Esdras 4 - Ma Zhiklè

Ta jèkeda mizlinè

¹ Ndohi mayamhi Juda a Benjamin ta tsenaʼa, ara man ndohi man ta shkè a deɓa te ɓèlè ta rèm gi Zhiklè, Zhiklè Israel.

² A ta shkè a sam Zorobabel, a sam tsuvom ndohai, a ta gaɗa ta: Nga woy a nga rèm gi a nda kinè. Nga tsi ri a Zhiklè lèmèlèmè ara kinè, nga va na skwi daga man Esar-Haddon, bi Assyrie, a nhelka nga a haha.

³ A Zorobabel a Josué a njèkèdi tsuvom ndohi Israel ta gaɗa ta: kin slaha kin rèm gi Zhiklè nga a nda nga azɓai. Nga woy a nga rèm gi Zhiklè, Zhiklè Israel, a géɗ nga, ara man Cyrus, bi Perse, a ngaɗa nga.

⁴ Ndohi kokwar ta pa ta zlau a va ndohi Juda, ta woy a ta gedassa civèɗ nrèm gai.

⁵ Ta ruɓ ndohi mbibihiaʼa, aman ta gedassa mizlinè tengaʼa, te va man Cyrus, bi Perse, ha pats man Darius a ngu bi te Perse.

⁶ Te va man Assuérus a hün ngi bai, ta Windo ɗèlèwèr a ta pin ta ndohi Juda a Jérusalem a vna.

⁷ Te va man Artaherhes a zhè, Bishlam, Mithredath, Thabeel a njèkèdi ndohi man ta mba a mizlinè, ta Windo ɗèlèwèr a sam Artaherhes, bi Perse. Ta Windo ɗèlèwèr a daʼai Aramée, a ta jongo a daʼai Aramée.

⁸ Rehum, ngomna, a Shimshai, ndo mwindè ɗèlèwèr, ta zlinda na ɗèlèwèr a bi Artaherhes, a géɗ Jérusalem, ɗèlèwèr aranta:

⁹ Rehum, ngomna, Shimshai, ndo mwindè ɗèlèwèr, a njèkèdi ndohi man ta mba a mizlinè, te Din, te Arpharsathac, te Tharpel, te Apharas, te Erec, te Babylone, te Suse, te Déha, te Elam,

¹⁰ a njèkèɗi ndohi man Osnappar, bi mbiaʼa, mwuɗitpa, a nhel ta, a mpe ta a kokwar Samarie a kok war ngiɗè te wud woyam…

¹¹ Na haha ɗèlèwèr man ta zlündo a sam na: A sam bi Artaherhes! ɓèlèlihi ngaya, ndohi te wud woyam…

¹² Bi da suna, ndohi Juifs man ta shkè te kokwar ngaya a ta shkè a Jérusalem a sam nga, ta ɗèɗèyè kokwar ambaɓiaʼa sa zaʼa, man ndohi mèdègèɗ te pa. Ta woy a ta rufa zlazlar a ta til verzi gai.

¹³ Bi da suna: aman ta da rom kokwar zaʼa, a ta rufa zlazlar ma, ta pi budu asaɓai, ta da cèkèlè skwi asaɓai, ta da vi skwi duak asaɓai, bi a da ngècè skwi asaɓai.

¹⁴ A géɗ man nga ndi skwi te gi bai, ambaha nga ɓai, aman ta ga na skwi ambaɓiaʼa a bai; a nga zlinda ɗèlèwèr haha, aman nga ngra na bai.

¹⁵ Sèi ka woya te ɗèlèwèr mizlinè babhi ngaya! Te ɗèlèwèr babhi ngaya ka da rkaʼa, kokwar haha kokwar ambaɓiaʼa; bihi a kokwar man a tsagai ta gedassa te riaʼa; daga zlèzlèʼa ta vhè ma te pa. A gèɗ nengaʼa ta gedassa kokwar sa te va nasa.

¹⁶ Bi da suna: aman ta rom kokwar haha zaʼa, a ta rufa zlazlar nengaʼa, ka da kwèr kokwar te wud woyam asaɓai.

¹⁷ A bi a nzlinda ɗèlèwèr a deɓa: A sam Rehum, gomna, a Shimshai, ndo mwindè ɗèlèwèr, a sam njèkèdi gwoli ta tèlèba man ta nza te Samarie, a ta nza a sam ngiɗè tèlèba te wud woyam: Mbali kinè!

¹⁸ Ɗèlèwèr man kin zlindeka nga, ta jèngayè, ma staɗ staɗ tèlèba,

¹⁹ a i goɗ aman ta wèrèʼa, a nga ngotso, aman daga zlèzlèʼa ndohi kokwar sa ta slambaɗa ta va a bihi a ta vhè ma a géɗ tengaʼa pèc pècèk.

²⁰ Bihi man wuɗi ta zhè ta nza te Jérusa-lem, a ta kwor herkeda tèlèba te wud woyam, a ta tsokolo skwi te pa, a budu, a duak.

²¹ Gar haha, vo-goɗa, aman ndohi sa ta jèkeda mizlinè ta, a ta rèm kokwar asaɓai, sèi man i da goɗ zaʼa.

²² Va-gu maya, kin gu wudar ɓai te skwi haha, man ɓai skwi man a gedassa bihi a grè a ma ma!

²³ Aman ta jongo ɗèlèwèr Artaherhes a sam Rehum a Shimshai, ndo mwindè ɗèlèwèr, a sam gwoli ta ma, to do a kokwar Jérusalem, a sam ndohi Juif, tsam tsam, a ta ga ta ndzoan, aman ta jèkeda mizlinè.

²⁴ Te deɓaʼa ta jèkeda nrèm gi Zhiklè te Jérusalem, ta ga ɓai, ha Darius a ngu bi te Perse, te mvi nengaʼa macecèwaʼa.