Exode 26 - Ma Zhiklè

Gi nkezlaʼa

¹ Gi nkezlaʼa, gu a maslaka 10, maslaka gogumi ntsentsai, maslaka mʼmadzaʼa, nduzoa a vèvèzh, a chérubimhai, ara man ndo nsun ntsi maslaka mbelaʼa a tsiaʼa. Gu arsa.

² Mpre maslaka staɗ, ngur nengaʼa a tsi ri 28, nguzloh nengaʼa a tsi ri 4, tèlè lèmèlèmè.

³ Maslaka nzleɓa 5, a sam staɗ, a ngiɗè arsa.

⁴ A nʼndikèma maslaka staɗ, te civèɗ staɗ, ɗoho di maslaka njèrèʼa mʼmadza ngulɓeda, a pa. Lèmèlèmè a nʼndikèma maslaka a sam maslaka 5 ngiɗè.

⁵ Ka gu di maslaka ngulɓeda a pa 50 a ma maslaka 5 ngiɗè, a di maslaka ngulɓeda pa 50 a ma maslaka 5 ngiɗè, a ka feda a tsagai.

⁶ Te deɓaʼa gau guro nhurmaʼa 50, a ka derzla maslaka a vna, a ta humda va staɗ, a gi ngaʼa ara va na staɗ.

⁷ Te deɓaʼa gau maslaka a gwots ɓok, a gi a géɗ gai; ta 11, arsa.

⁸ Ngur maslaka staɗ staɗ a woy a tsi ri 30. Nguzloh maslaka staɗ staɗ tèlèba a tsi ri 4.

⁹ Ta 5 ka zleɓa a sam staɗ, te 6 ngiɗè ka zleɓda, a ka pasla maslaka mamokwaʼa te va, a ma gi nkezlaʼa.

¹⁰ A nʼndikèma maslaka staɗ, te civèɗ staɗ, ɗoho di maslaka njèrèʼa, ngulɓeda a pa 50. Lèmèlèmè a nʼndikèma maslaka a sam maslaka 5 ngiɗè.

¹¹ A ka hurma züdo 50, ka tarda züdo nhurmaʼa a di maslaka ngulɓaʼa, a ka derzla gèɗ gai, aman a nhumda va na staɗ.

¹² A njèkèɗiaʼa maslaka gai da gulɓa na gèɗ man a deɓa.

¹³ A njèkèɗi maslaka a sam ngur nengaʼa, ntsi ri staɗ te civèɗ staɗ, ntsi ri staɗ te civèɗ ngiɗè, gulɓeda a dè a hai, a mpizlèda gi a pa.

¹⁴ Te deɓaʼa gau gèɗ gai a bkwi drok ntevaʼa, a bkwi bhwal a géɗèʼa.

Wof gai

¹⁵ Te deɓaʼa gau kaf gai, Zlatseda a wof acacia.

¹⁶ Ngur kaf staɗ a tsi ri 10, nguzloh kaf staɗ a tsi ri 1 a rèta.

¹⁷ Kaf staɗ staɗ tèlèba ta gogura, aman ka tarda kaf a pa, a ka zleɓ ta, ngiɗè a ngiɗè. Gu lèmèlèmè a sam kaf staɗ staɗ tèlèba.

¹⁸ Kaf gi tèlèba a gi 20, te civèɗ dukwad.

¹⁹ Gau sak kaf 20 a verzhègenè, kaf staɗ staɗ tèlèba a sak cèw.

²⁰ Lèmèlèmè a der gai te man a géɗèʼa, kaf 20.

²¹ A sak 40 tengaʼa, ngaʼa a verzhègenè, kaf staɗ staɗ tèlèba a sak cèw.

²² A der gi te civèɗ man a nkèl pats, gu kaf 6.

²³ Kaf cèw, te zlogomhi te man a deɓaʼa.

²⁴ Kaf nderzla cèw, lèmèlèmè te laɓai a ndè a gédèʼa, a sam danguri man a derzl ta. A ta gi zlogomhi cèw.

²⁵ Aranta a gi kaf 8, a sak verzhègenè tengaʼa 16, sak cèw a kaf staɗ.

²⁶ Gu gada a wof acacia, 5 a sam kaf a der gai te civèɗ dukwad.

²⁷ A gada 5 a sam kaf a der gai te civèɗ ngiɗè, a gada 5 a sam kaf a der gai te civèɗ ngiɗè, a gada 5 a sam kaf a der gai man a deɓa, te civèɗ nkèl pats.

²⁸ Gada te ndevaʼa da manda a ndev kaf, a hinè a sam staɗ, a ndè a ma ngiɗè.

²⁹ Ka mbèda kaf a danguri man ta tarda gada a pa, a guro. A gada ba ka mbèda guro.

³⁰ Aranta gu gi nkezlaʼa, ara man i ngra ka a géɗ za.

Maslaka a ma gai

³¹ Te deɓaʼa gu maslaka a ma gai, a maslaka mʼmadzaʼa a nduzoa a vèvèzh, a maslaka ntsentsai, ara man ndo nsun ntsi maslaka a giaʼa, a chérubimhai a pa.

³² A ka fa na maslaka a ma gai, a sak gi faɗ, ngaʼa a wof acacia, mbè a guro. A sulom guro, a géɗ sak verzhègenè faɗ.

³³ Ka kelawda maslaka a hwaɗ skwihi nhurmahiaʼa sa. A pa a deɓ maslaka sa, ka da feda koti a ma kita a pa. Maslaka da ngelda gi a pa, sam nkezlaʼa, a sam nkezli-nkezlaʼa.

³⁴ Te deɓaʼa ka da pi skwi mpizl kotai, man ma kita te pa, a géɗ kotai, asam nkezli-nkezlaʼa.

³⁵ Table ka da feda a ma maslaka, a skwi nfi vogwa zuraʼa a ma table, te civèɗ gai te man a dukwad, a table te civèɗ gai te man a gédèʼa.

³⁶ Te deɓaʼa gu maslaka a ntamagai man a dè a gi nkezlaʼa, a maslaka mʼmadzaʼa, a nduzoa a vèvèzh, a maslaka ntsentsai, ndurtsotsoʼa.

³⁷ Gu sak gi 5 a wof acacia, a ka mbèda pa a guro, a ka kelawda maslaka a pa. A sulom tengaʼa a guro. A ka viɗ sak züdo tengaʼa 5.