Esdras 10 - Ma Zhiklè

Ndohi ta ngwoda ndav ta

¹ Aman Esdras a ntsu rai, a nju ma mali na, a nkuɗai, a ngurɓahi a ma gi Zhiklè, ndohi Israel kumba kumba ta ɓica va a sam na, ngurhi a ngwozi a wudahi, a ta kuɗi a vata.

² A Shecania, kra Jehiel, staɗ te va wudahi Elam, a hüno ngèɗè, a ngaɗa na Esdras: Nga gu mali a sam Zhiklè nga, nga hul ngwozi man verzi ta tsaɗ, te va ndohi kokwar. Aman ko arsa ba, nga zhèr aman Israel a mbel na genè.

³ Ngo-durzlokona ma a Zhiklè nga, antanta, a ngo-kwolokoy ngwozi tèlèba, a wudahi ta, ara man bi nga a goɗa, a ndohi man ta gi zlau ma nkwèr Zhiklè nga ta gaɗa nga. A nga dzudzorokoy ma kita!

⁴ Slambaɗa, ma haha, ma ngaya! Nga nza ka a deɓa. Ka gu zlau bai, gau skwi ngaya!

⁵ Esdras a nslambada, a ndzhad ta tsuvom ndohi mvi skwi a Zhiklè, a ndohi Lévi, a Israel tèlèba, aman ta mbèɗè. A ta mbada.

⁶ Esdras a nslambada a sam man a nzlatsa a pa, zuraʼa a ma gi Zhiklè, a mdo a gi Jochanan, kra Eliashib. Te pa a nʼnda skwa ɓai, a nsa skwa ɓai, a nlaya skwi man ambaɓai man ndohi mʼmenkaɗa deɓa te ɓèlè ta gau.

⁷ A ta boho te Juda, te Jérusalem, aman ndohi tèlèba man ta menkada deɓa te ɓèlè ta ɓicè va a kokwar Jérusalem.

⁸ Ndo man a mshkè ɓai tʼhwaɗ mʼmèn makar, ara mpèsl ri tsuvomhi a ndohi nhalaʼa, ta phomda skwi nengaʼa tèlèba, a géɗ va na ta dzamdauda te va mpi ndohai man ta menkada deɓa te ɓèlè.

⁹ Ndohi Juda a ndohi Benjamin ta ɓica va tèlèba te Jérusalem, tʼhwaɗ mʼmèn makar, te ki macüɗaʼa, mʼmèn 20. Ndohi tèlèba ta zlatsa a dalmagi gi Zhiklè, a ta gudzai a géɗ ma haha, a ta gudzai te ri mtasl man iyam a prokoɗai.

¹⁰ Esdras, ndo mvi skwi a Zhiklè, a nslambada, a ngaɗa ta: Kin gu malai, te man kin hul ngwozi man verzi ta tsaɗ, a kin ngatsa na mali a va mali Israel.

¹¹ Antanta va-ngreda na mali kinèa Ndo nzi pèc pècèk, Zhiklè babhi kinè; va gu skwi man a woyaʼa! Va-ngulko va kinè auda te va ndohi kokwar, te va ngwozi man verzi ta tsaɗ!

¹² A mpi ndohi tèlèba ta mbeɗa na a ma a wuɗai: A vava! Sèi nga gi ara man ka gaɗa nga!

¹³ Aman ndohi kumba – via – ndohi ta slaha ta nzi auda ɓai. Ma haha a til pats staɗ, cèw, azɓai. Nga kumba man nga gu malai te skwi haha.

¹⁴ Sèi tsuvomhi nga ta cèmma te di mpi ndohi tèlèba. Te deɓaʼa ko wawa te kokwar nga man a nco ngwoz man verzi na tsaɗ, ta baha ta pats ngiɗè pats ngiɗè, a nda ndohi nhalaʼa kokwar staɗ staɗ tèlèba, a nda ndohi kita, ha Zhiklè a njèkeda ndzoan man a ga nga, a géɗ skwi haha.

¹⁵ Aman Jonathan, kra Asael, a Jachzis, kra Thikva, ta ca ma ɓai; a Meshullam a Shabthai, ndo Lévi ba, ta ca ɓai.

¹⁶ Aman ndohi man ta menkada deɓa te ɓèlè ta dzodzor ma haha. Esdras, ndo mvi skwi a Zhiklè, a mpar ta ndohai, tsuvomhi te verzi staɗ staɗ tèlèba, staɗ staɗ ara nzlembaɗ ta, a ta tsomma te ki makulaʼa, a pats nshèlèkuraʼa, aman ta njunjor ma haha.

¹⁷ A ta ndeva ma haha a nda ndohi tèlèba man ta co ngwoz man verzi na tsaɗ, te ki nshèlèkuraʼa, a pats nshèlèkuraʼa.

Nzlembaɗ ndohi malihai

¹⁸ Ta ngots te va ndohi mvi skwi a Zhiklè, man ta hul ngwozi man verzi ta tsaɗ: te va wudahi Josué, kra Jotsadak a kramamhi nengaʼa: Maaséja, Eliézer, Jarib a Guedalia.

¹⁹ Ta gaɗda ma a hai, ta woy a ta kwola ngwozi ta, a ta vi drok staɗ aman ta til mali ta.

²⁰ Te va wudahi Immer: Hanani a Zebadia.

²¹ Te va wudahi Harim: Maaséja, Elie, Shemaeja, Jehiel a Ozias.

²² Te va wudahi Pashur: Eljoénai, Maaséja, Ismael, Nethaneel, Jozabad a Eleasa.

²³ Te va ndohi Lévi: Jozabad, Shimei, Kelaja – nasa Kelitha – Pethachja, Juda a Eliézer.

²⁴ Te va ndohi nfi dimèsh: Eliashib. Te va ndohi mɓer ntamagai: Shallum, Thélem a Uri.

²⁵ Te va ndohi Israel: te va wudahi Pareosh: Ramia, Jizzija, Malkija, Mijamin, Eléazar, Malkija a Benaja.

²⁶ Te va wudahi Elam: Matthania, Zacharie, Jehiel, Abdi, Jéré-moth a Elie.

²⁷ Te va wudahi Zatthu: Eljoénai, Eliashib, Matthania, Jerémoth, Zabad a Aziza.

²⁸ Te va wudahi Bébai: Jochanan, Hanania, Zabbai a Athlai.

²⁹ Te va wudahi Bani: Meshullam, Malluc, Adaja, Jachub, Sheal a Ramoth.

³⁰ Te va wudahi Pachath-Moab, Adna, Kelal, Benaja, Maaséja, Matthania, Betsaleel, Binnui a Manassé.

³¹ Te va wudahi Harim: Eliézer, Jishija, Malkija, Shemacja, Siméon,

³² Benjamin, Malluc a Shemaria.

³³ Te va wudahi Hashum: Matthnai, Matthattha, Zabad, Eliphéleth, Jerémai, Manassé a Shimei;

³⁴ Te va wudahi Bani: Maadai, Amram,

³⁵ Uel, Benaja, Keluhu,

³⁶ Vania, Merémoth, Eliashib,

³⁷ Matthania, Matthnai, Jaasai.

³⁸ Te va wudahi Binnui: Shimei,

³⁹ Shelemia, Nathan, Adaja.

⁴⁰ Macnadbai, Shashai, Sharai,

⁴¹ Azareel, Shélémia, Shemaria,

⁴² Shalum, Amaria a Joseph.

⁴³ Te va wudahi Nebo: Jeiel, Matthithia, Zabad, Zebina, Jaddai, Joel a Benaja.

⁴⁴ Tengaʼa haha tèlèba ta hul ngwozi man verzi ta tsaɗ, a ta kwola ngwozi ta, a wudahi ta, a ta zlinde ta a deɓa.