Lèv. 20 - Ma Zhiklè

Kita a géɗ ndo mèdègèɗ

¹ A Ndo nzi pèc pècèk a ngaɗa na Moise:

² Sèi ka gada ta ndohi Israel: Aman ndo Israel, man bai ndo mbrok te Israel, a va na kra na staɗ a Moloc, sèi ta keɗaʼa. Sèi ndohi ta kèlè a kwa.

³ I ngwoda na gèɗ a va ndo sa, a i zedkoɗauda te va ndohi na, a gèɗ man a mva na kra na staɗ a Moloc, a lizhè sam ga nkezlaʼa, a dérɗè nzlembaɗ ga nkezlaʼa.

⁴ Aman ndohi ta jèkeda ndo aranta, ta keɗa bai, ko a mva na kra na a Moloc,

⁵ iyè a ri ga i ngwoda na gèɗ a va, a va ndohi nte verzi na, a i zedko nengaʼa a ndohi tèlèba man ta va na skwi a Moloc, auda te va ndohi ta.

⁶ Aman ndo ngiɗè a gi vrai, a pi kwa, a jèjèr ma tengaʼa, i da ngwoda na gèɗ a va, a i zedkoɗauda te va ndohi na.

⁷ Gar haha va-kezla ndav kinè, a kin ga a ndohi nkezlaʼa. Aman iyè, Ndo nzi pèc pè-cèk, Zhiklè kinè.

⁸ A kin dzodzor ma nkwèr ga a kin gi arsa. Iyè Ndo nzi pèc pècèk, man i ga kinè a ndohi nkezlaʼa.

⁹ Ko wawa man a phomde bab na a mam na, sèi ta keɗaʼa, a gèɗ man a phomde bab na. Kita mʼmetsai da gso!

¹⁰ Aman ndo ngiɗè a gi mphömè a ngwoz nslamagi na, sèi ta bazl ta cèw ba, nguraʼa a ngwoz man ta gu mphömè.

¹¹ Aman ndo ngiɗè a mʼmana na va ngwoz bab na, a nderɗe bab na a vna, sèi ta bazl ta cèw cèw ba. Kita mʼmetsai da gs ta!

¹² Ndo man a mʼmana na va ngwoz kra na, sèi ta bazl ta cèw cèw ba. Ta gu skwi horai. Kita mʼmetsai da gs ta!

¹³ Aman ndo ngiɗè a mènè a va nguraʼa, ara man ta mènè a va ngwoz, cèw cèw ta gu skwi man a ndèrè a ndo. Kita mʼmetsai da gs ta!

¹⁴ Aman ndo ngiɗè a cè ngwoz, a cè mamaʼa a vaʼa, nasa skwi horai. Sèi ta fa ta vogwa a ngwozi cèw ba. Skwi hori da nza te ndev kinè bai!

¹⁵ Ndo man a nʼnza na a deɓa a skwi ndzham, sèi ta bazla cèw ba.

¹⁶ Aman skwi ndzham a nʼnza na a deɓa a ngwoz, sèi ta bazla cèw ba. Kita mʼmetsai da gs ta!

¹⁷ Ndo man a cè dem bab na a ngwoz, man bai dem mam na man a ya na ndo ngiɗè, a mènè a vna, skwi horai. Sèi ta zedka ta cèw ba auda a sam di gwoli ta. Nengaʼa a mʼmana a va demam na, a fa mali a gèɗ na.

¹⁸ Ndo man a mana a ngwoz man hwaɗ a va, a Pombaz hwaɗ ngwoz sa a senkaɗ na auda, sèi ta zedka ta cèw ba auda teva gwoli ta.

¹⁹ Ka mana na va demam mam ngaya a demam bab ngaya bai, man bai ka derɗa gwoli na, mali a gèɗ na.

²⁰ Ndo man a mana na va ngwoz kramam bab na, a derɗa gwoli na. Ta fi mali a gèɗ ta, ta bèzl ta, te delai.

²¹ Ndo man a cè ngwoz kramam na, skwi horai; a derɗa kramam na; sèi ta ndi a delai.

²² Gar haha va-dzodzor ma nkwèr ga tèlèba, a ma kita ga tèlèba. Va-gu arsa, man bai kokwar man i woy a i de kinè a pa a kin da nzi a pa a da kwol kinè.

²³ Kin dzodzor mbèh skwi ndohi nte deɓa bai, man i da dzam ta auda a ma kinè. Tengaʼa ta gau skwi haha tèlèba, a ta ndaray è, a gèɗ nengaʼa.

²⁴ Aman a kinè, i gada kinè: Kin da ngècè kokwar tengaʼa a kokwar kinè. Iyè a ri ga i da va kinè; kokwar man wa a vongwom ta hi te pa. Iyè, Ndo nzi pèc pècèk, Zhiklè kinè, man i parka kinè auda te va ndohi herkeda.

²⁵ Gar haha sèi kin dèl te va zluèɗ nlizhɓiaʼa a zluèɗ nlizhèaʼa, te va ɗiak nlizhèa a ɗiak nlizhɓiaʼa, a kin derɗa va kinè a ri kinè bai, a nda skwi ndzham, ɗiak, a skwi nda a hwaɗhi tèlèba a gèɗ herkeda, man i hel ta auda a ta gi a skwi nlizhèa a sam kinè.

²⁶ Sèi kin kezla a sam ga, te man iyè, Ndo nzi pèc pècèk, i kezla, a i parka kinè auda te va ndohi herkeda, a kin ndi a ndohi ga.

²⁷ Aman ndo ngiɗè a zhè a mèzhèɓ mʼmbèh skwai, ko nguraʼa, ko ngwoz, sèi ta keɗaʼa, ta kèlè a kwa. Kita mʼmetsai da gs ta!