Jabuuroolu 2 - Mandinka Bible

Alla la tomboŋ mansa

¹ Bantala bankoolu* duŋ ka muŋ jamfaa le siti? Ì ka jamfaa kenseŋo le siti.

² Duniyaa mansoolu ye i paree keloo la. Maralilaalu kafuta ñoo ma ka feeroo siti Yaawe* kamma, aniŋ a la tomboŋ mansa.

³ Ì ka a fo ko, “Ali ŋà m̀ faŋ firiŋ ka bo ì la joloolu daa, ŋà m̀ faŋ bondi ì la mutaroo kono.”

⁴ Ate meŋ be siiriŋ mansasiiraŋo kaŋ Arijana, a jeleta le. Maariyo ye ì muta jelefeŋo le ti.

⁵ Bituŋ a ye ì jalayi a la kamfaa kaŋ, a ye ì kijafarandi a la jusukandoo kaŋ.

⁶ A ko, “Ŋa n na mansa londi Siyoni* le, n na konko senuŋo* kaŋ.”

⁷ Mansa ko, “M be a fo la le Yaawe ye kaŋo meŋ dii, a ko n ye le ko: ‘I mu n dinkewo le ti. Bii luŋo la nte faŋo keta i faamaa le ti.

⁸ Niŋ i ye n kaniŋ, m be bankoolu dii la i la le ka ke ì la keetaafeŋo ti. Duniyaa fannaa bee si ke i taa ti.

⁹ I be ì teyi la niŋ needokoo le la, ka ì teyiŋ-teyiŋ komeŋ jiibindaa.’ ”

¹⁰ Wo to alitolu mansoolu, ali ñaameŋ. Duniyaa maralilaalu, ali ñiŋ dandalaaroo moyi.

¹¹ Ali Yaawe batu niŋ ñaasilaŋo la, ali jarajara, ali ye a jayi.

¹² Ali sujudi Alla la mansariŋo ma, niŋ wo nte, ali si kasaara ali la siloo kaŋ, kaatu a la kamfaa ka wuli le kataba kiliŋ. Seewoo be moolu le ye mennu ka tankoo ñini a bulu.