Jabuuroolu 128 - Mandinka Bible

Lannamoolu la neemoo

Moolu ka ñiŋ suukuwo le laa, niŋ ì be Alla Batudulaa Buŋo* waliŋ na.

¹ Barakoo be moo le ye, meŋ silata Yaawe* la, meŋ ka taama a la siloo la.

² I maarii ye meŋ dookuu i buloo la, i be a tinewo domo la le. I be seewoo la le, aduŋ i be firiŋ na le.

³ I la musoo be ke la i la suwo kono le, komeŋ yiri dinnaa baa. I diŋolu be ke la i la domori miraŋo dandaŋo la le, komeŋ yiri faliŋ kutoolu.

⁴ Tooñaa, moo meŋ silata Yaawe la, a be neema la a ma teŋ ne.

⁵ Allamaa Yaawe neema la i ma ka bo Siyoni*. Allamaa i ñaa ye Yerusalaamu la firiŋo je, i baluu tiloo bee la.

⁶ Allamaa i ye i diŋolu diŋolu je. Kayiroo ye tara Banisirayila fee.