Marc 12 - Ma Zhiklè

Ngèlègèɗ-ma a géɗ gi lak a ndohi mizlinè nengaʼa

¹ Te deɓaʼa Yèsu a hüno man a senda ta a ngèlègèɗ-ma: Ndo ngiɗè a ngu gi wof barassa, a nʼngalda a pa a zlazlar, a ntila sam nɗèc barassa. A nramda gi ngurèa a pa, a mva na gi wof barassa a ri a ndohi mizlinè nengaʼa, a ndo na nshèwèlè.

² A pats man skwi nʼndha, a nzlündo ɓèl nengaʼa staɗ a sam ndohi mizlinè, aman a da hulkona nyi wof.

³ A ta gso, a ta tsau, a ta zlündeda deɓa, ta va na skwa a ri ɓai.

⁴ A nzlündo ɓèl nengaʼa ngiɗè zaʼa a sam ta, a ta tsau a gèɗ, a ta durɗo.

⁵ A nzlündo ngiɗè, a ta keɗaʼa. Te deɓaʼa a nzlinde ta tengahiaʼa ngiɗè, matrhiaʼa ta tsah ta, matrhiaʼa ta bazl ta.

⁶ Njèkè kra nengaʼa staɗ, man a woya a ndav na. Te deɓaʼa a nzlündo nengaʼa a sam ta, a huro, a ngaɗa: Ta gi hori kra ga.

⁷ Aman ndohi mizlinè ta goɗ a va ta: Na haha, kra n ndi gai. Vo-wash-kè, nga-kuɗokoya, a nga ndi giaʼa!

⁸ A ta gso, a ta keɗaʼa, a ta kalda a dal gi wof barassa.

⁹ Anai, bab gi wof barassa a gi mè? Nengaʼa a shkè, a bazl ta ndohi mizlinè, a va ta gi wof barassa a ndohi ngiɗè.

¹⁰ Kin jongo te ɗèlèwèr Zhiklè ɓi dè? Kwa man ndohi nɗizlè gai ta kaldaussa, nʼngaʼa a kwa nte verziaʼa.

¹¹ Bi Zhiklè a ngau arsa, a nga rzl nga a pa.

¹² A ta woya a ta gshèʼa, aman ta gu zlau ndohi rèdèdèʼa. Ta suna, Yèsu a ngoɗ ngèlègèɗ-ma a géɗ tengaʼa. A ta jè-keda, a to do ta.

Mpi budu a Bai

¹³ A ta zlinde ta ndohi pharisie a golahi Hérode a sam na. Ta woy a ta gshèʼa, a géɗ ma nengaʼa.

¹⁴ A ta shkè, a ta gaɗa na: Ndo njèngè ma, nga suna, ka ndo nzuraʼa, ka gi zlau ndo azɓai, ka ɗèl ndo te di ka ɓai, ka njè civèɗ Zhiklè zuraʼa. Amba aman ta pa na budu a bi ɗè? Sei nga pa na ndèzl ɗè, ɗè nga pa na ɓi ɗè?

¹⁵ Yèsu a suna, ta ndohi nʼngwèdè ndo, a ngaɗa ta: Kin jkedyè èhèmè? Va-cko Suli budu, a i rkaʼa.

¹⁶ A ta cko staɗ, a Yèsu a ndzhad ta: Géɗ ngè man ta vèhèda pa? A bai, ta gaɗa na.

¹⁷ Àni haha, vava na skwi bai a bai, a skwi Bi Zhiklè a Bi Zhiklè. A ta rzl ta a géɗ ma nengaʼa.

Njhèɗè-ma a géɗ nslambaɗkaɗauda te mʼmetsai

¹⁸ Ndohi sadducée ta gaɗa, nslambaɗkaɗauda te mʼmetsi azɓai. A ta shkè a sam Yèsu, a ta dzhoâo:

¹⁹ Ndo njèngè ma, Moise a winda nga: Aman kramam ndo ngiɗè a mʼmets na, a njèkeda ngwoz na, wuda na azɓai, kramam nengaʼa da co a ngwoz nengaʼa, aman a ya na kra a kramam na.

²⁰ Kramamhi tsaraɗ ta zhè. Tsuvomaʼa a nco ngwoz, a mʼmets na, a nʼngatsa kra ɓai.

²¹ Mbegéɗèʼa a nco a ngwoz mazai, a mʼmets na, a nʼngatsa kra ɓai.

²² Narsa genè a sam mamakaraʼa. Ko staɗ te va tsaraɗ, kra ta azɓai. Te deɓ tengaʼa tèlèba, ngwoz ba a mʼmets na.

²³ A pats nslambaɗkaɗauda te ndev ndohi mʼmetsaʼa, nda gi a ngwoz te va ntsaraɗ haha wa? Aman ta tsaraɗ tèlèba ta geda a va a ngwoz.

²⁴ Yèsu a ngaɗa ta: Kin pèkèt kinè ka ɓi ɗè, te man kin sun ma Zhiklè ɓai, a kin sun wuɗi Zhiklè ɓai.

²⁵ A pats nslambaɗkaɗauda te ndev ndohi mʼmetsaʼa, ta cè ngwoz azɓai, ta dè ngwoz azɓai, aman ta ara golahi Zhiklè te zhiklè te gèâèʼa.

²⁶ A géɗ nslambaâkaâauda te ndev ndohi mʼmetsaʼa kin jongo ɓi ɗè, te âèlèwèr Moise, ara man Zhiklè a gaɗa na ma te wof ntustusaʼa: Iyè i Zhiklè Abraham, Zhiklè Isaac, Zhiklè Jacob.

²⁷ Nengaʼa Zhiklè ndohi mʼmetsaʼa ka ɓai, aman Zhiklè ndohi a nshèffè. Kin pèkèt kinè a vata.

Ma nkwèr Zhiklè mbiaʼa

²⁸ Ndo malam ngiɗè a ntsena ngèɗè ten gaʼa, a suna, Yèsu a mʼmenda ta ma man amba a ndohi sadducée, a nherda na va, a ndzhoâo: Te va ma Zhiklè man a kwor ta ndohi a vna, mbia nangwa?

²⁹ A Yèsu a ngaɗa na: Na haha ma man a fena ngiɗè: Va-tsenaʼa, ndohi Israel! Bi Zhiklè, Zhiklè nga, Bi staâgenè.

³⁰ Woy Bi Zhiklè ngaya a ndav ngaya tèlèba, a nshèffè ngaya tèlèba, a nhér gèɗ ngaya tèlèba, a wuɗi ngaya tèlèba. Na haha ma man a fena ngiɗè.

³¹ Na haha, macecèwaʼa: Woy ndo, ara man ka woy nshèffè ngaya. Ma ngiɗè, man Zhiklè a kwèr ndo a vna, a nfena nta asaɓai.

³² Ndo malam a ngaɗa na: Ndo njèngè ma, amba! Ka goâ zuraʼa, Zhiklè staâgenè, ngiɗè azɓai, sèi nengaʼa. Aman nga woyaʼa a ndav nga tèlèba,

³³ a nhér gèɗ nga tèlèba, a nshèffè nga tèlèba, a wuɗi nga tèlèba, a nga, woy ndo, ara man nga woy nshèffè nga, a fena skwi tèlèba man nga ndara na Zhiklè, a nga zla na Zhiklè.

³⁴ A Yèsu, aman a rkaʼa, nengaʼa a mʼmenda na ma a maya, a ngaɗa na: Ka dra ka ɓai a kokwar Bi Zhiklè. A ta gu zlau, aman ta jhèɗè ma ngiɗè a vaʼa.

Njhèɗè-ma a géɗ kra David

³⁵ Yèsu a nsenda ta te gi Zhiklè a ma ma, a ngaɗa: Naha mè, aman malamhai ta gaɗa, Kristi kra David?

³⁶ David a ri na a ngoɗo te Mèzhèɓ Zhiklè nkezlaʼa: Bai a ngaɗa na Bi ga, nzahai a civèɗ ri mandi ga, ha i pe ta ndohi mayamhi ngaya a hwaɗ sak ngaya.

³⁷ Aman David a ri na a baha na Bai, kos verzi na èhèmè? A ndohi rèdèdèa ta tsena ma nengaʼa a mwuffè.

Maya maya a sam malamhai!

³⁸ A ngaɗa ta, aman a senda ta: Va-gu maya a sam malamhai, aman ta woy a ta dè nshèwèlè a dawar, a ta woy a ndohi ta ga ta mbalai a luma.

³⁹ Ta woy a ta nzi a ma te gi njèngè ma Zhiklè, a ta woy sam nʼnzi mbelaʼa a sam ngolala,

⁴⁰ a ta ndi gi ngwozi mazihai, a ta gi ara man ta tsi ri kumba. Kita tengaʼa a gi mwuɗitpa holholaʼa.

Skwi man ngwoz mazai a va na Zhiklè

⁴¹ A Yèsu a nʼnza a ma koti sulai, man ta va na skwi a Zhiklè a pa. A nrka ara ndohi rèdèdèa ta feda Suli a pa. Ndohi mèshèlè tsaɗ tsaɗ ta feda a pa kumba.

⁴² Ngwoz mazi ngiɗè ntawassaʼa a mshkè, a mpeda skwi cèw a pa, te di toro staɗ.

⁴³ Te deɓaʼa Yèsu a mbaha ta golahi nengaʼa, a ngaɗa ta: A vava, i gaɗa kinè, ngwoz mazi ntawassaʼa haha a mpau, a fena skwi man ndohi ngiɗè ta peda a koti sulai tèlè.

⁴⁴ Aman tèlèba ta pe njèkèɗiaʼa te skwi man a ngeza ta ma. Aman nengaʼa a mpau skwi tèlè man a ngotso, a gèɗ skwi nʼndai.