Genèse 36 - Ma Zhiklè

Ndohi te verzi Esau

¹ Na haha ndohi verzi Esau – man ta baha na Edom.

² Esau a nhul ngwozi na te va dalahi Canaan. Ada, dem Elon, ndo Héth. Oholibama, dem Ana, dem Tsibeon, ndo Hévi.

³ Basmath, dem Ismael, demam Nebajoth.

⁴ Ada a nya na Eliphaz a Esau. Basmath a myu Réuel.

⁵ Oholibama a myu Jéush, Jaelam a Koré. Na haha wudahi Esau man ta yu te kokwar Canaan.

⁶ Esau a nhul ngwozi na, a wudahi a dalahi na, ndohi gi nengaʼa tèlèba, a skwi na, a skwi ndzham na, a skwi a gi tèlèba man a nʼngotso te kokwar Canaan, a mdo a kokwar ngiɗè dra a sam Jacob, kramam na.

⁷ Skwi mèshèlè tengaʼa a zhè kumba, ta slaha ta nzi a sam staɗ azbai, herkeda man ta nza a pa ara mbrok a slra ta bai.

⁸ A Esau a nʼnza a géɗ za Séir – Esau, nengaʼa Edom.

⁹ Na haha wudahi Esau, bab ndohi Edom, a géɗ za Séir.

¹⁰ Nasa nzlembaɗ wudahi Esau: Eliphaz, kra Ada, ngwoz Esau. Réul, kra Basmath, ngwoz Esau. Wudahi Eliphaz:.

¹¹ Théman, Omar, Tsepho, Gaetham a Kenaz.

¹² Thimna, ngwoz man a Eliphaz, kra Esau, macecèwaʼa. A nya na Amalek a Eliphaz. Nasa wudahi Ada, ngwoz Esau.

¹³ Na haha wudahi Réul: Nahath, Zérach, Shamma a Mizza. Nasa wudahi Basmath, ngwoz Esau.

¹⁴ Na haha wudahi Oholibama, dem Ana, dem Tsibeon, ngwoz Esau. A nya na Jéush, Jaelam a Koré a Esau.

¹⁵ Na haha wud bihi man ta te va wudahi Esau; na haha wudahi Eliphaz, tsuvom Esau: bi Théman, bi Omar, bi Tsepho, bi Kenaz,

¹⁶ bi Koré, bi Gaetham, bi Amalek. Na haha bihi man ta shkè te Eliphaz, te kokwar Edom. Na haha wudahi Ada.

¹⁷ Na haha wudahi Réul, wudahi Esau: bi Nahath, bi Zérach, bi Shamma, bi Mizza. Nasa bihi man ta shkè te Réuel, te kokwar Edom. Nasa wudahi Basmath, ngwoz Esau.

¹⁸ Na haha wudahi Oholibama, ngwoz Esau: bi Jéush, bi Jaelam, bi Koré. Nasa bihi man ta shkè te Oholibama, dem Ana, ngwoz Esau.

¹⁹ Na haha wudahi Esau, a bihi tengaʼa. Esau, nengaʼa Edom.

Verzi Séir

²⁰ Na haha wudahi Séir, ndo Hori, ndohi man ta te kokwar sa zlèzlèa: Lothan, Shobal, Tsibeon, Ana,

²¹ Dishon, Etser a Dishan. Nasa bihi ndohi Hori, wudahi Sèir, te kokwar Edom.

²² Wudahi Lothan: Hori a Héman. Demam Lothan, nengaʼa Thimna.

²³ Na haha wudahi Shobal: Alvan, Manahath, Ebal, Shepho a Onam.

²⁴ Na haha wudahi Tsibeon: Ajja a Ana. Ana sa, nengaʼa man a ngots-koɗi nlèlè iyam vogwa te hèshèkèɗ, a wara ta kɗèhihai Tsibeon, bab na.

²⁵ Nta wudahi Ana: Dishon, Oholibama, dem Ana.

²⁶ Na haha wudahi Dishon: Hemdan, Eshban, Jithran a Keran.

²⁷ Na ha wudahi Etser: Bilhan, Zaavan a Akan.

²⁸ Na haha wudahi Dishan: Uts a Aran.

²⁹ Na haha bihi ndohi Hori: bi Lothan, bi Shobal, bi Tsibeon, bi Ana,

³⁰ bi Dishon, bi Etser, bi Dishan. Nasa bihi ndohi Hori, bihi te kokwar Séir.

³¹ Na haha bihi man ta gu bai te kokwar Edom, ga Israel a nʼngots bai.

³² Béla, kra Beor, a ngu bi te Edom. Nzlembaɗ kokwar na, Dinhaba.

³³ A Béla a mʼmets na; a Jobab, kra Zérach, te Botsra, a ngu bi te di man a na.

³⁴ A Jobab a mʼmets na; a Husham, te kokwar ndohi Thémam, a ngu bi te di man a na.

³⁵ A Husham a mʼmets na; a Hadad, kra Bedad, a ngu bi te di man a na. Nengaʼa a ntse ta ndohi Madian a dal Moab, Nzlembaɗ kokwar nengaʼa, Avith.

³⁶ A Hadad a mʼmets na; a Samla, te Masreka, a ngu bi te di man a na.

³⁷ A Samla a mʼmets na; a Saul, te Rehoboth, a ma woyam, a ngu bi te di man a na.

³⁸ A Saul a mʼmets na; a Baal-Hanan, kra Achor, a ngu bi te di man a na.

³⁹ A Baal-Hanan, kra Achor, a mʼmets na; a Hadar a ngu bi te di man a na. Nzlembaɗ kokwar nengaʼa Pau. Nzlembaɗ ngwoz na, Mehéthabeel, dem Mathred, dem Mézahab.

⁴⁰ Na haha bihi man ta shkè te Esau, ara verzi ta, ara kokwar bi ta, ara nzlembaɗ ta: bi Thimna, bi Alva, bi Jetheth,

⁴¹ bi Oholibama, bi Ela, bi Pinon,

⁴² bi Kenaz, bi Théman, bi Mibtsar,

⁴³ bi Magdiel, bi Iram. Na haha bihi Edom, ara gihi ta, te kokwar man ta kworaʼa. Nasa Esau, bab Edom.