Amos 8 - Ma Zhiklè

Gadagar a nyi wof

¹ Skwi haha Bi Zhiklè Ndo nzi pèc pècèk a ngrayè: Gadagar a zhè, a nyi wof te pa.

² A ngaâa: Amos, ka rka mè? A i gaɗa: I rka gadagar a nyi wof te pa. A Ndo nzi pèc pècèk a ngaɗayè: Ndike-ma skwai a shkè a géɗ ndohi Israel ma!

³ A pats nasa dalahi ngècè ta da gi wali te gi bi asaɓai. Bi Zhiklè Ndo nzi pèc pècèk a gaɗa; nckondohi kumba ta da wushede ta a dala a sam tèlèba.

Mi ma Zhiklè

⁴ Kinè man kin ndama ta skwi a ndohi ntawassaʼa, a kin ga ta matakwan a mbelaw ndohai, a kin gaɗa:

⁵ Ki mɓuaʼa a da vangkaɗi a ngèmè, a nga prè dau? Pats nshèk va a ndivè a ngèmè, a nga prè marorai? A nga livè te agoda nkèshèʼa nga pi ri a pa a vata, a nga gi ri te nlivè skwai.

⁶ A nga suma ta ndohi ntawassaʼa a sulai, a mbelaw ndohai a kotokoroh te di sak staɗ, a nga prè ma dau.

⁷ Ndo nzi pèc pècèk a goâ a mʼmbèɗè a sam nʼnjèl Jacob: Skwi man ta gu tèlèba, a da pcèyè a gèɗ azɓai.

⁸ Herkeda a da gudzi a géɗ nengaʼa azɓi âè? Ndohi herkeda tèlèba ta da kuɗi a géɗ nengaʼa azɓi ɗè? Herkeda tèlèba a slèmbèâè ara woyam Nil, a grè a grè, te deɓaʼa a da shèha va na ara woyam Egypte.

⁹ A pats nasa a da gi, a pats a kèlè a géɗ pats, Bi Zhiklè Ndo nzi pèc pècèk a gaɗa. A ruva a gi a géɗ herkeda man pats tʼuda.

¹⁰ A i da ngwoda ngolala kinè, a ndi a sam kuâa, a dimèsh mwuffè kinè tèlèba a nguzlah. I va kinè maslaka sam kuɗa a va tèlèɓa, ko wawa a da she gwots gèɗ na auda. I gi a ndohi a lèyè ara man ta kuɗi kra nguraʼa man na staɗgenè. Ndikè-ma skwi nengaʼa ara pats mwuɗitpa.

¹¹ Bi Zhiklè Ndo nzi pèc pècèk a gaɗa: Pats a di a shkè, a i zlindè mai a herkeda, mi skwi nʼndi a mi iyam ka ɓai, aman mi ma Ndo nzi pèc pècèk.

¹² Te deɓaʼa ta ngéz! è auna, ta ngézlè auna, a ma iyam ngiâè a ma iyam ngiɗè, te man a géɗèʼa, te man a dukwaɗ, a ta hèsh ma Ndo nzi pèc pècèk, aman ta da ngècè azɓai.

¹³ A pats nasa dalahi mbelaʼa ta ɓerzl ta, a golahi ta shèkèt ta te ri mi iyam.

¹⁴ Tengaʼa man ta mbada a sam mʼmbèh skwi te Samarie, a ta mbada a géɗ nshèffè vri Dan, a géɗ nshèffè vri Beer-Shéba, ta da kèlèhai, a ta da slèmbèɗè te deɓaʼa asaɓai.