Jabuuroolu 133 - Mandinka Bible

Kambeŋo neemoo

Moolu ka ñiŋ suukuwo le laa, niŋ ì be Alla Batudulaa Buŋo* waliŋ na. Dawuda la Jabuuroo le mu.

¹ Ñaaboo kuwo le mu, seewoo kuwo le mu, niŋ baadimmaalu tarata baluuriŋ kambeŋo kono.

² Kaatu ka ke kiliŋ ti, wo ka munta le ko, tulu senuŋ* seeralaa, ì ye meŋ boŋ Haaruna kuŋo kaŋ, a borita ka jii a booraa la, ka taa a la dendika baa kaŋo to.

³ Ka ke kiliŋ ti ka munta le ko, komboo meŋ ka boyi Herimoni* Konkoo kaŋ, a be jii la Siyoni* Konkoo kaŋ, Yaawe* ka a la neemoo dii daameŋ to, meŋ mu badaa-badaa baluwo ti.