Esaie 15 - Ma Zhiklè

Moab

¹ Aʼa – aʼa – aʼa – Ar-Moab ngedassa, nʼndev na, a vaɗ staɗ! Aʼa – aʼa – Kir-Moab ngedassa, nʼndev na, a vaɗ staɗ!

² Ta tivè a Dibon, a sam man ta va na skwi a Zhiklè, a ta kuɗai. Moab a gi wobau te Nébo, te Médeba. Gèd ndohi tèlèba nshèʼa, bozozom ta nshèʼa.

³ Ta a civèɗ a maslaka sam kuda a va, a géɗ gai, a dal kokwar, tèlèba ta kuɗai, kuɗa a gu pana di pana dai.

⁴ Hesbon a Elealé ta tsi lalau, a cinè dra ara Jahats. A géɗ nengaʼa, zlau a pasla na vatasl a va a Moab, ndav nengaʼa mʼmbeɗ na.

⁵ Ndav ga a kuɗi a géɗ Moab. Ndohi nengaʼa man ta hi ta dra tar Tsoar, tar Eglath-Shelishija. Ta tivè a Luchith a kuɗa a dai. A civèɗ ndè Choronaim ta tsi lalau a géɗ kokwar man mʼmbeɗ na.

⁶ Thai Nimrim ta jèke-da, kuza ngwora, lak nhus na aussa, skwi mɓayaʼa asaɓai.

⁷ Gar haha njèkèɗi skwi tengaʼa, a skwi man ta ɓüro, ta tèwéɗè a wud woyam.

⁸ Lalau tengaʼa a tèuda kokwar Moab a pa, a wobau tengaʼa a dè tar Eglaim, Beer-Elim, a livko lalau tengaʼa a deɓa.

⁹ Woyam Dimon nʼndha a pombaz; a i shkè a matakwan a géɗ Dimon zaʼa. I proko ta marizhèlè a va a ndohi man ta jèkaha va te Moab, a ndohi njèkèdiaʼa te Adma.