Josué 19 - Ma Zhiklè

Man Siméon a ngotso

¹ A jimèr a nkala a gèɗ skwi macecèwaʼa, man a Siméon a ndohi gi ta, a ndohi te verzi Siméon. Skwi nʼndi gi tengaʼa te ndev skwi nʼndi gi ndohi Juda.

² Ta ngots a skwi nʼndi gi ta: Beer-Shéba, Shéba, Molada,

³ Hatsor-Shual, Bala, Atsem,

⁴ Eltholad, Bethul, Horma,

⁵ Tsiklag, Beth-Marcaboth, Hatsar-Susa,

⁶ Beth-Lebaoth, a Sharuchen, kokwarhi 13 mbibihiaʼa a kokwarhi tengaʼa nkèshèa.

⁷ Ain, Rimmon, Ether a Ashan, kokwarhi mbibihiaʼa 4, a kokwarhi tengaʼa nkèshèa.

⁸ A nda kokwarhi a tsagi kokwar mbiaʼa haha, ha ndè a Baalath-Beer, a Ramath-Négeb. Nasa skwi nʼndi gi ndohi te verzi Siméon a ndohi gi ta.

⁹ Ta co skwi nʼndi gi Siméon te va difi ndohi Juda, te man skwi man ndohi Juda ta ngotso mbiaʼa holholaʼa. A ndohi Siméon ta ngots skwi nʼndi gi tengaʼa te ndev skwi nʼndi gi Juda.

Man Zabulon a ngotso

¹⁰ Jimèr mamakaraʼa a nkala na a gèɗ Zabulon a ndohi gi ta. Kuma skwi nʼndi gi tengaʼa a dè ta Sarid.

¹¹ Te deɓaʼa a dè man a nkèl pats, a Mareala, a lama na Dabbésheth, a sam dzurv iyam man a hi a ma Jokneam.

¹² A shkè a deɓa a Sarid, te civèɗ mvèng pats, a kuma Kisloth-Thabor, ha ndè a Dabrath, a ndè a Japhia.

¹³ Te pa a beza a civèɗ mvèng pats, a Guittha Hépher, a Ittha-Katsin, a ndikè a Rimmon, a ndè a ma ma a Néa.

¹⁴ Te deɓaʼa kuma a beza zlawa te Hannathon, te civèɗ man a géɗèʼa, ha ndikè a nkulgodok te Jiphthach-El.

¹⁵ A nda Katthath, Nahalal, Shimron, Jideala, Bethléhem, kokwarhi mbibihiaʼa 12 a kokwarhi tengaʼa nkèshèa.

¹⁶ Nasa skwi nʼndi gi ndohi Zabulon, a ndohi gi ta: kokwarhi mbibihiaʼa haha a kokwarhi tengaʼa nkèshèa.

Man Issacar a ngotso

¹⁷ A jimèr a nkala na a gèɗ Issacar, skwi mafadaʼa, man ndohi Issacar ta ngotso, a ndohi gi ta.

¹⁸ Kuma tengaʼa: Jizréel, Kesulloth, Sunem,

¹⁹ Hapharaim, Shion, Anacharath,

²⁰ Rabbith, Kishjon, Abets,

²¹ Rémeth, En-Gannim, En-Hadda, a Beth-Patsets;

²² kuma a lama na Thabor a Shachatsima, a Beth-Shémesh, ha a ndikè a ma woyam Jourdain: kokwarhi mbibihiaʼa 16, a kokwarhi tengaʼa nkèshèa.

²³ Nasa skwi nʼndi gi ndohi te verzi Issacar, ara ndohi gi ta; kokwarhi mbibihiaʼa a kokwarhi tengaʼa nkèshèa.

Man Aser a ngotso

²⁴ Jimèr mazlamaʼa a nkala na a gèɗ Aser a ndohi gi ta.

²⁵ Kuma tengaʼa: Helkath, Hali, Béthen, Acshaph,

²⁶ Allammélec, Amead, Misheal, Te deɓaʼa a lama na Carmel, te civèɗ nkèl pats, a Shichor-Libnath.

²⁷ A shkè te deɓaʼa te civèɗ mvèng pats, a ma Beth-Dagon, a dè Zabulon, a dè nkulgodok Jiphthach-El, te man a géɗèʼa, a Neiel, ha ndikè a Cabul, te civèɗ ri gula,

²⁸ a Ebron, Rehob, Hammon a Kana, ha Sidon mbiaʼa.

²⁹ Te deɓaʼa kuma a zhè te Rama, ha ndè a Tyr kokwar nʼngala te pa; a kuma a zhè te Hosa, ha a ndikè a ma iyam mbiaʼa, a Aczib.

³⁰ A vaʼa Umma, Aphek a Rehob. Kokwarhi mbiaʼa 22 a kokwarhi tengaʼa nkèshèa.

³¹ Nasa skwi nʼndi gi ndohi te verzi Aser, ara ndohi gi ta: kokwarhi mbibihiaʼa a kokwarhi tengaʼa nkèshèa.

Man Nephthali a ngotso

³² A jimèr mamokwaʼa a nkala na a gèɗ Nephthali, a ndohi gi ta, ndohi te verzi Nephthali.

³³ Kuma tengaʼa: Héleph, te Allon te Tsaanannim, te Adami-Nékeb, a ndè a Jabneel, ha ndè Lakkum, ha ndè a woyam Jourdain.

³⁴ Te deɓaʼa kuma a shkè te civèɗ nkèl pats, a Aznoth-Thabor, a ndè a Hukkok, te deɓaʼa a tsagi Zabulon, te man a dakwaɗ, a lama na Aser, te civèɗ nkèl pats, a woyam Jourdain, te civèɗ mvèng pats.

³⁵ Kokwarhi nʼngalaʼa te pa, ta a haha: Tsiddim, Tser, Hammath, Rakkath, Kinnéreth,

³⁶ Adama, Rama, Hatsor,

³⁷ Kédesh, Edrei, En-Hatsor,

³⁸ Jireon, Migdal-El, Horem, Beth-Anath a Beth-Shémesh. Kokwarhi mbibihiaʼa 19 a kokwarhi tengaʼa nkèshèa.

³⁹ Nasa skwi nʼndi gi ndohi Nephthali, ara ndohi gi ta: kokwarhi mbibihiaʼa a kokwarhi tengaʼa nkèshèa.

Man Dan a ngotso

⁴⁰ Jimèr matsaradaʼa a nkala ta a gèɗ a ndohi te verzi Dan a ndohi gi ta.

⁴¹ Kuma skwi nʼndi gi tengaʼa: Tsorea, Eshthaol, Ir-Shémesh,

⁴² Shaalabbin, Ajalon, Jithla,

⁴³ Elon, Thimnatha, Ekron,

⁴⁴ Eltheké, Guibbethon, Baalath,

⁴⁵ Jehud, Bené-Berak, Gath-Rimmon,

⁴⁶ Mé-Jarkon a Rakkon, a herkeda zuraʼa a ma Japho.

⁴⁷ Kuma herkeda ndohi Dan a ndikè a wud kokwar ta, te man ndohi Dan to do a ta gu var a ndohi Léshem. Ta dumaʼa, ta bazl ta a tsakwal, ta ndeda kokwar a ma, ta nza te pa, a ta baha na Dan, ara nzlembaɗ Dan, bab ta.

⁴⁸ Nasa skwi nʼndi gi ndohi te verzi Dan, ara ndohi gi ta: kokwarhi mbibihiaʼa a kokwarhi tengaʼa nkèshèa.

Josué a nzi te Timnath-Sérach

⁴⁹ Aman ta kezla kokwar tèlèba klèng ma, ara kuma tengaʼa, ndohi Israel ta va na skwi nʼndi gi a Josué, kra Nun, te ndev tengaʼa.

⁵⁰ Ara man Ndo nzi pèc pècèk a njè ta, ta va na kokwar man a dzhoɗo, kokwar Timnath-Sérach, te za Ephraim. A nɗaɗayda kokwar a pa, a nʼnza a pa.

⁵¹ Nasa skwi nʼndi gi tèlèba, man Eléazar, ndo mvi skwi a Zhiklè, Josué, kra Nun, a tsuvomhi ndohi gi te verzi Israel ta kezla a jimèr te Silo, a sam di Ndo nzi pèc pècèk, a ma gi Zhiklè nkezlaʼa. A ta kezla kokwar aranta klèng ma.