Marc 13 - Ma Zhiklè

Yèsu a hodko ma a géɗ ngédèshè gi Zhiklè

¹ Mshkè Yèsu auda te gi Zhikiè, gol nengaʼa staɗ a ngaɗa na: Ndo njèngè ma, rka gihi haha, man ta gu a kwa mbibihiaʼa dai!

² A Yèsu a ngaɗa na: Ka rka gihi mbibihiaʼa haha cè? Ko kwa staɗ a da nzi a géɗ ngiɗè azɓai, ta da mbeɗ ta tèlèba.

Nhinè matakwan

³ A Yèsu a nʼnzahai a géɗ za oliviers, zura a gi Zhikiè. A Pierre, Jacques, Jean a André ta dzhoɗo, ta a géɗ ta:

⁴ Gada nga, kos skwi haha a da gi a ngèmè? Nga da shinè te mè, aman a da gi ar haha tèlèba?

⁵ Yèsu a ngaɗa ta: Va-gu maya, ndo da pètè kinè ɓai!

⁶ Aman ta kumba ta da shkè a nzlembaɗ ga, a ta gaɗa: Iyè Kristi! A ta pètè ta ndohi kumba.

⁷ Aman kin tsena ma var, nguzli var, kin gu zlau ɓai; skwi haha a da gi ndèzl. Aman skwi haha nʼndikèma di ka ɓai.

⁸ Ndohi herkeda ngiɗè ta da slambaɗa ta va a ndohi herkeda ngiɗè; kokwar-bi ngiɗè a da slambaɗa na va a kokwar-bi ngiɗè. Herkeda a da gudzi a sam tsaɗ tsaɗ, a mai a di a shkè. Nasa nhinè matakwan di genè.

⁹ Va-gu maya a géɗ va kinè. Ta da de kinè a sam ncèmma, ta da ndah kinè te gi njèngè ma Zhikiè, ta da de kinè a sam bihi mbibihiaʼa, a sam bihi nkèshèa, a géɗ ga, aman kin da gi a ndohi malwuɗihai a sam ten gaʼa.

¹⁰ Séi ta njè ta ma mbelaʼa a ndohi herkeda tèlèba nshèlèkuraʼa.

¹¹ Aman ta de kinè a sam kita, kin hur gèɗ a géɗ man kin da gèɗè ɓai; aman kin da gada ta skwi man kin ngots te gèɗ kinè a samaʼa. Kinè ngèɗè ka ɓai, aman Mèzhèɓ Zhikiè nkezlaʼa a ngèɗè.

¹² Kramama a da da kramam na a mʼmetsai. Bab kra a da vi kra na. Wudahi ta da slambaɗa ta gèɗ a bab ta a mam ta, a ta bazl ta.

¹³ Ndohi tèlèba ta da ga kinè shèwa a géɗ nzlembaɗ ga. Aman nengaʼa man a dè a ma ma a slagama, ha skwi a ndev na, a mbél na.

Matakwan mbiaʼa

¹⁴ Aman kin rka skwi ngedassaʼa man a ndèrè a ndo a zhè a sam man ta woya a pa ɓai (ndo man a jèngèʼa, da huro), ndohi te Judée sèi da hu ta a za.

¹⁵ Ndo man a nza a géɗ gai, da shkèhi do do a gi ɓai, aman a hil skwi te gai.

¹⁶ Ndo man a zhè te gi dau, da shkè a deɓa ɓai, a nda cè maslaka na.

¹⁷ Woba ngwozi man ta a hwaɗ, a ngwozi man wuda a rai, a pats sa.

¹⁸ Va-tsu rai, aman skwi arsa a da ga kinè a vi ɓai.

¹⁹ Te ndev nasa matakwan mbiaʼa a zhè, te nhinkaɗ man Zhikiè a ngu herkeda, ha patsna, aranta azɓai.

²⁰ Aman Zhikiè a ntakossa patshi sa ɓai, ar ndo a mbélè azɓai. Aman a géɗ ndohi man Zhiklè a mpar ta, a ntakossa patshi sa.

²¹ Te deɓaʼa man ndo ngiɗè a gada kinè: Na haha, Kristi! Kristi ahngata! Kin co ma nengaʼa ɓai!

²² Aman Kristihi ncèkèlma, a ndohi nhadka ncèkèlma ta da slèmbèɗè, a ta da ngreda skwi malwuɗai a nrkedai, man ta pèkètèdè ndohi man Zhikiè a mpar ta, man ta slaha.

²³ Aman kinè, va-gu maya! Na haha, i gaɗa kinè skwi tèlèba a hi ma.

Mshkè kra-ndo a deɓa

²⁴ Te ndev nasa, te deɓ matakwan, pats a dè na a zhikiè, a kia a hél sam asaɓai,

²⁵ a bantihai ta wush ta hai, a wuɗihi te zhikiè te géɗèʼa ta wurɗko va.

²⁶ Te deɓaʼa ta da rka kra-ndo man a shkè te va vanai, a wuɗi mbiaʼa, a nʼnjèl na.

²⁷ Te deɓaʼa a da zlinde ta golahi nengaʼa, a ta ɓic ta ndohi man a mpar ta te tsagi herkeda faɗ, te verzi zhikiè, a ndè a verzi zhikiè ngiɗè.

Va-ɗöl te wof tèngètè!

²⁸ Va-ɗöl te wof tèngètè! Aman ri wof nengaʼa a gi kilɓakilɓaʼa, a vahaʼa a gi rutsutsaʼa a dai, via ndul ndul ma.

²⁹ Lèmèlèmè kinè ba, aman kin rka skwi haha a shkè, va-suna, kra-ndo a zhè ndul ndul a ntamagi.

³⁰ A vava i gada kinè, ndohi man ta a géɗ herkeda antanta ta da ndivè azɓai, sèi skwi haha a gi dai.

³¹ Giɗfèk a herkeda ta da ndiv ta. Aman ma ga a da ndivè azɓai.

Ndo a sun patsaʼa ɓai

³² Aman patsaʼa, ndo a sun ɓai, ko golahi Zhiklè te zhiklè, ko kra Zhiklè, sèi Bab Zhiklè stadgenè.

³³ Va-gu maya, va-nza a dai, va-tsu rai, te man kin sun pats man skwi haha a shkè ɓai.

³⁴ Ara ndo man a dè nshèwèlè, a njèkeda gi na, a mva ta mizlinè a ri a ɓèlèlihi na, a nʼngreda ta mizlinè tengaʼa staɗ staɗ tèlèba. A ngaɗa na ndo mɓer ntamagai, aman a ɓerèʼa.

³⁵ Va-nza a dai, te man kin sun pats man babgi a shkè a deɓa ɓai. Gar a pats dakwaɗ, gar a géɗ vaɗ, gar a prèk vaɗ, gar a prèk.

³⁶ A da shkè a nasa nasa, a nda ngats kinè, kin nzhuna.

³⁷ Skwi man i gada kinè, i gada kin tèlèba: Va-nza a dai!