Hébreux 8 - Ma Zhiklè

Ndo mvi skwi a Zhiklè nga, nengaʼa Yèsu

¹ Ma haha ma man nga gèɗèʼa nshèlèkuraʼa: Nga ngots bi ndohi mvi skwi a Zhiklè ar haha, man a nzi a ri mandi sam nʼnzi bi mbiaʼa te zhiklè te géɗèʼa,

² a gi mizlinè a sam skwi nkezlaʼa te gi Zhiklè nzuraʼa man Bi Zhiklè a ngau, man ndohi a ngu ka ɓai.

³ Aman ta fu bi ndohi mvi skwi a Zhiklè staɗ staɗ tèlèba, man a vi skwai, a zli skwai, a Bi Zhiklè. Gar haha ndo haha ba sèi a ngècè skwi man a viaʼa.

⁴ Aman a matsa nte herkeda dai, ar nengaʼa ndo mvi skwi a Zhiklè ka ɓai, te man a pa ndohi mvi skwi a Zhiklè, man ta vi skwi a Bi Zhiklè ara ma kita Zhiklè a gaɗa, ta zhè ma.

⁵ Aman ta gi mizlinè skwi nlèmdè a mèzhèɓ skwi zhiklè te géɗèʼa genè, ara man Bi Zhiklè a gaɗa na Moise, man a gu gi nkezlaʼa: Gu maya, aman ka gi skwi tèlèba, a ka lèmdèʼa a skwi man i ngra ka a géɗ za.

⁶ Aman antanta Yèsu a ngots mizlinè amba holholaʼa, lèmèlèmè ara nderzlèma mɓuaʼa man a bezda na rai, a ma mpèsl ri nengaʼa, man ta amba holholaʼa.

⁷ Aman a matsa nderzlè-ma nshèlèkuraʼa amba ma, ma az a géɗ nengaʼa ɓai, ar ta woy ngiɗè azɓai.

⁸ Aman Bi Zhiklè a nʼnga ta ndzoan, a ngaɗa: Na haha patshi ta da shkè, aman i da derzlè ma mɓuaʼa a nda gi Israel, a nda gi Juda.

⁹ Ara nderzlè-ma mʼmovaʼa ka ɓai, man i gau a nda bababhi tengaʼa, a pats man i gs ta te rai, a i de ta auda te kokwar Egypte. Aman ta gsa va a nderzlè-ma ga ɓai: gar haha i fa ta gèɗ ɓai, Bi Zhiklè a gaɗa.

¹⁰ Na haha nderzlè-ma man i woy a i giaʼa, a nda ndohi Israel, te deɓ patshi sa, Bi Zhiklè a gaɗa: I woya man i va ta ma kita ga a ndav tengaʼa, a i winda ta a ndav ta. A i woy a i gi a Zhiklè tengaʼa, a tengaʼa ta gi a ndohi ga.

¹¹ Ko staɗ a di a njè na nslamagi na azɓai, a da gaɗa na kramam na azɓai: Sun Bi Zhiklè! Aman ta da senyè tèlèba, a hinè a sam nkèshèa, a ndè a ma ma a sam mbiaʼa ba.

¹² Ta da siyè te va te skwi man ambaɓai man ta giaʼa, a i woya man i hér mali tengaʼa azɓai.

¹³ Aman a gaɗa: ‘Nderzlè-ma mɓuaʼa’, a gu aman mʼmovaʼa nhal na. Aman skwi man nhal na, ta jèkeda a deɓa, a di a zi na.