Josué 21 - Ma Zhiklè

Man ndohi Lévi ta ngotso

¹ Tsuvomhi ndohi gi te verzi Lévi ta shkè a sam Eléazar, ndo mvi skwi a Zhiklè, a sam Josué, kra Nun, a sam tsuvom ndohi gi te verzi Israel.

² A ta gaɗa ta te Silo, te kokwar Canaan, aranta: Ndo nzi pèc pècèk a ngoɗ te ma Moise, aman nga ngècè kokwar mbiaʼa, aman nga nzi a pa, a dak aman nga wèr skwi te pa.

³ A ndohi Israel ta vata ndohi Lévi, a skwi nʼndi gi tengaʼa, ara man Ndo nzi pèc pècèk a njè ta ma a gèɗ, kokwarhi haha, a dak tengaʼa:

⁴ Jimèr a nkala na a gèɗ ndohi Kehat a ndohi gi ta. A ndohi Lévi, wudahi Aaron, ndo mvi skwi a Zhiklè, te verzi Juda, te verzi Siméon, te verzi Benjamin, ta ngots kokwarhi mbibihiaʼa 13, a jimèr.

⁵ Wudahi Kehat ngiɗè te verzi Ephraim, te verzi Dan, te verzi Manassé rètaʼa, ta ngots kokwarhi mbibihiaʼa kula a jimèr.

⁶ Ndohi Guershon, te verzi Issacar, te verzi Aser, te verzi Nephthali, te verzi Manassé rètaʼa te Basan, ta ngots kokwarhi 13 a jimèr.

⁷ Ndohi Merari a ndohi gi ta, te verzi Ruben, te verzi Gad, te verzi Zabulon, ta ngots kokwarhi mbibihiaʼa 12 a jimèr.

⁸ Aranta ndohi Israel ta kezla ta ndohi Lévi, a jimèr, kokwarhi mbibihiaʼa a haha, a dak, ara man Ndo nzi pèc pècèk a njè ta te ma Moise.

⁹ A ndohi te verzi Juda, a ndohi te verzi Siméon, ta va ta kokwarhi, man nzlembaɗ ta a zhè.

¹⁰ Ta a wudahi Aaron, te va ndohi gi Kehat, te va ndohi Lévi, aman jimèr a nkala a gèɗ tengaʼa nshèlèkuraʼa.

¹¹ Ta va ta Kirjath-Arba, nasa Hébron, te za Juda, a sam dak a tsagiaʼa.

¹² Aman dal kokwar, a kokwarhi nkèshèa ta va na Caleb, kra Jephunné, a skwi na.

¹³ A ta va ta Hébron, a sam dak a tsagiaʼa, a wudahi Aaron, ndo mvi skwi a Zhiklè.

¹⁴ A Jatthir, a sam dak a tsagiaʼa; a Eshthemoa, a sam dak a tsagiaʼa;

¹⁵ A Holon, a sam dak a tsagiaʼa; a Débir, a sam dak a tsagiaʼa.

¹⁶ Ain a Jutta, a sam dak a tsagiaʼa; Beth-Shémesh, a sam dak a tsagiaʼa; kokwarhi mbibihiaʼa 9 a verzi ndohi cèw sa.

¹⁷ A sam ndohi te verzi Benjamin: Gabaon, a sam dak a tsagiaʼa; Guéba, a sam dak a tsagiaʼa.

¹⁸ Anathoth, a sam dak a tsagiaʼa; Almon, a sam dak a tsagiaʼa: kokwarhi mbibihiaʼa 4.

¹⁹ Kokwarhi ndohi mvi skwi a Zhiklè, wudahi Aaron, tèlèba, kokwarhi mbibihiaʼa 13, a sam dak a tsagi ta.

²⁰ Ndohi Lévi te verzi Kehath ngiɗè, ta ngots kokwarhi ta a sam ndohi te verzi Ephraim.

²¹ Ta va ta Sichem a kokwar matarai, a sam dak a tsagiaʼa te za Ephraim. A Guézer, a sam dak a tsagiaʼa.

²² Kibtsaim, a sam dak a tsagiaʼa; Beth-Horon, a sam dak a tsagiaʼa: kokwarhi 4.

²³ A sam ndohi te verzi Dan: Eltheké, a sam dak a tsagiaʼa; Guibbethon, a sam dak a tsagiaʼa.

²⁴ Ajalon, a sam dak a tsagiaʼa; Gath-Rimmon, a sam dak a tsagiaʼa: kokwarhi 4.

²⁵ A sam ndohi te verzi Manassé rètaʼa: Thaanac, a sam dak a tsagiaʼa; Gath-Rimmon, a sam dak a tsagiaʼa: kokwarhi 2.

²⁶ Kokwarhi tèlèba 10, a sam dak a tsagiaʼa, a gèɗ ndohi gi te verzi Kehath ngiɗè.

²⁷ Ndohi Guershon, te va ndohi Lévi, ta ngots a sam ndohi Manassé rètaʼa: Golan te Basan, kokwar matarai, a sam dak a tsagiaʼa. Beeshthra, a sam dak a tsagiaʼa: kokwarhi cèw.

²⁸ Ndohi te verzi Issacar: Kishjon, a sam dak a tsagiaʼa; Dabrath, a sam dak a tsagiaʼa;

²⁹ Jarmuth a sam dak a tsagiaʼa; En-Gannim a sam dak a tsagiaʼa: kokwarhi 4.

³⁰ A sam ndohi te verzi Aser: Misheal, a sam dak a tsagiaʼa. Abdon, a sam dak a tsagiaʼa.

³¹ Helkath a sam dak a tsagiaʼa; Rehob, a sam dak a tsagiaʼa: kokwarhi 4.

³² Ndohi te verzi Nephthali: Kédesh te Galilée kokwar matarai, a sam dak a tsagiaʼa; Hammoth-Dor, a sam dak a tsagiaʼa; Karthan, a sam dak a tsagiaʼa: kokwarhi 3.

³³ Kokwarhi tèlèba man a ndohi Guershon: 13, a sam dak a tsagi ta.

³⁴ Ndohi gi Mérari, njèkèdi ndohi Lévi, ta ngotso: a sam ndohi te verzi Zabulon: Jokneam, a sam dak a tsagiaʼa; Kartha, a sam dak a tsagiaʼa;

³⁵ Dimna, a sam dak a tsagiaʼa; Nahalal, a sam dak a tsagiaʼa: kokwarhi 4.

³⁶ Te deɓaʼa te wud woyam Jourdain, zuraʼa a ma Jéricho, a sam ndohi te verzi Ruben: Betser, kokwar matarai a sam dak a tsagiaʼa; Jahtsa, a sam dak a tsagiaʼa;

³⁷ Kedmoth, a sam dak a tsagiaʼa; Méphaath, a sam dak a tsagiaʼa: kokwarhi 4.

³⁸ A sam ndohi te verzi Gad: Ramoth te Galaad, kokwar matarai, a sam dak a tsagiaʼa; Mahanaim, a sam dak a tsagiaʼa,

³⁹ Hesbon, a sam dak a tsagiaʼa; Jaezer, a sam dak a tsagiaʼa: kokwarhi 4.

⁴⁰ Kokwarhi man a wudahi Merari a ndohi gi ta, njèkèɗi ndohi Lévi, ta ngots kokwarhi 12 a jimèr.

⁴¹ Kokwarhi ndohi Lévi tèlèba te va skwi man ndohi Israel ta ngotso: kokwarhi 48, a sam dak a tsagi ta.

⁴² Kokwarhi haha tèlèba, a kokwar ba, a sam dak man a tsagiaʼa ba. Aranta kokwarhi tèlèba.

Zhiklè a gi ara man a pèsl rai

⁴³ Aranta Ndo nzi pèc pècèk a mpa ta kokwar tèlèba a ndohi Israel, ara man a mbaɗa ta babhi tengaʼa, a ta dumaʼa, a ta nza a pa.

⁴⁴ Ndo nzi pèc pècèk a mva ta gumai, ta sok va, ara man a mbaɗa ta babhi tengaʼa. Teva ndohi mayamhi tengaʼa tèlèba, ko staɗ ndo man a Sala ta va a gèɗ azɓai. Ndo nzi pèc pècèk a mpe ta tèlèba a ri a tengaʼa.

⁴⁵ Te va ma man amba tèlèba man Ndo nzi pèc pècèk a mpasla ta a ri a ndohi Israel, ko staɗ a nkalahi bai. Tèlèba nʼnga arsa.