Jabuuroolu 39 - Mandinka Bible

Hadamadiŋo mu luntaŋ tambilaa le ti duniyaa

Meŋ be suukuulaa ñaatonkayaa la: Yedutuni tooyaa la, Dawuda la Jabuuroo le mu.

¹ N ko m faŋ ye ko, “M be n hakilitu la n kekuwolu to le, ŋa n neŋo muta, a kana n duŋ junube kuwo to. M be n daa mara la niŋ karafewo le la, niŋ moo kuruŋolu be n daala.”

² N tarata deyiriŋ ne tek, m maŋ tuus fo, bari n na niitooroo lafaakuuta le.

³ N jusoo kono ka munta le ko, dimbaa le be jee. N na miiroolu ye n konotoo kandindi le wit. Bituŋ n diyaamuta, n ko:

⁴ “Hee Yaawe*, n labaŋo yitandi n na, aniŋ m baluu tiloolu yaatewo. A yitandi n na n na baluwo loo be sutiyaariŋ ñaameŋ.

⁵ I ye n na baluu tiloolu ke le ko sibira kiliŋ, aduŋ n na baluwo loo la jamfoo maŋ ke i ñaa koto feŋ ti. A be koyiriŋ ne ko, moo-wo-moo la baluwo la sutiyaa be le ko, niiseloo niŋ niijiyo teema. S

⁶ Hadamadiŋo buka mee baluuriŋ, a be le ko niiniyo, a la matimatoo mu kenseŋ ne ti. Moo ka naafuloo kafu ñoo ma le, bari a buka a loŋ meŋ taa be ke la a ti.

⁷ “Wo to saayiŋ, Maariyo nte be jiki la muŋ ne la? Ŋa n jikoo loo ite le kaŋ.

⁸ N na junuboolu bee dunoo bondi n kaŋ. Kana soŋ ŋa ke moo kuntaŋolu ye jelefeŋo ti.

⁹ “Ŋa n deyi le, n daa te kuma fo la, kaatu ite le ye a ke.

¹⁰ I la busaroo daŋ n ye. I buloo laata n kaŋ ne fo n korita.

¹¹ I ka moolu jalayi le, ka ì kuluu, ì la junuboolu kamma la, i ye ì la sotofeŋolu kasaara, ì ye mennu kanu, komeŋ niŋ tumboolu dunta feŋo la. A be koyiriŋ ne ko, moo-wo-moo la baluwo la sutiyaa be le ko, niiseloo niŋ niijiyo teema. S

¹² “Hee Yaawe, n na duwaa moyi, i ye i lamoyi n na kumboo la, kana i ñaa kaasi n na ñaajii boŋo la, kaatu nte be i ye baluwo to le ko tumarankewo, m mu luntaŋ tambilaa le ti ko m mumuñolu.

¹³ N juubee doroŋ, i ye n tu jee, fo n si seewoo tukuŋ, janniŋ m be taa, n te tara la keriŋ kotenke.”