I Rois 6 - Ma Zhiklè

Salomon a rèm gi Zhiklè

¹ Mvi 480 te deɓ man ndohi Israel ta shkè auda te kokwar Egypte ma, te mvi bi Salomon a géɗ Israel mafaɗaʼa, a ki Ziv, ki macecèwaʼa, a hüno nrèm gi Ndo nzi pèc pècèk.

² Gai man bi Salomon a rom a gi Ndo nzi pèc pècèk, ngur nengaʼa a tsi ri 60, nguzlohaʼa a tsi ri 20, njüv na a tsi ri 30.

³ Hwaɗ gala gi Zhiklè, ngur nengaʼa a tsi ri 20, ara nguzloh gai. Nguzlohaʼa a tsi ri 10, a dalmagiaʼa.

⁴ A ngu nvakavar a züdo kèlèwkèlèwaʼa, a wof te tsagiaʼa.

⁵ A ntèuda gi tèlèba a pa a mozodo. Te deɓaʼa a ngau gi nʼngalaʼa, a ntèuda gi a pa tèlèba.

⁶ Gihi nte godok, nguzlohaʼa a tsi ri 5, nte ndevaʼa nguzlohaʼa a tsi ri 6, mamakaraʼa nguzlohaʼa a tsi ri 7, a ngu a tsagi gi Zhiklè, ngiɗè a géɗ ngiɗè, ngiɗè a géɗ ngiɗè, ta derzla na va gi Zhiklè ɓai.

⁷ Ta düzlo gi Zhiklè a kwa. Ta helkaɗi mpaslaʼa. Te ndev mizlinè ndizlè gai ta pèsl kwa te pa asaɓai, ta ɗizlè züdo a wof te pa asaɓai, skwi ntésl skwi ba ta gidè te gi Zhiklè asaɓai.

⁸ Ntamagi man a dè a mozodo, nte godok, te tsagi gi Zhiklè, te civèɗ ri mandai. Ta tüv ntivè a gi te ndevaʼa nlèwèd-lèwèɗè. Te gi te ndevaʼa a gi man a géɗèʼa arsa.

⁹ Aman Salomon a ndizla gi Zhiklè ma, a mvidèʼa a wof ɗawai.

¹⁰ A ntila gi nʼngalaʼa te tsagi gi tèlèba. Ngurè nengaʼa a tsi ri 5, a nderzla na va gi Zhiklè a wof ɗawai.

¹¹ A Ndo nzi pèc pècèk a ngaɗa na Salomon:

¹² A géɗ gi man ka düzlo haha: Aman ka jèjèr ma nkwèr ga, a ka gi ara ma man i de kinè a vna, a ka fi gèɗ a ma kita ga, a kajèjèrèʼa, i da gi ara man i pasla na ri a David, bab ngaya.

¹³ I da nzi a gi te ndev ndohi Israel, a i jèkeda Israel, ndohi ga, asaɓai.

¹⁴ A Salomon a nrom gi Zhiklè, a nʼndevaʼa.

¹⁵ Dergi ntʼhwaɗaʼa a mbèda pa a wof ɗawai, a ta hüno tʼhai, ha ndè a gèɗèʼa. A ta papaya var gai a wof lakalak. A mpizla der gi ntʼhwaɗaʼa a wof.

¹⁶ A daɓagai, dra a tsi ri 20, a ngu zlazlar a wof ɗawai. Ta hüno tʼhai ha ndè a géɗèʼa. A ntil hwaɗaʼa a sam nkezlaʼa, sam nkezli-nkezlaʼa.

¹⁷ Sam nkezlaʼa a ma, a tsi ri 40.

¹⁸ Wof ɗawai tʼhwaɗ gai, mvècèʼa ara waʼai, ara mwurzhè skwi tsaɗ tsaɗ. Tèlèba wof, ko kwa staɗ ba a tʼuda ɓai.

¹⁹ Tʼhwaɗ gi Zhiklè, te ndevaʼa a ntil sam nkezlaʼa, aman a feda koti nderzla ma Ndo nzi pèc pècèk a pa.

²⁰ A ma sam nkezlaʼa, man ngurè nengaʼa a tsi ri 20, nguzloh nengaʼa a tsi ri 20, njüv na a tsi ri 20, a ntila sam mvi skwi a Zhiklè a wof ɗawai, mbè te pa a guro.

²¹ Te deɓaʼa Salomon a mbè gi Zhiklè a guro ndaɓalaʼa. A ma sam nkezlaʼa, jèrɓi züdo. A mbè sam mvi skwi a Zhiklè a guro.

²² A mbè gi Zhiklè tèlèba a guro, gi Zhiklè tèp teleba. Sam mvi skwi a Zhiklè ba, a sam nkezlaʼa, a mbèɗa pa a guro tèlèba.

²³ Te deɓaʼa a ngau chérubimhi cèw a wof tsna a sam nkezlaʼa. Ngurè tengaʼa, staɗ staɗ tèlèba a tsi ri 10.

²⁴ Kelpasl ché-rubim staɗ a tsi ri 5, macecèwaʼa a tsi ri 5, a gi 10 keipaslhia cèw ba.

²⁵ Chérubim macecèwaʼa a tsi ri 10 arsa, mbiaʼa lèmèlèmè, va tengaʼa nlèmda lèmèlèmè cèw cèw ba.

²⁶ Ngurè chérubim staɗ a tsi ri 10. Macecèwaʼa lèmèlèmè arsa.

²⁷ A nzlatseda chérubim staɗ a hwaɗaʼa, a gi te ndevaʼa, a chérubimhai ta wuzhè kelpasl ta. Kelpasl chérubim staɗ a lama na dergi ngiɗè, kelpasl chérubim ngiɗè a lama na dergi ngiɗè, te ndev gai, kelpasl cèw ta derzla va.

²⁸ Te deɓaʼa a mbèda chérubimhai a pa a guro.

²⁹ A der gi Zhiklè, ntèuda pa, mvècèʼa ara chérubimhai, wof gangar, skwi nwurzhè tsaɗ tsaɗ, tʼhwaɗ gi ba, tʼuda ba.

³⁰ Var ma gi ba, a mbèda pa a guro, tʼhwadaʼa ba, a sam gala ba.

³¹ Skwi mpizlè ntamagi sam nkezlaʼa, a wof tsna, wof nte tsagai a wof nte géɗèʼa, a gi Zlogom 5.

³² Skwi mpizlè ntamagi cèw a wof tsna, mvècèʼa a chérubimhai, a wof gangar, a nwurzhè skwi tsaɗ tsaɗ. A mbèda pa a guro, a ta tsa na guro a deɓa a chérubimhai a wof gangar.

³³ A ntamagi gi Zhiklè a ngau lèmèlèmè. Wof tsna te tsagai, a Zlogom 4.

³⁴ A skwi mpizlè ntamagai a wof lakalak, ta gu winda civèɗ ngiɗè winda civèɗ ngiɗè.

³⁵ A mvècèʼa a chérubimhai a wof gangar, a mwurzhè skwi tsaɗ tsaɗ, a mbèda pa a guro, a humda amba a skwi mvècèʼa.

³⁶ Te deɓaʼa a ngau zlazlar a daɓagai: a kwa man a pedahi 3, a mpeda wof ɗawai a géɗèʼa.

³⁷ Te mvi mafadaʼa, a ki Ziv, aman a hano a mpu verzi gi Ndo nzi pèc pècèk.

³⁸ Te mvi 11, a ki Bul, ki matsamakaɗaʼa, a rufa gi tèlèba, a sama tèlèba, a kolongwi nengaʼa tèlèba. Ta gu mizline a pa mvi tsaraɗ.