Yesaya 12 - Mandinka Bible

Jayiri suukuwo

¹ Wo luŋo la, i be a fo la le ko: “Hee Yaawe*, m be i jayi la le! I kamfaabaata n kamma ñaa-wo-ñaa, i la kamfaa banta le, i ye n ñaajiyo fita.

² Tooñaa-tooñaa, Alla le mu n tankandirilaa ti. M be n jikoo sembe la a la le, n te sila la. N semboo ka bo m Maarii Yaawe le bulu, n ka suukuwo laa ate le ye, kaatu ate le mu n tankandirilaa ti.”

³ Ali be jiyo bii la kiisa koloŋolu kono le, ali niŋ seewoo.

⁴ Wo luŋo la, ali be a fo la le ko: “Ali tenturoo dii Yaawe la, ali ye a batu a too la. Ali a fo bankoolu bee ye, a ye kuwolu mennu ke, ali ye a kankulaa ko, a too kuliyaata le.

⁵ Ali suukuwo laa Yaawe ye, kaatu a ye kaawakuu baalu le ke. Ali si duniyaa moolu bee kalamutandi ñiŋ na.

⁶ Siyoninkoolu*, ali sari santo, ali suukuwo laa seewoo kono, kaatu Banisirayila la Senuŋ Baa meŋ be sabatiriŋ ali kono, warata le.”