Esaie 64 - Ma Zhiklè

¹ Hai, aman agassa ka cizlè giɗfèk, a ka shkè hai, ar zahi ta gudzai a sam ngaya, a gi ara man vogwa a ndi njè-kènjèk shègwa, a vogwa a hubata iyam, ar nzlembaɗ ngaya nʼngreda auda a sam mayamhi ngaya, a ndohi herkeda ta da gudzi a sam ngaya,

² a géɗ man ka gi nrke-di man ndo a hur a géɗ tengaʼa ɓai,

³ ara man ta tsena halaʼa di ɓai. Zlembaɗ ndo a ntsena di ɓai, di ndo a nrka di ɓai, a géɗ Zhiklè ngiɗè ara ngaya, man a takaha ta ndohi man ta pi ndav a vna, a ma ma.

⁴ Ka dè a ma tengaʼa man ta gi skwi nzu-raʼa, a ta hér civèɗ ngaya. Ka gu ndav, aman nga gu mphömè, skwi man ambaɓai, a nga slambaɗka ka a va nʼnzi a zhè. Aman nga da mbel nga genè!

⁵ Nga tèlèba nga ndaʼa ara skwi nlizhèʼa, ngi-zura nga ara maslaka nlizhèʼa. Nga wu-shahai ara vah wof, mali nga a nhel nga ma ara kozlar.

⁶ Ndo azɓai man a ntsu ri a nzlembaɗ ngaya, man a nslambaɗa, a ngshè va a ka, te man ka ngheda va ngaya a sam nga; ka jèke nga a ri a mali nga.

⁷ Aman Ndo nzi pèc pècèk, anai ka bab nga! Nga rɓasl, ka ndo nram nga, nga tèlèba skwi man ka gu a ri ngaya.

⁸ Ndo nzi pèc pècèk, ka gu ndav holhola ɓai! Ka hur mali ga a mèdèp ɓai! Na haha, nga tèlèba ndohi ngaya. Ka hur mali nga a mèdèp ɓai! Na haha, nga tèlèba ndohi ngaya.

⁹ Kokwar-hi ngaya nkezlaʼa ta ngwode ta a hèshèkèɗ, Sion nʼnde na hèshèkèɗ, Jérusalem a diki kokwar.

¹⁰ Gi Zhiklè nga nkezlaʼa, mbelaʼa, man bababhi nga ta shida ka gèɗ te pa, vogwa a nʼndedama. Skwi mèshèlè nga tèlèba, ngedas na.

¹¹ Ndo nzi pèc pècèk, ka woy a ka takaha nga ɓi ɗè? Ka woy a ka nzi tètè genè ɗè? Ka woya a ka manda nga gèɗ a hi a mèdèp ɗè?