Apocalypse 21 - Ma Zhiklè

Giɗfèk mɓuaʼa a herkeda mɓuaʼa

¹ A i rka giɗfèk mɓuaʼa a herkeda mɓuaʼa, aman giɗfèk nshèlèkuraʼa, a herkeda nshèlèkuraʼa, ta ndev ta ma, a iyam mbiaʼa ba azɓai.

² A i rka kokwar nkezlaʼa, Jérusalem mɓuaʼa, man a shkèhai te zhiklè, ndzazla ara medemai man a dè a sam ntsima.

³ A i tsena ngèɗè mbiaʼa a sam nʼnzi bi Zhiklè, man a gaɗa: Na haha, gi Zhiklè a zhè a sam ndohai! Bi Zhiklè a da nzi a sam tengaʼa, a tengaʼa ta da gi a ndohi nengaʼa, Zhiklè a ri na a nzi a sam tengaʼa, Bi Zhiklè ta.

⁴ Bi Zhiklè a da sahama ta kuɗa tèlèba auda a di ta. Mʼmetsi asaɓai, kuɗ asaɓai, wobau asaɓai, matakwan asaɓai, aman skwi nshèlèkuraʼa klèng ma.

⁵ Ndo man a nza a géɗ sam nʼnzi bai, a ngaɗa: Na haha, i gi skwi tèlèba mɓuaʼa. A ngaɗayè: Windo, aman ma ga ma nzuraʼa a vava.

⁶ A ngaɗayè: Nʼnga ma! Iyè i Alpha a Oméga, nhinkaɗ skwai a nʼndikèma skwai. I war i va na iyam nsai te nlèlè iyam nshèffè, a ndo man iyam a dza na, da su ambalai.

⁷ Ndo man nʼngaʼa a ngulaʼa, a da ndi skwi haha tèlèba. Iyè, Zhiklè na, a nengaʼa kra ga.

⁸ Aman ndohi zlau, a ndohi man ta ca a ndav ɓai, a metsarhai, a ndohi nkéɗè ndo, a ndohi mphömè, a ndohi mʼmbèh skwai, a ndohi vrai, a ndohi ncèkèlma tèlèba, skwi man ta ngècèʼa nte vèvèɗ vogwa, man vogwa a skwi nvècè vogwa te pa: nasa mʼmetsi macecèwaʼa.

Jérusalem mɓuaʼa

⁹ Staɗ te va golahi Zhiklè tsaraɗ a mshkè a sam ga, nengaʼa man a ngots kokwi tsaraɗ, nʼndha a nʼndikèma matakwan mbiaʼa tsaraɗ a ngaɗayè: Washkè, i war i ngra ka medemi kra tambak.

¹⁰ A ndiyè te Mèzhèɓ a géɗ za mbiaʼa ngurèʼa, a nʼngray kokwar Jérusalem nkezlaʼa, man a shkèhi te zhiklè a sam Bi Zhiklè,

¹¹ te nʼnjèl Zhiklè. Skwi nhél sam nengaʼa lèmèlèmè ara kwa mbelaʼa holholaʼa, jaspe, man nga pi di te pa cerh-cerhaʼa.

¹² Zlazlar kokwar mbiaʼa, ngurèʼa, ntamagi 12, a géɗ ntamagai golahi Zhiklè 12. A ntamagai, nzlembaɗ verzi ndohi Israel 12 mwindèʼa a pa.

¹³ Te civèɗ verzi gai, ntamagi makar, te géɗèʼa makar, te dukwaɗ makar, te man a tsagai makar.

¹⁴ Kwa verzi kokwar 12, a deɓ tengaʼa nzlembaɗ ndohi sak kra tambak 12.

¹⁵ A nengaʼa man a gaɗayè, a nʼngots gada nîivè skwai te rai, pandar guro man a livè kokwar a ntamagi nengaʼa a zlazlar nengaʼa a vna.

¹⁶ Kokwar nʼngaʼa, tsagi faɗ a njüv na lèmèlèmè. A nlüv kokwar a pandar, a gi km 2.200. Njüv kokwar, a tsagihiaʼa, a nguzloh na, tèlèba lèmèlèmè.

¹⁷ A nlüv zlazlar, njüv na 72 m, ara skwi ntiv ndohai, man gol Zhiklè a lüvo a vna.

¹⁸ Zlazlar kokwar nʼngaʼa a kwa jaspe. Kokwar nʼngaʼa a guro, cerh-cerhaʼa ara koloba.

¹⁹ Kwa verzi zlazlar man a tèuda kokwar a pa, ntila a kwahi mbelaʼa tsaɗ tsaɗ. Kwa verzi nshèlèkuraʼa, jaspe, macecèwaʼa saphir, mamakaraʼa calcédo-ine, mafaɗaʼa éméraude,

²⁰ mazlamaʼa sardonys, mamokwaʼa sardoine, matsaraɗaʼa chrysolithe, matsamakaɗaʼa béryl, macüɗaʼa topaze, makulaʼa chrysoprase, ma kulagéɗè-staɗaʼa hyacinthe, makulagéɗè-cèwaʼa améthyste.

²¹ A ntamagi 12 skwi ngiɗè ara jimkaya 12. A ntamagi staɗ staɗ nara jimkaya staɗ genè, a civèɗ kokwar, guro nwoslaʼa, cerh-cerhaʼa ara koloba.

²² A i rka gi Zhiklè te pa ɓai; aman Bi Zhiklè, Bi wuɗi tèlèba, a kra tambak, nasa gi Zhiklè tengaʼa.

²³ Kokwar nʼnza, skwi nhel sam azɓai, ko pats, ko kia. Aman nʼnjèl Zhiklè a hél sam; kra tambak skwi nhél samaʼa.

²⁴ A ndohi herkeda ta da shèwèlè te va skwi nhél samaʼa. A bihi herkeda ta da ckoɗi nʼnjèl ta a pa.

²⁵ Ntamagi nengaʼa ta da pizlè azɓai, te man vaɗ a da gi a pa azɓai.

²⁶ Nwèlè a nʼnjèl ndohi herkeda a da shkè a pa.

²⁷ Ko skwi nlizhèa, ta da ckoɗa a pa azɓi fèt; ndo man a gi skwi man a ndèrè ndo, ndo ncèkelma, a dè a pa azɓi fèt, aman sèi tengaʼa man ta winde ta a ɗèlèwèr nshèffè kra tambak.