Lèv. 3 - Ma Zhiklè

Mvi skwi a Zhiklè te pombai

¹ Aman ndo a va na skwi a Zhiklè te pombai, da va na zlè, ko marai, ko zlè, da cko skwi nsuɗekɗekaʼa a sam di Ndo nzi pèc pècèk.

² Da ngeda rai a gèɗ skwiaʼa, da zlaha a ntamagi gi mɓicè-va. A wudahi Aaron, ndohi mvi skwi a Zhiklè, sèi ta guceda Pombaz a hai asam mvi skwi a Zhiklè.

³ Te debaʼa, te va skwi man a va na Zhiklè te pombai, da va na te vogwa kètè: mbeza tèlèba, man a mbèda vayats a pa, a mbeza te slrats vayats tèlèba,

⁴ a kwa deɓa cèw a mbeza a pa, mbeza man a deɓaʼa, a mbeza te verzi menaɗ man a zli auda a nda kwa deɓa.

⁵ A wudahi Aaron da fa na vogwa a sam mvi skwi a Zhiklè, a deb skwi man ta ndara na Zhiklè man a zhè a gèɗ shègwa. Nasa skwi man a va na Ndo nzi pèc pècèk te vogwa, ambaha.

⁶ Aman skwi nkèshèa man a va na Ndo nzi pèc pècèk te pombai, gar ɓok, gar tambak, ko mazawal, ko demaʼa, sèi nsuɗekɗekaʼa.

⁷ Aman a woya a vi tambak, da ckoɗa a sam Ndo nzi pèc pècèk.

⁸ Da ngeda rai a gèɗ skwiaʼa, da zlaha a ma gi mɓicè-va. A wudahi Aaron da guceda Pombaz a zlazlar sam mvi skwi a Zhiklè.

⁹ Te deɓaʼa te va skwi man a va na Ndo nzi pèc pècèk te pombai, da va na mbeza te vogwa: mbezaʼa, hutor tèlèba man a nʼngulo a sam dèdèlishèʼa, mbeza tèlèba man a mbèda vayats a pa, mbeza te slrats vayats tèlèba,

¹⁰ a kwa deɓa cèw a mbeza a pa, mbeza man a deɓaʼa, a mbeza te verzi menad man a zli auda a nda kwa deɓa.

¹¹ A ndo mvi skwi a Zhiklè da fa na vogwa a sam mvi skwi a Zhiklè. Nasa movar man a va na Ndo nzi pèc pècèk te vogwa.

¹² Aman a va na ɓok, da ckoɗa a sam Ndo nzi pèc pècèk.

¹³ Da ngeda rai a gèɗ skwiaʼa, da zlaha a ma gi mɓicè-va. A wudahi Aaron da guceda Pombaz a zlazlar sam mvi skwi a Zhiklè.

¹⁴ Te deɓaʼa da va na skwi na a Ndo nzi pèc pècèk te vogwa: mbeza tèlèba man a mbèda vayats a pa, mbeza te slrats vayats tèlèba,

¹⁵ a kwa deɓa cèw a mbeza a pa, mbeza man a deɓaʼa, a mbeza te verzi menad man a zli auda a nda kwa deɓa.

¹⁶ A ndo mvi skwi a Zhiklè da fa na vogwa tèlèba a sam mvi skwi a Zhiklè. Nasa movar man a va na Ndo nzi pèc pècèk te vogwa, ambaha. Mbeza tèlèba a Ndo nzi pèc pècèk.

¹⁷ Nasa ma nkwèr kinè, aman a nzi te verzi wud wuda kinè pèc pècèk a mèdèp, a sam tèlèba man kin nzi a pa. Mbezaʼa a pombazaʼa kin ndau bi fèt!