Marc 15 - Ma Zhiklè

Yèsu a sam Pilate

¹ A prèk te gai, ta tsomma, a ndohi mvi skwi a Zhiklè mbibihiaʼa, a ndohi nhalaʼa, a malamhai, a ndohi kita tèlèba.

² Aman ta dzawa Yèsu ma, ta daʼa, a ta va na a ri a Pilate. Pilate a ndzhoɗo: Ka bi ndohi Juif dè? Yèsu a mʼmbeɗa na a ma:

³ Ara ngèɗè ngaya. A ndohi mvi skwi a Zhiklè mbibihiaʼa ta püno a ma tsaɗ tsaɗ.

⁴ A Pilate a ndzhoɗo zaʼa: Ka mbeɗa nga a ma azɓi ɗè?

⁵ Tsena, man ta pin ka a ma tsaɗ tsaɗ. A Yèsu a mʼmbeɗa ta a ma asaɓi fèt, a Pilate a nrzl na.

Ta ngela na kita mʼmetsai a gèɗ Yèsu

⁶ A pats ngolala, a pats ngolala, Pilate a mpra ndo dangai staɗ, nengaʼa man ndohi ta woyaʼa.

⁷ Te gi dangai ndo ngiɗè a zhè, nzlembaɗ na Barabbas. Ta a golahi nengaʼa ta keɗa ndo te va nrubai.

⁸ Ndohi rèdèdèʼa ta shkè, aman ta jhèɗè skwai, ara man Pilate a va ta pèc pècèk.

⁹ Pilate a mʼmbeɗa ta a ma: Kin woy a i pra kinè bi ndohi Juif ɗè?

¹⁰ Aman nengaʼa a suna, ta gskoɗi Yèsu a srak genè.

¹¹ Aman ndohi mvi skwi a Zhiklè mbibihiaʼa ta poko ta gèɗ auda a ndohi rèdèdèʼa, dara Pilate a pra ta Barabbas.

¹² A Pilate mʼmena na a gèɗ, a mʼmbeɗa ta a ma zaʼa: I gi mè a nengaʼa man kin baha na bi ndohi Juif?

¹³ A ta boho: Gezlalaʼa!

¹⁴ A Pilate a ngaɗa ta: A ge mali mè? A ta boho hololaʼa: Gezlalaʼa!

¹⁵ A Pilate a woya aman a ga ta skwi man ambaha ta ndohi, rèdèdèʼa, a mpra ta Barabbas. Te deɓaʼa amari ta ndoho a mènèwèɗ ma, a mva ta Yèsu a rai, a ta gezlalaʼa.

Sojèhi ta ngwossaha Yèsu

¹⁶ A sojèhi ta co Yèsu, a ta daʼa a gala ngomna, a ta baha ta sojèhi tèlèba.

¹⁷ A ta va na maslaka vèvèzh a va, ta paɗa na gèɗ a vatak ntsaffaʼa.

¹⁸ Te deɓaʼa ta hüno a ta ga na mbalai: Mbali bi ndohi Juif!

¹⁹ A ta tsu géɗèʼa a gada, a ta njfa na slèslèɓ a va, a ta gurɓahai a sam na, a ta ngwossaha, a ta kalahai a deɓ sak nengaʼa.

²⁰ Te deɓ man ta ngwossaha ma, ta cèma na maslaka vèvèzh auda a va, a ta va na maslaka na a va, a ta daʼa, aman ta gezlalaʼa.

Ta gezlala Yèsu

²¹ A ta fa na a gèɗ a wuɗai a Simon te Cy-rène, Bab Alexandre a Rufus, man a shkè te gi dau na, aman a zhüɓ wof ngézlèl Yèsu.

²² A ta da Yèsu a sam man ta baha na Golgotha, ara ngèɗè ‘Vatasl gèɗ’.

²³ A ta va na iyam man a zhkè mbertéktékaʼa, aman a nsiaʼa. Aman nengaʼa a nca ɓai.

²⁴ A ta gezlala, a ta kezla maslaka nengaʼa, a ta gu jimèr, ta woy a ta sun skwi man ndo staɗ staɗ a ngècèʼa.

²⁵ Man ta gezlala, gol pats.

²⁶ Mali man a metsa a géɗèʼa, ta windeda a deɓ wof: Bi ndohi Juif.

²⁷ A ta gezlala a nda ndohi metsarhi cèw, staɗ te ri mandai, ngiɗè te ri gula.

²⁸ (A gau, ara man ta Windo te ɗèlèwèr Zhiklè. Ta feda a ndev ndohi malihai).

²⁹ Ndohi man ta beza a pa, ta durdo, a ta gidè gèɗ kwotakwotaʼa, a ta gada: Ɗakwa, ka, ka gaɗa: i mbeɗda gi Zhiklè aussa, a i rèmèʼa te mʼmèn makar,

³⁰ mbela va ngaya a ri ngaya, sulomkaɗahai a wof ngézlèlè!

³¹ A ndohi mvi skwi a Zhiklè mbibihiaʼa ba, a malamhai ta goɗ a va ta: A mʼmbel ta ndohi ngiɗè, va na a slaha a mʼmbela ɓi ɓè?

³² Aman nengaʼa Kristi, bi Israel, da sulomkaɗahai a wof ngézlèl na haha antanta. A nga rkaʼa, nga da cè a ndav nga! Tengahi man ta gezlal ta a nda nengaʼa ba, ta durdo.

Mʼmetsi Yèsu

³³ A gèɗ pats, ruva a ngau a géɗ herkeda tèlèba, ha pats tsafkata. A pats tsafkata Yèsu a mboho a wuɗai:

³⁴ Eloi, Eloi, lama sabachthani? ara ngèɗè:

³⁵ Zhiklè ga, Zhiklè ga, ka jèkyè èhèmè? Tengahi ngiɗè man ta nza a pa, ta tsenaʼa, a ta gada: Na haha, a baha na Elie.

³⁶ A ndo staɗ a nkalda maslaka a iyam mbertéktékaʼa, a mʼmanda a gada, a ntkwo na ma, a ngaɗa: Kazladai, nga rka, aman Elie a shkè, a nckoɗahai!

³⁷ Aman Yèsu a mboho a wuɗai a vata, a mʼmets na.

³⁸ Te gi Zhiklè, maslaka mbiaʼa a nkurats na te va, te géɗèʼa a nshkèhi a godok.

³⁹ Bi sojè, man a zlatsa zuraʼa a Yèsu, a rkaʼa, man a mets na ar haha, a ngaɗa: Ndo haha a vava kra Zhiklè.

⁴⁰ A ngwozi ba ta zhè, aman ta pi di dra. Te va tengaʼa Marie Magdala, Marie mam Jacques nkèshèa a Joses, a Salomé,

⁴¹ man ta dzodzora, a ta takaha, te va man a zhè te Galilée dai, a tengahi ngiɗè tsaɗ tsaɗ man ta shkè a Jérusalem a verzi nengaʼa.

Ta ra Yèsu

⁴² A dakwaɗ man pats nkala ma, nciɗ samaʼa pats nshèk va, aman ta til patsaʼa ma,

⁴³ Joseph te Arimathée, ndo ncèmma mbiaʼa, a mshkè; nengaʼa ba a zhèr kokwar Bi Zhiklè. Nengaʼa a nʼnga zlau ɓai, aman a ndo a sam Pilate, a njhèdè va Yèsu.

⁴⁴ Pilate a nhuro a vata, aman Yèsu a mʼmets na tsam tsam aranta. A mbaha na bi sojè, a njunjoro, aman a mets na nʼnzi a zhè.

⁴⁵ Aman a ntsena zuraʼa a sam bi sojè, a mva na nckondo Yèsu a Joseph.

⁴⁶ A Joseph a nsum maslaka, a mproko Yèsu a hai a wof ngèzlèl na, a mpaɗda maslaka, a mfeda a gi dzavi te za, a ta gudumbala na ngezlambar kwa mbiaʼa a ma gi dzavai.

⁴⁷ A Marie Magdala, a Marie mam Joses ta rka sam man ta feda Yèsu a pa.