Jabuuroolu 137 - Mandinka Bible

Niikuyaa suukuwo

¹ Babiloni baa jenjeŋolu la, ǹ siita duuma jee le ka kumboo, biriŋ ǹ hakiloo taata Siyoni* kaŋ.

² Yirisuŋ biireeriŋolu mennu tarata jee, ǹ ka ǹ na kontiŋolu deŋ wolu le santo.

³ M̀ mutalaalu ko ntolu ye suukuwo laa ì ye jee, n toorandilaalu ko ŋà maadiyaa ke ì ye. Ì ko, “Ali Siyoni suukuwo laa ǹ ye.”

⁴ Muna, ntolu si suukuwo laa noo Yaawe* ye wandi banku kaŋ baŋ?

⁵ Hee Yerusalaamu, niŋ n ñinata i la, Allamaa m bulubaa buloo ye faa.

⁶ Allamaa n neŋo ye kara n naaliŋo bala, niŋ n hakiloo buka bula i la, niŋ ite Yerusalaamu la kuwo seewoo le maŋ tambi n ye seewoo bee la.

⁷ Hee Yaawe, i miira Edomunkoolu ye meŋ ke, luŋo meŋ na ǹ jawoolu ye Yerusalaamu saatewo muta. Ì tarata a fo kaŋ ne ko, “Ali a tumbuŋ de! Ali a tumbuŋ de, fo a fondamaŋolu to!”

⁸ Ite Babiloni kasaaratoo diŋ, seewoo be moo le ye meŋ be i joo la kuwo la i ye meŋ ke ntolu la.

⁹ Seewoo be moo le ye meŋ be i la dindiŋ mereŋolu taa la a ye ì busa beroo bala.