Ecclésiaste 11 - Ma Zhiklè

Ngi mizlinè

¹ Vau skwi a ndo, ka feda a balak.

² Kezla skwi ngaya a ri mandalahi ko a gi 7, ko a gi 8, te man ka sun matakwan man a da ga ka, a géɗ herkeda ɓai.

³ Aman vani nʼnga, a dzurvko iyam a hi a géɗ herkeda. Wof man a nkalahai, ko kala a civèɗ dukwaɗ, ko a civèɗ te man a géɗèʼa, mʼmana a sam man a kala a pa.

⁴ Ndo man a pi di a kozlar, a zleki skwi azɓai. Ndo man a pi di a vanai, a ɓicè skwi azɓai.

⁵ Ka sun sam man kozlar a dè a pa ɓai, ka sun ara man kra agrè tʼhwaɗ mam na ɓai, lèmèlèmè ka sun mizlinè Zhiklè man a gi skwi tèlè ɓai.

⁶ Zlekau tser skwi ngaya a prèk, ka sok va ɓai ha dakwaɗ. Ka sun skwi man a da ftskaɗa ɓai, gar ngiɗè, gar ngiɗè, gar cèw cèw ba ta da fcè amba.

⁷ Skwi nhél sam ambaha dai. Di a woya a rka pats.

⁸ A vava, ndo man a nzi mvi kumba, amba man a wuffè a géɗ mvi nengaʼa tèlèba. Aman da hur pats man a da nzi te matakwan, ta kumba dai. Skwi man a di a shkè, tèlèba ambalai.