Ezéchiel 15 - Ma Zhiklè

Ndohi Jérusalem ara wof kslor

¹ Ndo nzi pèc pècèk a ngaɗay ma aranta:

² Ka ndo, wof kslor a fena wof ngiɗè tʼhèshèkèɗ a mè?

³ Ta ngél wofaʼa, a ta pètè skwi ngiɗè a vna dè? Ta gi a dorok a ta mènè skwi tsaɗ tsaɗ a pa dè?

⁴ Na haha, a gi a skwi vogwa. Vogwa a gshè te géɗèʼa, a ndia te verziaʼa, a lawara te ndevaʼa ha. Aman ta gi skwi a vna za dè?

⁵ Aman ko amba dai, ta ga skwi ngiɗè a vna ɓai, azɓa antanta man vogwa a nʼndeda ma dè? Ta gi skwi ngiɗè a vna azɓai.

⁶ Gar haha Bi Zhiklè Ndo nzi pèc pècèk a gaɗa: Lèmèlèmè ara wof kslor te va wofhi tʼhèshèkèɗ man i feda a vogwa, i gi a ndohi Jérusalem arsa.

⁷ I ngwoda ta gèɗ a va. Ta mbelka ta auda te vogwa, a vogwa a nde ta ma zaʼa, a kin da suna, i Ndo nzi pèc pècèk, man i da ngwoda ta gèɗ a va,

⁸ a i ndeda kokwar a hèshèkèɗ, a gèɗ man ta kwolyè, Bi Zhiklè a gaɗa.