Jonas 2 - Ma Zhiklè

Jonas a tsi rai

¹ Ndo nzi pèc pècèk a nzlündo klèf mbiaʼa, a ngerɗeda Jonas a ma. Jonas tʼhwaɗ klèf, pats páts makar, vaɗ vaɗ makar.

² Te deɓaʼa Jonas a ntsu ri a Ndo nzi pèc pècèk, Zhiklè na, tʼhwaɗ klèf, a ngaɗa:

³ Te va matakwan ga, i kuɗi a sam Ndo nzi pèc pècèk, a nengaʼa a mbeɗkay a ma. I boho, iyè a sam mʼmetsai, a ka tsena daʼai ga.

⁴ Ka kaldyè a drav iyam, a iyam a zedyè a pa. Iyam a hai a mbizhèmay gèɗ a pa, i tʼhwaɗ iyam.

⁵ I gaɗa: Ka kwolyè ma, ka kaldyè aussa a sam di ngaya ma, i za da rka gi ngaya nkezlaʼa ɗè?

⁶ Iyam a woya a nkelay a gèɗ ma, i te vèvèɗ mpèltemtema ma, nzurnanai a mpaɗamay gèɗ.

⁷ I ndikè a verzi za, a hwaɗaʼa a herkeda a mpizlèy ma a pa a mèdèp. Aman ka mbelkay auda te vèvèɗ, ka Ndo nzi pèc pècèk, Zhiklè ga!

⁸ Aman a mbeɗamay ndav, i hur Ndo nzi pèc pècèk, a ntsi ri ga a ntsenaha ka, te gi ngaya nkezlaʼa.

⁹ Tenga man ta gshè va a skwi mbèh skwi ambalai, ta jèkeda sam ta nlèaʼa.

¹⁰ Aman iyè i woy a i va ka skwai a i shida ka gèɗ; skwi man i gaɗa ka hai, i giaʼa. Skwi mʼmbél ndo, nte ri Ndo nzi pèc pècèk.

¹¹ A Ndo nzi pèc pècèk a ngaɗa na klèf, aman a nvinèhda Jonas a dzah.