Lèv. 2 - Ma Zhiklè

Nvi movar a Zhiklè

¹ Aman ndo ngiɗè a da va na movar a Ndo nzi pèc pècèk, da va na gufa, da bada na mbar a gèd, a burdi a deɓaʼa.

² Da hulkoɗi a sam wudahi Aaron, ndohi mvi skwi a Zhiklè. Ndo mvi skwi a Zhiklè da hul gufa, zlukri staɗ, a mbar, a burdi, tèlèba, da fa na vogwa a skwi man a va na Zhiklè, a sam mvi skwi a Zhiklè. Nasa skwi man a va na Ndo nzi pèc pècèk te vogwa, ambaha.

³ Njèkèɗi movar sa, a Aaron a wudahi na. Nasa skwi nkezli nkezlaʼa te va skwi man ta va na Ndo nzi pèc pècèk te vogwa.

⁴ Aman ka woy a ka va na movar ntaʼa te kizlèd, sèi a gufa man skwi nshégèrè a te di ɓai, mbsomaʼa a mbar, man ɓai skwi ngiɗè ara ɗafɗia, a mbar a deɓaʼa.

⁵ Aman movar man ka va na Zhiklè, skwi man ka tau a géɗ tèndèlèk, sèi gufa, mbsomaʼa a mbar, skwi nshégèrskwi a te di ɓai,

⁶ a ka tsakaʼa, a ka bada na mbar a deɓa. Nasa movar man ka va na Zhiklè.

⁷ Aman skwi man ka va na, movar man ka tau te shiɗèf, sèi ntaʼa a gufa a mbar.

⁸ Skwi haha man ka ta a movar, aman ka va na Ndo nzi pèc pècèk, daʼa a ka va na a ri a ndo mvi skwi a Zhiklè, a nengaʼa da daʼa a sam mvi skwi a Zhiklè.

⁹ A ndohi mvi skwi a Zhiklè da co te nengaʼa, aman a va na Ndo nzi pèc pècèk, a sam mvi skwi a Zhiklè. Nasa skwi man a va na Ndo nzi pèc pècèk te vogwa, ambaha.

¹⁰ Njèkèɗi movar sa, a Aaron a wudahi na. Nasa skwi nkezli nkezlaʼa te va skwi man ta va na Ndo nzi pèc pècèk te vogwa.

¹¹ Movar mèmè man kin va na Ndo nzi pèc pècèk, sèi man skwi nshégèrè a te di bai. Skwi nshégèr skwai a vongwom, kin va na Ndo nzi pèc pècèk te vogwa ɓai!

¹² Va-va na Ndo nzi pèc pècèk ara tsuvom skwai. Aman kin ndara na a sam mvi skwi a Zhiklè bai, aman a zhkèha.

¹³ Movar tèlèba man ka va na Zhiklè, sèi ka ga na boma a dai. Boma nderzlè-ma a Zhiklè ngaya ka jèkeda bai, aman ka va na movar. Movar tèlèba man ka va na, sèi ka ga na boma a dai.

¹⁴ Aman ka woy a ka va na movar a Ndo nzi pèc pècèk te va tsuvom skwai, sèi gèɗ dau mpinèʼa, tser dau mɓertsaʼa. Nasa movar tsuvom skwai man ka va na Zhiklè.

¹⁵ Bada na mbar a deɓa, a burdi. Nasa movar man ka va na Zhiklè.

¹⁶ A ndo mvi skwi a Zhiklè da co te va tser dau mɓertsaʼa, a mbar, a burdi, aman a va na a skwi man ambaha Zhiklè, a fa na vogwa. Nasa skwi man a va na Ndo nzi pèc pècèk te vogwa.