Amos 7 - Ma Zhiklè

Skwi makar a nrka na di a Amos

¹ Nasa skwi man Bi Zhiklè Ndo nzi pèc pècèk a ngrayè: Dzarai a shkè, amari maâam a nftsa ma. Bi a ntsa dau na ma, a maɗam a ntsokoɗi te deɓa.

² Aman ta ndeda skwi nɗaʼa a ma, i gaɗa: Zhiklè, pra ta malai!

³ Jacob a da gi kè? Nkèshè gene! A Ndo nzi pèc pècèk a ngwoɗa gèɗ na: Da ga arsa ɓai, Ndo nzi pèc pècèk a gaɗa.

⁴ Bi Zhiklè Ndo nzi pèc pècèk a ngrayè: Na haha Bi Zhiklè Ndo nzi pèc pècèk a nzlündo vogwa a ngi kita a vna. A vogwa a nʼndara herkeda, kala vèvèɗ, te deɓaʼa a nʼndeda gi dau a ma.

⁵ A i gaɗa: Bi Zhiklè Ndo nzi pèc pècèk, jèkeda! Jacob a da gi kè? Nkèshèa genè!

⁶ A Ndo nzi pèc pècèk a nhuro. Bi Zhiklè Ndo nzi pèc pècèk a gaɗa: Ko skwi haha da ga arsa ɓai!

⁷ A ngrayè skwi haha: Na haha, Bi Zhiklè a nzlatsa a géɗ zlazlar a teɓa nlivè skwi te rai.

⁸ Ndo nzi pèc pècèk a ngaɗayè: Amos, ka rka mè? A i gaɗa: Teɓa nlivè skwai! Bi Zhiklè a gaɗa: Anai i da preda teɓa a ndev Israel, ndohi ga. I woy a i pra ta mali a ma ma azɓai.

⁹ Mblomhi a géɗ za man a Isaac, a sam mʼmbèh skwai man a Israel, i da gedas ta. A i da bazl ta ndohi Jéroboam a tsakwal.

Amos a Amatsia

¹⁰ Amatsia, tsuvom ndohi mʼmbèh skwai te Béthel, a nzlündo ndo a sam Jéroboam, bi Israel, da menda na: Amos a vhè ma a gèɗ a ka, te ndev ndohi Israel. Ma tèlèba man Amos a ngaɗa ta, wuɗitpa a sam ndohai.

¹¹ Amos a ngoɗ ar haha: Jéroboam ta da keɗaʼa a tsakwal, a ta da hel ta ndohi Israel a ɓèlè dra.

¹² Amatsia a ngaɗa na Amos: Ndo nhadka ma, hu ngaya a kokwar Juda. Ndau movar ngaya te pa! A ka hodko ma te pa!

¹³ Aman te Béthel ka slaha ka hodko ma ɓai, nengaʼa sam bi nkezlaʼa. Nengaʼa gi bi kokwar.

¹⁴ Amos a mʼmbeɗa na a ma Amatsia: I ndo nhadka ma ka ɓai, i gol ndo nhadka ma ka ɓai. I ndo mɓer skwai, i pèr kslor.

¹⁵ Aman Ndo nzi pèc pècèk a mbahay auda a sam nwèr skwi ga, a Ndo nzi pèc pècèk a ngaâayè: Do, a ka hod ma a géɗ Israel, ndohi ga!

¹⁶ Anai fu zlembaɗa ma Ndo nzi pèc pècèk: Ka, ka gaɗa: ka hod ma a géɗ Israel ɓai, a ka goâ ma a géɗ ndohi te gi Isaac ɓai!

¹⁷ Gar haha Ndo nzi pèc pècèk a gaɗa: ngwoz ngaya a da ndi a fali ngwoz te kokwar. Wudahi ngaya a dalahi ngaya ta da bèzl ta a tsakwal. Herkeda ngaya ta da liva ka a ri a teɓa, a ta va na ndo ngiɗè. Ka, ka da metsi ngaya a kokwar ndohi nte deɓa. A ndohi Israel sèi ta da jèkeda kokwar ta, a ta da gi ɓèlè a kokwar ngiɗè.