II Samuel 13 - Ma Zhiklè

Amnon a Tamar

¹ Demam Absalom, kra David, a zhè, a hudemshè te dai, nzlembaɗ na Tamar. Amnon, kra David ngiɗè, a woya a ndav na kumba.

² A woya mʼmènè a demam nengaʼa, a mfaha skwi ndzai. Dam, bidalai. Amnon a woya a ngshè a wuɗi ɓai.

³ Mandal Amnon a zhè, nzlembaɗ na Jonadab, kra Shimea, kramam David. Jonadab, maya te gèɗ na kumba.

⁴ A ngaɗa na: Pèc pècèk va a dza ka èhèmè, kra bai? Ka ngray azɓi dè? Amnon a ngaɗa na: I woy Tamar, demam Absalom, kramam ga.

⁵ Jonadab a mʼmbeɗa na a ma: Manahai, geda va ngaya a ndo matakwan. Te deɓaʼa aman bab ngaya a nshkè, a ngela ka dai, ka gaɗa na: Baha na Tamar, demam ga, da Ckoy skwi nʼndai. Aman a ti skwi nʼndai a sam di ga, a i rkaʼa, i da cè te ri nengaʼa.

⁶ Amnon a mʼmanahai, a ngeda va na a ndo matakwan. Aman bai a mshkè, a nʼngela na dai, Amnon a ngaɗa na bai: Baha na Tamar, demam ga, da tay mɓelaslasla kètè a sam di ga. I woy a i cè te ri nengaʼa.

⁷ David a nzlündo ndo a gi a sam Tamar, da gaɗa na: Do a gi Amnon, kramam ngaya, a ka ta na skwi nʼndai.

⁸ A Tamar a ndo a gi Amnon, kramam na. Nengaʼa a mʼmana tʼhai. Tamar a nco gufa, a ntaʼa ara mɓelaslasia, a sam di nengaʼa.

⁹ Te deɓaʼa a nco te shiɗèf, a mpeda a kokwai, a sam na. Aman Amnon a woya a ndia ɓai, a ngaɗa: Ndohi tè-lèba do do ta auda! A ndohi tèlèba to do auda.

¹⁰ A Amnon a ngaɗa na Tamar: Ckoy mɓelaslasia a kalak ga, i woy a i ndia te ri ngaya. A Tamar a nco mɓelasla-sla man a nta na, a ndaʼa a sam Amnon, kramam na, a kalak na.

¹¹ Aman a mva na, Amnon a ngso, a ngaɗa: Demam ga, washkè, nga mana a kal

¹² Aman nengaʼa a ngaɗa: Aʼai, kramam ga! Ka gsyè a wuɗi ɓai! Ta gi te Israel aranta azɓai! Ka gu skwi hori aranta ɓai!

¹³ I da nzi a ma, man i da gu skwi haha? A ka ha, ka ndi a ndo man ta woy ka ɓai te Israel. Aman ka gaɗa na bai, a da vyè a ka.

¹⁴ Aman nengaʼa a woya a nfi gèɗ a ma nengaʼa ɓai, a nkala na va a wuɗai, a ngso a wuɗai, a mʼmana a vna.

¹⁵ Te deɓaʼa dem a nʼndara na Amnon holholaʼa, a nʼndara na a fena man a woya a matsa. Amnon a ngaɗa: Kazlay auda a tsagi ga!

¹⁶ Aman nengaʼa a ngaɗa na: Aʼai, kramam ga! Aman ka dzamyè, mali haha a fena mali ngiɗè man ka gu a matsa. Aman nengaʼa a woya a fa na zlembaɗ ɓai.

¹⁷ A mbaha na gol na man a gi mizline a sam na, a ngaɗa: Gso fali dam haha auda a tsagi ga, a ka pizlè na ma auda.

¹⁸ Maslaka nengaʼa shèpri shèpri, ntsatsasla. Dalahi bai te va nasa ta vau maslaka aranta a va ta, aman ta bidalihi dai. Aman gol nengaʼa a ndzama ma, a mpizlè na ma auda ma,

¹⁹ Tamar a mpeda hutsoɗ a gèɗ, a nkuratsa maslaka shèpri shèpri matsa, a mpeda ri a gèɗ, a tsi lalau a rai, a nde na.

²⁰ Absalom, kramam nengaʼa, a ngaɗa na: Amnon, kramam ngaya a mʼmankaɗa ka ɗè? Anai, demam ga, nza tètè. Nengaʼa kramam ngaya. Da dza ka a ndav ɓai. A Tamar a nʼnza te gi Absalom, kramam nengaʼa, a nlèyè.

²¹ Aman David a ntsena ma baha tèlèba, a ngu ndav a vata. Aman a woya a nga na skwi ambaɓiaʼa a Amnon ɓai, te man nengaʼa ambaha kumba, nengaʼa tsuvom na.

²² Aman Absalom ta mbeɗi a ma a Amnon azɓai. Absalom a ngu shèwa a Amnon, a géɗ man a ngedassa Tamar, demam na.

Absalom a nkeɗa Amnon

²³ Te deɓ mvi cèw, Absalom a zli gwots tambak te Baal-Hatsor, man a zhè a tsagi Ephraim. Absalom a mbaha ta wudahi bi tèlèba a pa.

²⁴ Absalom a mshkè a sam bai, a ngaɗa: Na haha i zli gwots tambak. Bai a ɓèlèlihi ngaya tèlèba da shkè a sam ga.

²⁵ Aman bai a ngaɗa na Absalom: Aʼai, kra ga! Nga woy a nga dè tèlè ɓai, a da gi wuɗitpa a sam ngaya. Aman Absalom a ntetika na gèɗ genè. Aman bi a woya ndè ɓai, a nga na mbalai, a ngaɗa na: do ngaya di mènè!

²⁶ Absalom a ngaɗa: Man ar haha, Amnon, kramam ga, da shkè a verzi nga! Bai a ngaɗa na: Do do a verzi ngaya èhèmè?

²⁷ Absalom a ntetika na gèɗ, a bai a mva ta civèɗ a Amnon a wudahi bi tèlèba, a ta dè. Absalom a ngau skwi ngolala ara bai.

²⁸ A mfa ta ma a gèɗ a ɓèlèlihi nengaʼa: Va-gu maya! Aman zom a da keɗa Amnon ma, a i gaɗa kinè: Va-keɗa Amnon! A kin keɗaʼa. Kin gu zlau ɓai, iyè, man i fa kinè ma haha a gèɗ. Kin gu zlau ɓai, va-shfa dai!

²⁹ Ɓèlèlihi Absalom ta ga na Amnon, ara man Absalom a gaɗa ta. A wudahi bi tèlèba ta slambaɗa, staɗ staɗ ta nza a deɓ plèsh nengaʼa, a ta hu ta.

³⁰ Aman ta zhè a civèɗ dai, ma haha a ntsenaha David: Absalom a mbazl ta wudahi bi tèlèba, ko staɗ njèka ɓai.

³¹ A bai a nslambaɗa, a nkuratsa maslaka a va nengaʼa, a ntseda va a hi a herkeda. Ɓèlèlihi nengaʼa man ta zhè a sam nengaʼa, ta kuratsa maslaka tengaʼa arsa.

³² Jonadab, kra Shimea, kramam David, a ngaɗa: Bi ga da hur gèɗ ɓai. Ta bazl ta golahi, wudahi bai, tèlè ɓai. Sèi Amnon stadgenè man ta keɗaʼa. Aman daga pats man Amnon a ngedassa Tamar, demam nengaʼa, Absalom a mpu di shèwa.

³³ Gar haha, bi ga, da hur te ndav aman a gaɗa ta bazla tèlè ɓai. Sèi Amnon stadgenè man ta keɗaʼa.

Absalom a hi na

³⁴ Absalom a mhu na. Aman ndo mɓer gai a mpu dai, a nrka ta ndohi kumba ta sehatkaɗahai te za te kokwar Bahurim. Ndo mɓer gai a mdo a gai a nʼngra na bai: I rka ndohi ta shkè a civèɗ te kokwar Bahurim, a der za.

³⁵ Jonadab a ngaɗa na bai: Ka rka ɗè? Na haha, wudahi bi ta shkè! A gu ara man bèl ngaya a ngoɗa!

³⁶ Njiɗè ngèɗ te ma, wudahi bai ta shkè a ta hinè a ta kuɗai: a bai a ɓèlèlihi nengaʼa tèlèba ta kuɗai a vata, a bai a nlèyè kra nengaʼa pèc pècèk.

³⁷ Absalom a mhu na a sam Talmai, kra Ammihur, bi Gueshur.

³⁸ A nʼnza te pa mvi makar.

³⁹ Te deɓaʼa ndav bai a mʼman na hai, a gi ndav asaɓai a géɗ Absalom. Ndav nengaʼa nkeda na hai a géɗ mʼmetsi Amnon.