Matthew 1 - Te Gongo Gaoi

Te hanohano o Jesus

¹ Tenei te hanohano o Jesus Christ, te makupuna o te hakahua ia David, te makupuna o Abraham:

² Ko Abraham te tamana o Isaac, ko Isaac te tamana o Jacob, ko Jacob te tamana o Judah ma tena 'api.

³ Ko Judah te tamana o Perez ma Zerah, tegaaua tinana ko Tamar. Ko Perez te tamana o Hezron, ko Hezron te tamana o Ram.

⁴ Ko Ram te tamana o Amminadab, ko Amminadab te tamana o Nahshon, ko Nahshon te tamana o Salmon.

⁵ Ko Salmon te tamana o Boaz, tona tinana ko Rahab. Ko Boaz te tamana o Obed, tona tinana ko Ruth. Ko Obed te tamana o Jesse.

⁶ Ko Jesse te tamana o te hakahua ia David, ko David te tamana o Solomon, tena tinana ko te uguugu o Uriah noko hai.

⁷ Ko Solomon te tamana o Rehoboam, ko Rehoboam te tamana o Abijah, ko Abijah te tamana o Asa.

⁸ Ko Asa te tamana o Jehoshaphat, ko Jehoshaphat te tamana o Jehoram, ko Jehoram te tamana o Uzziah.

⁹ Ko Uzziah te tamana o Jotham, ko Jotham te tamana o Ahaz, ko Ahaz te tamana o Hezekiah.

¹⁰ Ko Hezekiah te tamana o Manasseh, ko Manasseh te tamana o Amon, ko Amon te tamana o Josiah.

¹¹ Ko Josiah te tamana o Jeconiah ma tena 'api, i na 'aso na kakabe 'ia ai ki Babylon.

¹² Nimaa mugi i te kakabe 'aatea 'anga ia te kigatou ki Babylon: ko Jeconiah te tamana o Shealtiel, ko Shealtiel te tamana o Zerubbabel.

¹³ Ko Zerubbabel te tamana o Abiud, ko Abiud te tamana o Eliakim, ko Eliakim te tamana o Azor.

¹⁴ Ko Azor te tamana o Zadok, ko Zadok te tamana o Akim, ko Akim te tamana o Elihud.

¹⁵ Ko Elihud te tamana o Eleazar, ko Eleazar te tamana o Matthan, ko Matthan te tamana o Jacob.

¹⁶ Ka ko Jacob te tamana o Joseph, te matu'a o Mary. Tenei a Mary na haka haa eia a Jesus, ko Ia na mate te 'Agiki Taga'ia.

¹⁷ Te 'atuhano nei noko haka tu'u mai ia Abraham o hetae mai ki te hakahua ia David, noko 'atu anga hugu tuma'a e haa (14), ka te haka tu'u mai 'anga ia David o hetae mai ki te kakabe 'aatea 'anga a Israel ki Babylon noko 'atu anga hugu tuma'a e haa (14), ka te haka tu'u mai 'anga i te kakabe 'aatea 'anga a Israel ki Babylon o hetae mai kia Christ noko 'atu anga hugu tuma'a e haa (14).

Te haka haa o Jesus

¹⁸ Noko konei na noho te haka haa o Jesus Christ. Ko te tinana a Mary noko he ahoaho 'aki ma Joseph ke go nonoho. Mugi kigaaua o haka pata 'aki, ka na na'a 'ia ko Mary e hai tama noko agatu'u i te Spirit Tapu.

¹⁹ Ka ko tona matu'a a Joseph te tangata tinogaoi, noko he'e siahai ke na'a ngatahi 'ia te hai 'anga nei ke maatiba ai a Mary, ma te hai tena tegeu'a ke manga mau'i ia te ia.

²⁰ Nimaa sigi tena konei na tegeu'a 'anga ki te hai 'anga nei, te ensel o te 'Aitu noko haka 'agi tino kia te ia i te miti o hai atu, “Joseph te makupuna o David, noka tau mataku ki te kakabe ia Mary ki tou manaha ke hai ai mo'ou he uguugu, iteme'agaa tena hai tama 'anga e hai e te Spirit Tapu.

²¹ Ko Mary nimaa go haka haa ma'ana he tama, e hai ke go haka ingoa e koe ko Jesus, iteme'agaa ko Ia e hai ke go haka ma'ugi ona pegea i ogatou 'oosongo.”

²² Ka na hai 'anga nei noko hai o haka maa'ogi ai nia noko gea ai a te 'Aitu o agatu'u i tona taauga:

²³ “Te hahine taupo'ou 'esi'esi e hai ke go hai tama ogo hai ma'ana he tama, e hai ke go mate ko Immanuel, tegaa tena gaataki: Ko God e haka pata kia te kitatou.”

²⁴ Te 'aso na 'aga ai a Joseph, na hai eia nia noko kaunaki e te ensel o te 'Aitu ke hai. Na kakabe mai eia ia Mary ki tona manaha o hai ai tona uguugu.

²⁵ Ko kigaaua koi he'e he na'a 'aki ano hetae ki te guea 'anga a Mary o hai tena tama. O haka ingoa e Joseph ko Jesus.