2 Timothy 2 - Ma Zhiklè

Ndo var Yèsu Kristi man amba

¹ A géɗ nengaʼa, kra ga, nzala va ngaya, a pombi te Yèsu Kristi!

² Skwi man ka tsena a sam ga, a sam malwuɗihi, kumba, njè ta ndohi nlèɓèslèa ngiɗè, man taslahataslebdatandohingiɗèzaʼa.

³ Mbo-koy a matakwan, ara ndohi var Yèsu Kristi man amba.

⁴ Aman ndo var man amba, a hér gèɗ ngwi na azɓai, aman a hér skwi man ambaha ndo nkworo.

⁵ Aman ko wawa man a hi te dal nhai, ta da va na skwi ntulè azɓai, sèi man a hu zuraʼa.

⁶ Ndo mpizhè man a pizhè gi dau, da ndau nyi skwi gi dau nshèlèkuraʼa.

⁷ Hur ma ga haha! Bi Zhiklè a da va ka maya te skwi tèlèba.

⁸ Hur Yèsu Kristi, man a slambaɗkaɗauda te ndev ndohi mʼmetsaʼa, te verzi David, ara man ma mbelaʼa man i njè haha, a gaɗa.

⁹ A géɗ nengaʼa i si matakwan, ha ta dzwayè ara ndo ambaɓiaʼa; aman ma Zhiklè ndzawa ɓai.

¹⁰ Gar haha i zuɓ skwi tèlè, a géɗ ndohi man Zhiklè a mpar ta, aman tengaʼa ba ta ndikè a sam mbelaʼa a nʼnjèlè man a ndivè azɓai a mèdèp, te Yèsu Kristi.

¹¹ Ma haha zuraʼa: Aman nga mets nga a nda nengaʼa ma, nga da nzi a nshèffè a nda nengaʼa.

¹² Aman nga zhèr skwi a ma ma, nga da gi bai a nda nengaʼa. Aman nga gaɗa: nga sun nengaʼa ɓai, nengaʼa ba a di a gaɗa: i sen kinè ɓai.

¹³ Aman nga lèɓèslè ɓai, nengaʼa a nzi lèɓèslèa genè, a slaha a ngwèdè va na azɓai.

Ndo mizlinè man amba

¹⁴ Ma haha gaɗa ta zaʼa, ngra ta a sam di Zhiklè, aman ta vérsl ma a géɗ ma ambali azɓai; ambaɓai, a jèkèbè ndav ndo genè.

¹⁵ Gu maya maya, ngreda va ngaya auda a sam Bi Zhiklè ara ndo mizlinè nzuraʼa, ma az a gèɗ ngaya ɓai, aman ka njè ma zuraʼa tsarayaʼa.

¹⁶ Kazla ngay auda a sam tsaval herkeda man ambalai. Ndohi man ta gèɗèʼa, ta dè a ma ma holholèʼa te skwi man ambaha Zhiklè ɓai,

¹⁷ a ma tengaʼa a zlèzèmè hathataʼa ara mblè gurdzo.

¹⁸ Te ndev tengaʼa Hyménée a Philète, man ta jèkeda ma nzuraʼa, ta zlak ta, a ta gaɗa, nslambaɗkaɗauda te mʼmetsai, nʼnga ma, a ta gedassa ncè-a-ndav ndohi tsaɗ tsaɗ.

¹⁹ Aman Bi Zhiklè a fu verzi man wuɗi na zhè, ma haha mwindèa a pa: Bai Yèsu a sun ndohi na, a ndo man a baha na nzlembaɗ Bai Yèsu, do do auda a sam skwi ambaɓiaʼa.

²⁰ Te gi mbiaʼa, shiɗèfhi guro a ver-zhègenè genè ka ɓai. Skwi man ta gu a wof a zhè, skwi man ta gu a rɓasl a zhè, ngiɗè skwi mbelaʼa, ngiɗè skwi ambalai.

²¹ Ndo man a shkè auda te ndev skwi ambaɓiaʼa aranta, a pènè ndav na, nengaʼa a ndi a shiɗèf mbelaʼa, nkezlaʼa, man babgi a slaha a ngi mizlinè a vna, ntila a mizlinè man amba tèlèba.

²² Hu ngaya auda a sam ntétékè man golahi a dalahi ta giaʼa! Aman hu a verzi ngi-zuraʼa, ncè-a-ndav, mwoy-ndo a ndav, gumai a nda ndohi tèlèba, man ta baha na Bi Zhiklè a ndav mpanaʼa.

²³ Ma ambalai, ma nrzlè, kwolaʼa, aman ka suna, a de ka a sam mpi gèɗ ndo a va.

²⁴ Aman ndo mizlinè Yèsu da woy ma ɓai, da goɗ ma amba amba a sam ndohi tèlèba. Da gau a ndo njèngè man amba, man a slaha a nzhüɓ skwi tèlèba ko ma wuɗitpa,

²⁵ a ngatsa ta maya a ndav nlüɓekwaʼa a ndohi man ta Sala na va a dai. A zhèrè te ndav, wa ngiɗè ba Zhiklè a takaha ta a ta ngwèdè ndav ta genè, a ta shin ma nzuraʼa;

²⁶ a tengaʼa man bi madzagai a dzaw ta, a ta gu skwi man a woyaʼa, ta da shkè auda te ri teɓa nengaʼa, a ta hér skwi nzuraʼa.