Job 8 - Ma Zhiklè

Ma Bildad nshèlèkuraʼa

¹ Bildad te Schuach a hüno a ngaɗa:

² Ka njè ma rihaʼa ara ntsima te di kwa, ta ahngwa?

³ Zhiklè a terɗè kita dè? Zhiklè Bi-wuɗai a ngwèdè ngi-zuraʼa dè?

⁴ Aman wudahi ngaya ta gu mali a sam na, ta ngotso skwi ntul mali ta.

⁵ Aman ka, sèi ka jhèɗè Zhiklè Bi-wuɗai a ntsi rai,

⁶ aman ndav ngaya mpana. A ka woy Zhiklè, a da ɓer ka, a tila ka ngi-zuraʼa ngaya zaʼa.

⁷ Nda mba nwèl va man a ma a géɗ nte deɓa.

⁸ Dzhoɗo a sam ndohi nhalaʼa. Hur skwi man babhi ngaya ta gokoɗai.

⁹ Nga madatsa genè, nga sun skwi ngiɗè ɓai. Patshi nshèffè nga a géɗ herkeda nara kozlar.

¹⁰ Tengaʼa ta da slebda ka. Ta ngra ka ma te ndav tengaʼa.

¹¹ Man dzaɓa ka ɓai, morèjok a gi ɗè? Sam man iyam az a pa ɓai, marori a gi ɗè?

¹² A dai, a ngre; aman ta zlia di azɓai, a nasa nasa a gwor na, ga skwi ngiɗè.

¹³ Lèmèlèmè ndikè-ma ndohi tèlèba man a pca ta a gèɗ, lèmèlèmè skwi man ndohi ta ngècèʼa; ta gédèsh ta.

¹⁴ Nara ndo man a ngso va a gi mbèzlkudèc.

¹⁵ Aman a thè va a gi mbèzlkudèc, a thè azɓai; aman a gshè va a vna, a gshè azɓai.

¹⁶ Ko te di pats a kèlèwa gi na. Skwi nengaʼa nkelawaʼa toy dalbara,

¹⁷ ko tʼhwaɗ kwa, ko te slrats kwa.

¹⁸ Sam man ta paha na auda a pa, ta shinè asaɓai.

¹⁹ Nasa nɗèl mwuffe na, a ngiɗè a cizl te diaʼa.

²⁰ Aʼai, Zhiklè a kwèl ndo man a gi amba, azɓai, a nza na a di a ndo mali azbai.

²¹ A di a pa ka ngwèshè a ma, a ma ngaya a sli dimèsh mwuffè.

²² Ndohi man ta ga ka shèwa, ta ngècè hori a dai, gi ndohi ambaɓihiaʼa ta ndiv ta.