Biblia Todo Logo
Bìoball air-loidhne

- Sanasan -

Ezéchiel 19 - Ma Zhiklè


Mam marizhèlè a wud na

1 Aman ka, tsu nguzlah a géɗ wud bihi Israel!

2 Ka gaɗa: Mam ngaya, mam marizhèlè te ndev marizhèlè-hai! A nza te va marizhèlèhai, a ngra wud na.

3 A ngra kra na staɗ, a nʼngaʼa a gol marizhèlè, a nslebau ncizlè skwai, a ndi ndo a ma.

4 A ndohi herkeda ta tsena labar ma a géɗ nengaʼa. Ta nga na gadda a hai a ta gso, a ta daʼa a kokwar Egypte a danguri tʼhtsan.

5 Te deɓaʼa a nrkaʼa, a nzhor skwi ambalai, skwi man a zhoro ngedas na. A nco kra nengaʼa ngiɗè, a ngaʼa a gol marizhèlè.

6 A nsawala te ndev marizhèlèhai, nʼngaʼa a gol marizhèlè, a nslebau ncizlè skwai, a ndi ndo a ma.

7 A ngedassa gi bihi tengaʼa, a nduma kokwarhi ta. Kokwar tèlèba a skwi te pa tèlèba, ta gi zlau a géɗ mbebrè nengaʼa mbiaʼa.

8 Ndohi herkeda a sam tèlèba ta ɓicko na va a gèɗ. Ta nga na gadda a hi a ta gso a vna.

9 Ta pizléda gai, a danguri tʼhtsan, a ta ɓerèʼa, a ta daʼa a sam bi Babylone. Ta daʼa a gi ndakmaʼa, aman ta cinè daʼai nengaʼa a géɗ za Israel asaɓai.


Wof a ma iyam

10 Mam ngaya nara wof te gi lak, nʼngaʼa a ma iyam. A yi wuda kumba, a tsi ri a vata, a géɗ man na ndèlèlèm.

11 A ri wof mbiaʼa a ngrekaɗ na a pa, a ngi a gaɗa bai, a ngrekaɗ na auda te va gwoli ri wof. A géɗ ngür nengaʼa ta rka dra, a géɗ man wud ri wof nengaʼa kumba.

12 Aman ta pulkoɗauda a ndav, a ta kaldahai a herkeɗa. Kozlar te civèɗ mvèng pats a ngworaʼa, a nyi wof nengaʼa mwush na. Ri wof nengaʼa mbiaʼa a ngwor na, vogwa a nʼndeda ma.

13 Antanta nʼngaʼa tʼhè-shèkèd, man iyam az a pa bai, man skwi a gi a pa zbai.

14 Vogwa a shkè auda te ri wof, a za a nʼndeda wud ri wof a nyi wof nengaʼa a ma. Ri wof mbiaʼa az a sam wof bai, gaɗa bi azɓai. Nasa nguzlah man ta tsiaʼa.

Alliance Biblique du Cameroun 1989

Bible Society of Cameroon
Lean sinn:



Sanasan