Exode 11 - Ma Zhiklè

Nhodko ma mʼmetsi tsuvomhai

¹ Te deɓaʼa Ndo nzi pèc pècèk a ngaɗa na Moise: Njèkè matakwan staɗ man i woy a i ga na Pharaon, a ndohi Egypte. Te deɓaʼa a da va kinè civèɗ, a dzam kinè a skwi kinè tèlèba.

² Gada ta ndohai, ta jhèdè skwi wi verzhègenè a guro te ri nslamagihi ta.

³ A Ndo nzi pèc pècèk a mva ta pombai a sam ndohi Egypte, a Moise ba ndo mbiaʼa te kokwar Egypte, a sam golahi Pharaon, a sam ndohi tèlèba.

⁴ A Moise a mindè ma man Ndo nzi pèc pècèk a goɗkoɗa: A géɗ vad i da bizhè a ndev kokwar Egypte;

⁵ a i da bazl ta tsuvomhi tèlèba, a hinè a sam tsuvom Pharaon man a nzi a géɗ sam nʼnzi bai, a ndè a sam tsuvom ɓèlè man a shidè, a tsuvom skwi kudom tèlèba.

⁶ Wobau mbiaʼa a da zhè te kokwar Egypte tèlèba, ara man ta tsena zlèzlèa ɓai, ko pats ngiɗè ba a da gi arsa azɓai.

⁷ Aman a sam ndohi Israel, ko mbkwè kda ba, azɓai. Ko a sam ndohai, ko a sam skwi kudom, a kin da suna, Ndo nzi pèc pècèk a nkezla ndohi Egypte te va ndohi Israel.

⁸ Te deɓaʼa ndohi ngaya haha ta da shkè a sam ga, ta da kèlèhi a deb sak ga, a ta gada: Jè-keɗa kokwar haha, kinè a ndohi ngaya tèlèba – te deɓaʼa i woy a i dè. A Moise a njèkeda gi Pharaon a pa a ndav.

⁹ A Ndo nzi pèc pècèk a ngaɗa na Moise: Pharaon a da cinè ma kinè azɓai, ko i gu nrkedi ga kumba te kokwar Egypte.

¹⁰ A Moise a Aaron ta gu nrkedi haha tèlèba a sam di Pharaon; aman Ndo nzi pèc pècèk a nsassaya ndav Pharaon, a Pharaon a mva ta civèɗ a ndohi Israel ɓai, aman ta jèkeda kokwar nengaʼa.