza a pa; a ndohi Lévi ta gi a pa. Aman ndo man ta fa a mizlinè sa bai, a giaʼa, sèi ta keɗaʼa.

⁵² Njèkèɗi ndohi Israel sèi ta mènè a géɗ ta, ndohi verzi ngidè a géɗ ta, ndohi verzi ngidè a géɗ ta, a sam skwi nzlatseda man ta sen ta te pa, a sam lamba ta.

⁵³ Aman ndohi Lévi da mana a tsagi gi nkezlaʼa, man bai ndzoan ga a shkè a géɗ mpi ndohi Israel. Ndohi Lévi da gu mizlinè te gi nkezlaʼa arsa!

⁵⁴ A ndohi Israel ta gu skwi tèlèba man Ndo nzi pèc pècèk a njè na a gèɗ a Moise. A ta gu arsa.