Esaie 4 - Ma Zhiklè

¹ A pats nasa ngwozi tsaraɗ ta woy a ta dè a gi ndo staɗ, a ta gada: Nga ndi skwi ri nga, nga fi maslaka a va a ri nga, sèi nzlembaɗ ngaya man ta baha nga a vna! Ca nga hori auda a dai!

Nʼnjèl Zhiklè te Sion

² A pats nasa, skwi Ndo nzi pèc pècèk a da fcè, angrédè nʼnjèl nengaʼaauda. Skwi man a shkè auda te pa, ndohi manta mbel ta te Israel ta da jégèr va a géɗèʼa, a ta jé-zlè va a vna.

³ Te deɓaʼa ko wawa man a zhè a nshèffè te Sion dai, tèlèba man ta jè-kaha va te Jérusalem, ta da baha ta ndohi nkezlaʼa, ko wawa man ta windo nzlem-baɗ ta man ta zhè a nshèffè te Jérusalem.

⁴ A pats man Bi Zhiklè a mponko na derɗa auda a va kokwar Sion, a mponkoɗi pombaz auda te Jérusalem a kita a vogwa.

⁵ Ndo nzi pèc pècèk a da shkè te va vanai a pats, te va nèʼèn vogwa a vaɗ, a géɗ sam tèlèba te za Sion, a géɗ ndohi mɓicaʼa a pa. Aman nʼnjél Ndo nzi pèc pècèk a zhè a géɗ skwi tèlèba, aman a ɓirèʼa, a ta nzi a hwaɗaʼa.

⁶ Pats a te ta azɓai, a iyam a vandzal a ga ta azɓai.