Michée 5 - Ma Zhiklè

Bai a géɗ Israel

¹ Ka Bethlèhem, Ephrata, ka verzi nkèshèa te va gwoli Juda. Te ka bi Israel a da shkè auda; verzi nengaʼa daga zlè-zlèzlèʼa, daga nhinkaɗ sam.

² A géɗ nasa Zhiklè a jèka ta a pa, ha tiɗè sam man ngwoz a da yi kra, a yaka kra ma, a njèkèɗi kramamhi na ta menkaɗa deɓa a sam ndohi Israel.

³ Te deɓaʼa nengaʼa a sièmbèɗè, a wèr di rèwè na a wuɗi Ndo nzi pèc pècèk, a nʼnjèl nzlembaɗ Ndo nzi pèc pècèk, Zhiklè na. A ta nza, a nengaʼa a gi a mbiaʼa, wuɗi na a ndikè ha verzi herkeda.

⁴ Nasa gumai. Aman ndohi Assyrie ta da shkè a kokwar nga, aman ta mbècè sak a herkeda nga, nga Zlatseda ta ndohi mɓer skwi tsaraɗ a wud bihi tsamakaɗ a ma.

Ta da bazl ta ndohi Assyrie

⁵ Ta da bazl ta ndohi Assyrie a tsakwal, a ndohi kokwar Nimrod a kafahi gwèsh. Ta da mbel nga te ri ndohi Assyrie, aman ta shkè a kokwar nga, a ta mbècè sak a kuma herkeda nga.

⁶ Te deɓaʼa njèkèɗi ndohi Jacob ta zhè te va ndohi herkeda, te ndev ndohi kumba, ara minmèn man a shkè te ri Ndo nzi pèc pècèk, ara iyam a géɗ kuza, man a zhèr skwi te ri ndohi azɓai, a jhèɗè skwi te ri ndohi azɓai.

Njèkèɗi ndohai

⁷ Te deɓaʼa njèkèɗi ndohi Jacob ta zhè te va ndohi herkeda, te ndev ndohi kumba, ara marizhèlè te ndev skwi dak, ara kra marizhèlè te va rèwè tambakihai. Aman a bizhè a pa, a nkeɗaʼa, a ncizl ta, ndo a slaha a nkoldokona auda te ri nengaʼa ɓai.

⁸ Ri ngaya da gu ngul ta ndohi man ta Sala ka va a gèɗ; mayamhi ngaya tèlèba da ze ta!

⁹ Ndo nzi pèc pècèk a gaɗa: A pats nasa, i da dzomko plèsh auda a sam ngaya, i da gedasseda kiki var ngaya aussa.

¹⁰ I da gedasseda kokwar ngaya mbibihiaʼa, a i da mbeɗa gihi ngaya ndakmaʼa tèlèba.

¹¹ I cè vri auda te ri ngaya, a ta ngècè ndo mʼmbèh skwai a sam ngaya azɓai.

¹² I da cko mblom auda a sam ngaya, a zhiklèhi mbèh skwai, a ka da tsi ri a skwi man ri ngaya a ngau asaɓai.

¹³ I da ngelda Astarté aussa a sam ngaya, a i gedassa skwi mbèh skwi ngaya.

¹⁴ A i jhèɗè skwi mpil gèɗ a sam ndohi herkeda tèlèba, man ta fu zlembaɗ a ndzoan man i ga ta ɓai.