Josué 15 - Ma Zhiklè

Kokwar man Juda a ngotso

¹ Jimèr ndohi nte verzi Juda a ndohi gi ta, a nkala na a gèɗ kokwar a civèɗ ndè Edom, tʼhèshèkèɗ Tsin, te dakwaɗ.

² Kuma tengaʼa te dakwaɗ, a ma iyam mbiaʼa, iyam boma, ri woyam man a dè a dakwaɗ,

³ te deɓaʼa a hi a der za Akrabbim, a beza a ndev Tsin, a dè a dakwaɗ a Kadès-Barnéa, a beza a ndev Hetsron, a hi a Addar, a beza zlawa a dè Karkaa,

⁴ a dè Atsmon, ha a ndikè a ndzurv iyam te Egypte, a hi a va iyam mbiaʼa. Nasa kuma kinè te dakwaɗ.

⁵ Kuma te civèɗ mvèng pats, nasa iyam mbiaʼa, iyam boma, ha sam man Jourdain a hi a pa. Kuma te man a géɗèʼa, a hinè a ma iyam man woyam Jourdain a hi a va iyam mbiaʼa,

⁶ a dè a kokwar Beth-Hogla, a beza a tsagi Beth-Araba, te géɗèʼa, a kuma a dè a sam kwa Bohan, kra Ruben.

⁷ Te deɓaʼa kuma a dè Débir, a beza a nkulgodok te Acor, te man a géɗèʼa, a beza zlawa a ndè Guilgal, zuraʼa a ma ngègèd Adummim, man a zhè a ma dzurv iyam te man a dakwaɗ. Te deɓaʼa kuma a zhè a ma iyam En-Shémesh, ha ndè a En-Roguel.

⁸ Te deɓaʼa kuma a dè a nkulgodok te Ben-Hinnom, a tsagi Jé-bus, nengaʼa Jérusalem, ha ndè a gèɗ za, a ma slrats Hinnom, te civèɗ nkèl pats, a kuma slrats Rephaim, te civèɗ man a géɗèʼa.

⁹ A géɗ za a ndè a nlèlè iyam Nephthosh, a ndè a kokwarhi te za Ephron, a ma ma a Baala, nengaʼa Kirjath-Jearim.

¹⁰ Te Baala a dè te civèɗ nkèl pats a ma za Seir, a bizhè a der za Jearim, te Kesalon, a shkèhi a Beth-Shèmesh, a ndè Thimna.

¹¹ Te deɓaʼa kuma a beza a tsagi Ekron te civèɗ man a géɗèʼa; a dè Shicron, a dè za Baala, a ndikè Jabneel, ha ndikè a ma iyam mbiaʼa.

¹² Kuma te civèɗ man a nkèl pats, iyam mbiaʼa a mpau. Nasa kuma kokwar ndohi Juda te tsagi tèlèba, a ndohi gi ta.

Man Caleb a ngotso

¹³ Caleb, kra Jephunné, a nʼngots sam nengaʼa te ndev ndohi Juda, ara man Ndo nzi pèc pècèk a njè na Josué: nasa Kirjath-Arba, Arba, bab Anak. Nengaʼa a patsna Hebron.

¹⁴ Caleb a ndzam ta wudahi Anak makar te pa: Sheshai, Ahinam a Talmai, ndohi te verzi Anak.

¹⁵ A nslambaɗa te pa, a ndo a ndzam ta ndohi Débir. Nzlembaɗ tengaʼa zlèzlèa Kirjath-Sépher.

¹⁶ Caleb a ngaɗa: Ndo man a ngul Kirjath-Sépher, a ndumaʼa, i da va na Acsa, dem ga, a ngwoz.

¹⁷ Othniel, kra Kenaz, kramam Caleb, a ndumaʼa, a Caleb a mva na Acsa, dem nengaʼa, a ngwoz.

¹⁸ Aman a mshkè, a mpoko na gèɗ auda a baki na do dzhoɗo gi dau a sam bab ga. A nzevahi a deɓ kɗèh, a Caleb a ngaɗa na: Nʼnga ka mè?

¹⁹ A nengaʼa a ngaɗa: Vay skwi mbalai, ga i dè ga. Ka vyè a ngwoz a kokwar Négeb, gar haha sèi ka vay sam man nlèlè iyam ba a pa! A nengaʼa a mva na nlèlè iyam te géɗèʼa, a nlèlè iyam te godok.

Kokwarhi Juda

²⁰ Nasa skwi nʼndi gi ndohi te verzi Juda a ndohi gi ta, ngiɗè a difi na, ngiɗè a difi na.

²¹ Kokwarhi a ma kuma ndohi te verzi Juda, a ma kuma kokwar Edom, te Négeb, nasa: Kabtseel, Eder, Jagur,

²² Kina, Dimona, Adada,

²³ Kédesh, Hatsor, Ithnan,

²⁴ Ziph, Thélem, Bealoth,

²⁵ Hatsor-Hadattha, Kerijoth-Hetsron, nengaʼa Hatsor,

²⁶ Amam, Shema, Molada,

²⁷ Hatsar-Gadda, Heshmon, Beth-Paleth,

²⁸ Hatsar-Shual, Beer-Shéba, Bisjothja,

²⁹ Baala, Ijjim, Atsem,

³⁰ Eltholad, Kesil, Horma,

³¹ Tsiklag, Madmanna, Sansanna,

³² Lebaoth, Shilhim, Ain, a Rimmon. Tèlèba a gi kokwarhi mbibihiaʼa a kokwarhi nkèshèa 29.

³³ A vara: Eshthaol, Tsorea, Ashna,

³⁴ Zanosh, En-Gannim, Tappuach, Enam,

³⁵ Jarmuth, Adullam, Soco, Azéka,

³⁶ Shaaraim, Adithaim, Guedéra a Guédérothaim; kokwarhi mbibihiaʼa a kokwarhi nkèshèa tèlèba 14.

³⁷ Tsenan, Hadasha, Migdal-Gad,

³⁸ Dilean, Mitspè, Joktheel,

³⁹ Lakis, Botskath, Eglon,

⁴⁰ Cabbon, Lachmas, Kithlish,

⁴¹ Gue-déroth, Beth-Dagon, Naama a Makkéda: kokwarhi mbibihiaʼa a kokwarhi nkèshèa 16.

⁴² Libna, Ether, Ashan,

⁴³ Jiphtach, Ashna, Netsib,

⁴⁴ Keila, Aczib, a Marésha: kokwarhi mbibihiaʼa a kokwarhi nkèshèa 9.

⁴⁵ Ekron a kokwar mbiaʼa a kokwar nkèshèa a tsagi nengaʼa.

⁴⁶ A hinè te Ekron, ha ndè a ma iyam mbiaʼa, te civèɗ man a Asdod a kokwarhi nengaʼa.

⁴⁷ Asdod a kokwar mbiaʼa a kokwar nkèshèa a tsagi nengaʼa; Gaza a kokwar mbiaʼa a kokwar nkèshèa a tsagi nengaʼa, ha ndè a ndzurv iyam te Egypte, iyam mbiaʼa a mpau kuma.

⁴⁸ Te za: Shamir, Jatthir, Soco,

⁴⁹ Danna, Kirjath-Sanna, nasa Débir,

⁵⁰ Anab, Eshthemo, Anim,

⁵¹ Gosen, Holon a Guilo, kokwarhi mbibihiaʼa a kokwarhi nkèshèa 11.

⁵² Arab, Duma, Eshean,

⁵³ Janum, Beth-Tappuach, Aphéka,

⁵⁴ Humta, Kirjath-Arba, man a zhè te Hébron, a Tsior; kokwarhi mbibihiaʼa a kokwarhi nkèshèa 9.

⁵⁵ Maon, Carmel, Ziph, Juta,

⁵⁶ Jizreel, Jokdeam, Zanoach,

⁵⁷ Kain, Guibea a Thimna: kokwar mbiaʼa a kokwar nkèshèa 10.

⁵⁸ Halhul, Beth-Tsur, Guedor,

⁵⁹ Maarath, Beth-Anoth a Elthekon; kokwar mbiaʼa a kokwar nkèshèa 6.

⁶⁰ Kirjath Baal, nasa Kirjath-Jearim a Rabba; kokwar mbiaʼa a kokwar nkèshèa cèw.

⁶¹ Tʼhèshèkèɗ: Beth-Araba, Middin, Secaca,

⁶² Nibshan, Ir-Hammélach, a En-Guédi; kokwar mbiaʼa a kokwar nkèshèa 6.

⁶³ Ndohi Juda ta slaha ta dzam ta ndohi Jébus, man ta nza te kokwar Jérusalem, ɓai; a ndohi Jébus ta nza te kokwar Jérusalem, a tsagi ndohi Juda, ha patsna.