Exode 40 - Ma Zhiklè

Mwinè gi nkezlaʼa

¹ Ndo nzi pèc pècèk a ngaɗa na Moise:

² A pats nshèlèkuraʼa, te ki nshèlèkuraʼa, ka ngeda gi nkezlaʼa, gi mɓicè-va, a hai.

³ Ka feda koti ma kita a pa, a ka ngheda a deɓ maslaka.

⁴ Te deɓaʼa ka feda table a pa, a ka peda movar nkezlaʼa a géɗèʼa, a pa. A ka feda sam nfi vogwa a gai, a ka va na skwi nhél sam a va.

⁵ A ka feda sam mvi skwi a Zhiklè guro a ma koti ma kita, a ka kelawda maslaka a ntamagi gi nkezlaʼa.

⁶ Sam mvi skwi a Zhiklè züdo ka feda a ntamagai gi mɓiʼcè-va.

⁷ Shiɗèf verzhègenè ka feda te ndev gi nkezlaʼa, a sam mvi skwi a Zhiklè, a ka ɓalda iyam a pa.

⁸ A ka tèuda gi a pa; a ka ngalda dala a dalmagai, a ka kelawda maslaka a ntamagiaʼa.

⁹ Te deɓaʼa co mbar mfèɗè a skwai, a ka faɗda a gai, a skwi tèlèba te pa, a ka pu a mizlinè Zhiklè, a kolongwi nengaʼa tèlèba, ta gi a skwi nkezlaʼa.

¹⁰ A ka faɗda mbar a sam mvi skwi a Zhiklè, a kolongwi nengaʼa tèlèba, a ka pu a mizlinè Zhiklè, a sam mvi skwi a Zhiklè a gi a nkezli-nkezlaʼa.

¹¹ A ka faɗda mbar a shidèf verzhègenè, a sak nengaʼa ba, a ka pu a mizlinè Zhiklè.

¹² Te deɓaʼa ka baha ta nda Aaron a wudahi nengaʼa, a ta shkè a ta zlècè a ntamagi gi nkezlaʼa; pan ta a iyam,

¹³ a ka va na maslaka nkezlaʼa a va Aaron, a ka faɗa na mbar a gèɗ, a ka pu a mizlinè Zhiklè, aman a gi a ndo mvi skwi a Zhiklè a sam ga.

¹⁴ A wudahi nengaʼa ba ta shkè, a ta zlècè, a ka va ta suɗkova a va.

¹⁵ Te deɓaʼa ka faɗa ta mbar a gèɗ, ara man ka faɗa na mbar a gèɗ a bab ta, a ta gi a ndohi mvi skwi a Zhiklè a sam ga. Aman ka faɗa ta mbar a gèɗ, a ka pe ta a mizlinè mvi skwi a Zhiklè a mèdèp, a ndè a ma ma te verzi tengaʼa tèlèba.

¹⁶ A Moise a ngau arsa zuraʼa, lèmplèmè ara man Ndo nzi pèc pècèk a njè na: a gu arsa.

¹⁷ Te ki nshèlèkuraʼa, mvi macecèwaʼa, a pats nshèlèkuraʼa te ki sa, a ngeda gi a hai.

¹⁸ A Moise a ntila gai: A mpeda sakaʼa a hai, a ngeda kaf a pa, a ntarda gada a pa, a nzlatseda sak gai.

¹⁹ A mwuzhe gèɗ gai, a mpizlè a bkwai, ara man Ndo nzi pèc pècèk a njè na Moise.

²⁰ Te deɓaʼa a nco ma kita, a mpeda a hwaɗ kotai, a ntarda gada a kotai, a mpizlè kotai, a skwi mpizlè maʼa.

²¹ Te deɓaʼa a ncko koti a gai, a mʼmana na maslaka a dai, a nʼngheda koti ma kita, ara man Ndo nzi pèc pècèk a njè na Moise.

²² Te deɓaʼa a mfeda table a gi nkezlaʼa, te civèɗ man a gèɗèʼa, a ma maslaka,

²³ a mfeda movar nkezlaʼa a pa a sam di Ndo nzi pèc pècèk, ara man Ndo nz, pèc pècèk a njè na Moise.

²⁴ Te deɓaʼa a mfeda skwi nfi vogwa a gi nkezlaʼa, zuraʼa a ma table, te civèɗ dukwad, a sam di Ndo nzi pèc pècèk, ara man Ndo nzi pèc pècèk a njè na Moise.

²⁵ Te deɓaʼa a ntila skwi nhél sam a sam di Ndo, nzi pèc pècèk.

²⁶ Te deɓaʼa a mfeda sam nʼndèr burdi a Zhiklè – guro – a gi nkezlaʼa, a ma maslaka,

²⁷ a mfa na vogwa a burdi, man vodzok nengaʼa a zhkè amba, ara man Ndo nzi pèc pècèk a njè na Moise.

²⁸ Te deɓaʼa a mʼmanda maslaka a ntamagai.

²⁹ Sam mvi skwi a Zhiklè a mfeda a magi gi nkezlaʼa, gi mɓicè-va, a nʼndèr skwi a Zhiklè, a mva na movar a Zhiklè a pa, ara man Ndo nzi pèc pècèk a njè na Moise.

³⁰ Te deɓaʼa a mfeda shidèf verzhègenè a ndev gi nkezlaʼa a sam mvi skwi a Zhiklè, a mɓalda iyam mpèn va a pa.

³¹ A Moise a Aaron a wudahi nengaʼa ta pana ri ta a sak ta te pa.

³² Pèc pècèk aman ta dè a gi nkezlaʼa, aman ta a sam mvi skwi a Zhiklè, ta pèn va ta, ara man Ndo nzi pèc pècèk a njè na Moise.

³³ Te deɓ skwi tèlèba a ntil dala nʼngalaʼa a dalmagai, a sam mvi skwi a Zhiklè, a mʼmanda maslaka a ntamagai man a dè a dala nʼngalaʼa, a pa. Aranta Moise a ndeva mizlinè tèlèba.

Vanai a gèɗ gi nkezlaʼa

³⁴ A vanai a nʼnza a géɗ gi nkezlaʼa, a nʼnjèl Ndo nzi pèc pècèk a nʼndha gai.

³⁵ A Moise a slaha a ndè agi nkezlaʼa bai, aman vanai a nʼnza a géɗ gai, a nʼnjèl Ndo nzi pèc pècèk a nʼndha gai.

³⁶ Aman vanai a nherda va na auda a géɗ gai, a ndè a géɗèʼa, ndohi Israel ta slambaɗa a to do a ma ma a civèɗèʼa.

³⁷ Aman vanai a nherda va na auda a pa bai, ta jèkeda sama bai, ha vanai a mdo a géɗèʼa.

³⁸ Aman vanai Ndo nzi pèc pècèk a nʼnza a géɗ gai a pats; a vad a nʼnde na vogwa a sam di ndohi Israel, a to do a ma ma a civèɗèʼa.